ZEPANYA 2:1 - BIBEL JAMITA NA DENGGAN

¹ Marsitutu jana marlagut ma, hamu ale bangso na so marjohoman,

ZEPANYA 2:1 ပူးပေါင်းရင်းမြစ်များ

2 JUJUR TAON 20:4

Sian ganop kota na adong di Juda kehe ma halak tu Jerusalem laho mangido tolong tu Tuhan.

NEHEMIA 8:1

Di bulan pitu madung hot halak Israel maringanan di kotana be. Di tanggal sada bulan i marlagut ma halahi sude di Jerusalem, di alaman parjolo ni Pintu Horbangan Aek. Dipangido halahi ma anso dibuat Malim Esra Buku Uhum. Si Esra, i ma sada halak na ahli salaho tu Uhum na nilehen ni Tuhan tu Israel marhite si Musa.

NEHEMIA 9:1

Tanggal dua pulu opat laing di bagasan bulan i, marlagut ma halak Israel. Puaso ma halahi laho patuduhon manyosal halahi di angka dosa ni halahi. Madung asing halahi sian sude halak na asing. Songon tanda ni na marsak, mamake abit goni do halahi jana dipambaeni halahi ma tano tu ulu ni halahi. Dung salpu i jongjong ma halahi mangoku sude dosa ni halahi dohot dosa ni angka ompu ni halahi.

ESTER 4:16

“Palagut ma sude halak Jahudi na di Susan anso martangiang salaho tu au. Ulang ma hamu mangan tolu ari tolu borngin lolotna. Au sandiri pe dohot angka bujing-bujing na mangoloi au laing puaso do. Dung sidung i, mangadop ma au tu raja i, haru pe mangalanggar undang-undang do i. Muda angkon mate ma au hara ni i, padiar ma mate au tusi!”

JEREMIA 3:3

Patunda ni i do gabe so aek sian langit, jana udan na somal di musimna nada unjung ro. Suman do ho tu siboru panggampang na so umboto hahaila.

JEREMIA 6:15

Angkon maila do nian halahi hara ni sude parbuatan ni halahi na jat i. Hape sihapal bohi do halahi jana na so umboto ila. Patunda ni i angkon gabe madabu do halahi songon halak na asing na dung madabu i; abis noma barita ni halahi muda jabat Au manguhum halahi. Au Tuhan, madung mandok songon i.”

JOEL 1:14

Parentahon bangsomi anso puaso, patupa hamu ma sada ari parpunguan bolon! Ontang ma angka pamimpin maradu hatobangonna maradu sude angka na maringanan di luat on, anso marroan tu Bagas Ni Tuhan Debata, laho martangiang jana pio-pio mangido tolong tuSia.

ZEPANYA 3:5

Tapi na tigor do anggo Tuhan di tonga-tonga ni halahi, nada unjung dibaen Ia hakejamon, na so unjung dihalupahon di hatiha manyogot. Tapi halak na kejam nada mamboto hahaila.

ZAKARIA 11:8

Jadi huabiskon ma parmahan na tolu i di bagasan sabulan, harana goyak do rohangku tu angka biri-biri i jana halahi pe goyak do rohana tu au.

MATEUS 18:20

Angke sanga di dia rap marlagut dua sanga tolu halak di bagasan goarKu, disi do Au rap dohot halahi.