ZEPANYA 1:9 - BIBEL JAMITA NA DENGGAN

⁹ UhumanKu ma sandok halak na marsomba songon na so mananda Au, dohot na manangko jana mamunu jolma laho manggohi bagas ni tokena dohot angka barang na dirampas.”

ZEPANYA 1:9 ပူးပေါင်းရင်းမြစ်များ

NEHEMIA 5:15

Anggo angka gubernur painte so au, na gabe boban do di rayat harana dituntut halahi do opat pulu hepeng perak sadari biaya ni sipanganon dohot anggur. Salang angka hatoban ni halahi pe antong dohot do mamisat rayat i. Tapi anggo au nada hubaen na songon i dibaen mabiar do au mida Debata.

PODA 29:12

Muda diparrohahon na markuaso do barita na so tutu, pagawena pe gabe pargabus do sude.

JEREMIA 5:27

Songon parburu unggas na pamasuk unggas tu karanjangna, songon i muse ma halahi mangisi bagas ni halahi dohot angka barang-barang na ditipu. Songon i ma dalanna gabe markuaso jana mamora halahi;

AMOS 3:10

“Saotik nada adong diboto halahi mambaen na tigor, ninna Tuhan, dibaen halahi do bagas paribadatanna dohot angka hakejamon dohot parkancitan.”

MIKA 6:12

Angka halak na mora di hutamu mamoroi do sian halak na pogos, jana pargabus do hamu sudena.

ZAKARIA 5:6

“Aha do i?” ningku manyapai. “Sada karanjang,” ning ia mangalusi. “I ma gambaran ni dosa sian sude tano on.”

BAENON NI ANGKA RASUL 16:19

Jadi dung torang diboto angka tuanna i na so adong be dapot halahi parlaboan sian ia, ditangkup halahi ma si Paulus dohot si Silas, ditarik halahi ma sidua halak i tu balerong mangadop tu na markuaso.

HAKIM-HAKIM 19:27

Manyogot i, di na tarsunggul halaklahinia i, dibuka ia ma pintu laho kehe marangkat, didapot ia ma radingnia i modom di jolo ni bagas i laing tiop tanganna i di pintu i.

1 SAMUEL 5:5

I ma dalanna lopus tu sadarion, anggo angka malim ni Dagon dohot sude na manyomba tusi di Asdod, sai dilangkai halahi do pintu ni bagas pamelean ni Dagon i jana nada didege i.)