ZEPANYA 1:18 - BIBEL JAMITA NA DENGGAN

¹⁸ Di ari na jorbut i pataridahonon ni Tuhan ma murukNa gabe nada tarbaen sere dohot perak ni halahi be paluahon halahi. Malala ma sude portibi on ditutung api ni hamuruhonNa i. Jadi ompot ma sintakkononNia sandok hosa na adong di tano on.

ZEPANYA 1:18 ပူးပေါင်းရင်းမြစ်များ

PAMUNGKAAN 6:7

jabat didok Ia, “Huabiskon noma jolma na Hutompa on, dohot sude binatang bope angka unggas i, harana manyosal do Au manompa halahi.”

1 RAJA-RAJA 14:22

Mardosa do bangso Juda tu Tuhan. Tamba gurgur do muruk ni Tuhan dibaen pangalaho ni halahi martimbangkon sandok pangalaho ni ompu ni halahi.

JOB 21:30

Pandok ni halahi, ‘Di ari pandabu ni Debata di uhuman i, angka parjahat paluaon ma disi.’

JOB 3:15

Tarpodom ma au songon anak ni raja, na manggohi bagasna dohot parate na marsimata.

MASMUR 78:58

Marhite angka patung dohot inganan parsombaan ni gana-ganaan, mangiburu jana tarrimas Ia dibaensa.

MASMUR 79:5

Ale Tuhan, torus noma lakna Ho muruk, jana sai marapi purun hamumurukMu?

PODA 11:4

Nada mararti sinadongan hatiha mangadopi uhum hamatean; angke hasintongan paluahon halak sian hamatean.

PODA 18:11

Hape diambang halak na kayo sinadonganna i do mangondihon ia. Songon tembok na gincat boti togu humaliang kota.

JESAYA 1:24

Hara ni i songon on ma didok Tuhan, Tuhan Na Markuaso na mangondihon Israel, “BaloshononKu ma hosom ni rohangKu tu angka alongKu, jana baenonKu ma pamaloson tu angka musungKu.

JESAYA 10:17

Debata Na Badia sinondang ni Israel, gabe songon jilam ni api na manutung abis sasudena di bagasan sadari, dohot ma i angka ramba na marduri i.

JESAYA 10:3

Aha ma na giot baenonmunu di ari panguhuman, jana hatiha hasesego na giot ro sian sihadaoan? Tu ise ma ho kehe mangido pangurupion? Di dia ma he tabunihononmunu hakayoonmunu i?

JEREMIA 7:20

Au Tuhan Debata, padondonkononKu ma murukKu na jorbut i tu bagas paribadatan on, tu jolma dohot tu binatang dohot tu suan-suanan dohot tu suha ni tano. Marjimbur-jimbur ma murukKu songon api na so haintopan.”

JEREMIA 7:34

Gabe padang na harsang ma tano i. AntahonKu ma sora na marmoga-moga dohot sora ni pesta haroan boru di angka kota ni Juda dohot di angka dalan ni Jerusalem.

JEREMIA 9:11

Didok Tuhan, “Gabe lobu baenonKu Jerusalem inganan partabunian ni sorigala. Mamolngit ma angka kota ni Juda, inganan na so adong be pangisina.”

JEHESKIEL 16:38

UhumanKu do ho hara ni parhamainan dohot pamunuon na nibaenmi. Mate ma ho uhumanKu di bagasan muruk dohot rimasKu.

JEHESKIEL 23:25

Hara ni na muruk Au tu ho, Hupadiar halahi jingar tu ho. Rampingkonon ni halahi igungmu dohot pinggolmu jana buaton ni halahi angka dakdanakmu jana tutungonna mangolu-olu.

JEHESKIEL 7:11

Mur martamba hajahatan dibaen hakejamon. Sandok sinadongan, hagodangan dohot bungaran ni halahi abis noma i nada martanda.

JEHESKIEL 7:19

Ambungkonon ni halahi noma sere dohot perak songon rompak-rompak di topi dalan angke anggo di ari disi dipalalu Tuhan gilap ni murukNa nada tarpalua sere dohot perak i be halahi, mur mangonjarkon halahi noma i tu bagasan dosa. Nada tarpargunahon halahi be i laho papuaskon hagiot sanga laho manggohi butuha ni halahi.

JEHESKIEL 7:5

Songon on ma pandok ni Tuhan Debata, “Ligi ma, mardapot-dapot noma parmaraan!

ZEPANYA 1:11

Mangandungi ma hamu jana martangisan di na tarbege sora i tu hamu, ale pangisi ni kota parlombang, angke ma pola mate sude parboniaga hona bunu!

ZEPANYA 1:15

Ari haririmas do ari i, ari hamaolon dohot hasusaan, ari hadadabu dohot hasegoan, ari hagolapan dohot haholomon, ari na rambon jana na manyorop.

ZEPANYA 2:2

painte so diayak dope hamu songon lapung na diombuskon, painte so ro dope tu hamu muruk ni Tuhan na marapi-purun, painte so ro dope ari hamumuruk ni Tuhan.

ZEPANYA 3:8

Hara ni i painte ma Au – ninna Tuhan – di ari harorongKu jadi saksi. Harana haputusanKu i ma papunguhon angka bangso dohot harajaan anso Huusehon rimasKu na marapi purun, harana sude tano angkon abis dibaen api ni pangiburuonKu.

MATEUS 16:26

Aha ma he labo ni halak, muda ia nampuna sude na satano on, anggo mago do sian ia ngolunia? Targonti ma he ngolu i sanga na dohot aha?

1 KORINTUS 10:22

Anso mangiburu dehe lakna Tuhan baenonta? Gumogo dehe hita lakna sian Tuhan?

PANGARATAION 31:17

Muda tarjadi songon i, hona muruk ma halahi baenonKu. TadingkononKu ma halahi, tabunihononKu ma bohingKu maradopkon halahi jana pangabison halahi. Marroan ma bahat parmaraan na ampe tu halahi, jana botoon ni halahi ma umbaen na masa pe songon i tu halahi, angke Au do antong Debata ni halahi, hape nada Hudongani be halahi.