ZEPANYA 1:7 - BIBEL JAMITA NA DENGGAN

⁷ Mian ma hamu di jolo ni Tuhan Debata! Angke madung donok ari ni Tuhan. Tutu madung dipasingkop Tuhan sihaulkonon i jana madung diparbadiai angka na diontangNia i.

ZEPANYA 1:7 ပူးပေါင်းရင်းမြစ်များ

JOB 24:1

Biasi nada ditontuhon Debata ari paruhuman, anso angka halak sitandaanNia maruli hatigoran?

MASMUR 46:10

Didok Ia, “Boto hamu ma, Au do Debata, ulang be pupu na marporang. Di tonga-tonga ni angka bangso, godang do Au, godang di sude tano on.”

JESAYA 13:3

Madung dipiohon Tuhan angka ulubalang na nipilianNia na garang, na marpos ni roha di dirina jana na papos roha laho mamorangi dohot manguhumi angka jolma na hona murukNia.

JESAYA 13:6

Mangandungi ma hamu, angke madung donok ari ni Tuhan i. Di ari i, paroon ni Tuhan Na Gumincat i ma hamagoan.

JESAYA 29:2

Angka andung-andung dohot na tangis noma tarbege disi songon langgatan panutungan noma sude kota i.

JESAYA 34:5

Madung mangamuk podangKu di langit, jana saonnari honaan ni podang i ma bangso Edom na hona uhum i jana abiskonon noma i.

JESAYA 34:6

Marlapu-lapu mudar dohot tabo-tabo do podang ni Tuhan, i ma mudar dohot tabo-tabo ni pahan-pahanan na nihaulkon. Pasingkopon ni Tuhan ma haul di Bosra, jana pamasaonNia ma pambantean marabis-abis di tano Edom.

JESAYA 6:5

Dung i hudok ma, “O ale, mate noma au, angke mardosa do au markite-hite sude hatangku, boti muse na maringanan di tonga-tonga ni bangso na songon i muse do au. Umporan dope, harana madung diida matangku sandiri Raja, Tuhan Na Markuaso i!”

JEREMIA 46:10

On ma ari ni Tuhan Debata Na Markuaso i; anggo di ari on mambaen pamaloson ma Tuhan Debata Na Markuaso i tu sude angka musuNia. Panganon ni podangNia ma halahi lopus butong, jana inumonna mudar ni halahi lopus sombu. Di ari on disambol ma angka haul di Utara di topi ni Batang aek Efrat i.

JEHESKIEL 7:10

Ligi ma madung ro arina: Masa ma parhancitan, martumbur ma hajahaton, marharajaon ma ginjang ni roha.

JEHESKIEL 7:7

Madung marujung sasudena di ho, ale bangso na maringanan di luat on. Saonnari nada adong be angka hariburon di langgatan na di dolok; hum hagaoron noma na adong.

JOEL 1:15

Nada sadia honok nari ari ni Tuhan dapot ne ma, disi ma hatihana Na Markuaso i parohon mara. Na jorbut sun do ari i dibaen maroban arsak dohot hasegoan do i.

JOEL 2:11

Mangaronggur ma sora ni Tuhan mangalehen tanda, jana tunduk do tuSia parangan i sude. Na bahat do paranganNia! Santak gogo ni tentara na nipimpinNa! Ari na godang jana na jorbut do ari ni Tuhan! Ise he na bisa mangambati i?

JOEL 2:31

Manggolap ma mataniari jana bulan pe marrara songon mudar dompak so dapot ari ni Tuhan i, i ma ari na godang jana sihabiaran!

AMOS 6:10

Muda adong sian na sabagas mangurus kuburan ni na matean, ro ma ia jana ia ma maroban bangke ni sisolkotna i tu balian. Pio-pio ma ia tu jolma na di pudi ni bagasna i, “Adong dope he na mangolu disi rap dohot ho?” Jadi tarbege ma alus mandok, “Nada be!” Dokkonon ni na markarejo mangubur bangke ia ma, “Ulang be mangkatai ho! Nada tola dokkononta goar ni Tuhan.”

AMOS 8:3

Gabe partangisan noma angka ende-ende na di bagas godang anggo di ari i. Marragean angka bangke sap ro di dia, angka na diambungkon sip-sip.”

HABAKUK 2:20

Di bagasan Bagasna na badia i do Tuhan; sai maringanan di jolonia ma nian jolma na satano on.

ZEPANYA 1:14

Madung donok ari paruhuman ni Tuhan, olo da, madung donok sajo do, lalu ne ma i manigor. Gok hapaeton do ari i, salang angka ulu balang pe angkon gabe mangangguki.

ZAKARIA 14:1

Dapot ne ma ari paruhuman ni Tuhan. Rampason ma Jerusalem jana dibagi-bagi ma di jolo ni matamu na dapotna i.

ZAKARIA 2:13

Maringanan ma hamu sudena di jolo ni Tuhan! Angke madung ro Ia antong sian inganan parmiananNia na badia i.

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

MATEUS 22:4

Dung i disuru raja i ma angka naposonia na asing. Ditonai raja i ma halahi: ‘Paboa hamu ma tu angka na niontang i: Madung singkop horja ni anakki. Angka lombu jantan dohot angka pahan-pahanan na jumeges madung nisambolan. Madung rade sude. Ro be ma hamu tu horja parbagason i!’

SURAT NI SI PAULUS TU PARLAGUTAN ROM 3:19

Tapi taboto do sude na tarsurat di Buku Tona dilehen do tu halahi na mangolu di toru ni Tona, anso nada adong sanga na ise be marsidalian jana sude portibi on hona uhuman ni Debata.

SURAT NI SI PAULUS TU PARLAGUTAN ROM 9:20

Ise ma he hamu ale jolma, umbaen na dialo hamunu Debata? Bisa ma he na ditopa mandok tu na manopana, “Biasi dehe ditopa ho au gabe songon i?”

PILIPPI 4:5

Angkon idaon ni halak ma nian pangalahomunu sian roha na denggan. Madung donok Tuhan i.

KOLOSSE 1:12

mardongan tarimakasi tu Ama i. Angke Ama i do na patumbukkon hamu gabe rayat di harajaan na tiur.

1 SAMUEL 16:5

Dialusi si Samuel ma, “Olo, tutu do i. Na giot manghaulkon haul tu Tuhan do na huharohon. Jadi paias hamu ma dirimunu anso tarbaen hamu dohot di na marhaul i.” Si Isai pe dohot angka dakdanakna i laing dohot ma disuru ia paias dirina be, jana diontang ia tu parhaulan i.

1 SAMUEL 20:26

Tapi nada ditaringoti si Saul taringot tusi anggo di na sadari i, harana dipikir ia, “Aropku na adong do sanga na aha na masa tusia gabe nada ias ia.”