ZEPANYA 1:14 - BIBEL JAMITA NA DENGGAN

¹⁴ Madung donok ari paruhuman ni Tuhan, olo da, madung donok sajo do, lalu ne ma i manigor. Gok hapaeton do ari i, salang angka ulu balang pe angkon gabe mangangguki.

ZEPANYA 1:14 ပူးပေါင်းရင်းမြစ်များ

JESAYA 15:4

Mangangguhi ma halak Hesbon dohot Eleale jana habegean do angguk ni halahi i lalu tu Jahas. Salang angka tentara pe humitir do; manyikur be hara ni biarna.

JESAYA 33:7

Angka halak na barani, marsurahi mangido tolong. Angka suruan na mancubo mambaen pardamean, martangisan ma hara ni dangolna.

JESAYA 66:6

Tangihon ma! Adong sora na gumadobur di kota, adong sora sian BagasKu. I ma da sorangKi na topet manguhumi musu i!

JESAYA 8:22

sanga tu tano, umpe bagi aha idaon ni halahi asing sian hasusaan dohot hagolapan maradu haholomon na mandondoni, jana tu inganan na songon i ma halahi ditogu.

JEREMIA 25:36

Humolos jana tangis hamu hara ni marsakna dibaen madung diabisi Tuhan bangsomunu jana dironcohon tanomunu na aman i.

JEREMIA 30:7

Madung dapot ari na jorbut, ari na so adong tudosanna. Anggo di bangsongKi ari i ma na mambaen sak ni roha; tapi paluaonKu do halahi.”

JEREMIA 46:5

Tapi bia do ninna Tuhan! “Munduk do halahi Huida hara ni na tarsonggot. Madung dipukul mundur angka tentara ni halahi, biar sajo roha ni halahi, gabe mangido halahi jana nada manaili tu pudi.

JEREMIA 48:41

Rampasonna ma angka kota dohot angka bentengna, jana mabiar ma tentarana i songon ina na giot di api.

JEHESKIEL 12:23

Antong paboa ma tu halahi, Au Tuhan Debata, mangalehen alus songon on: SesaonKu ma umpama i, anso ulang dipardokkon-dokkon i di Israel. Dokkon ma tu halahi songon gontina, bahaso na dung dapot hatihana jana tarjadi ma sandok alatan.

JEHESKIEL 30:3

Madung donok ari ni Tuhan, ari na golap, hatihana ma di angka bangso manjagit uhuman.

JEHESKIEL 7:12

Ro ne ma hatihana, ari na pe madung donok! Nada manutung bagi aha sipanobusi dohot sipanggadis, angke lingkupon ni uhum ni Debata noma sude jolma.

JEHESKIEL 7:16

Malua do nian deba jana maporus ma i tu partoran songon darapati na nihabur sian rura. Mangangguhi be ma i hara ni angka dosa ni halahi.

JOEL 1:15

Nada sadia honok nari ari ni Tuhan dapot ne ma, disi ma hatihana Na Markuaso i parohon mara. Na jorbut sun do ari i dibaen maroban arsak dohot hasegoan do i.

JOEL 2:1

Palu ma sarune di Sion jana marsurak ma di dolok ni Debata na badia i. Humitir ma sude pangisi ni luat angke dapot ne ma ari ni Tuhan, angke madung donok ari i.

JOEL 2:11

Mangaronggur ma sora ni Tuhan mangalehen tanda, jana tunduk do tuSia parangan i sude. Na bahat do paranganNia! Santak gogo ni tentara na nipimpinNa! Ari na godang jana na jorbut do ari ni Tuhan! Ise he na bisa mangambati i?

JOEL 2:31

Manggolap ma mataniari jana bulan pe marrara songon mudar dompak so dapot ari ni Tuhan i, i ma ari na godang jana sihabiaran!

JOEL 3:14

Marribu-ribu jolma na ro di Rura Josafat i. Angke manigor ro noma disi ari ni Tuhan i.

JOEL 3:16

Mangorong ma Debata sian Sion, dipatubegehon Ia ma soraNia sian Jerusalem. Humutur langit, dohot tano pe mangihut. Tapi laing tong do Tuhan mambela bangsoNa.

AMOS 8:2

Disapai Tuhan ma, “Aha do diida ho Amos?” Jadi hualusi ma, “Sada karanjang na marisi parbatu do.” Didok Tuhan ma, “Madung dapot hatihana marujung ngolu ni Israel. Nada ubaonKu be sangkapKu laho manguhum halahi.

ZEPANYA 1:10

Anggo di ari i, ninna Tuhan, “Habegean ma sora ni na tangis di Horbangan Ihan, habegean ma sora ni andung sian parkotaan na imbaru, dohot sora ni na matolbak godang marsaringar ma sian angka dolok.”

ZEPANYA 1:7

Mian ma hamu di jolo ni Tuhan Debata! Angke madung donok ari ni Tuhan. Tutu madung dipasingkop Tuhan sihaulkonon i jana madung diparbadiai angka na diontangNia i.

MALEAKI 4:5

Ligi ma suruonKu ma tu hamu Panurirang Elia, patujolo ni ari ni Tuhan Na Markuaso jana na godang i.

BAENON NI ANGKA RASUL 2:20

Manggolap ma mataniari, marrara ma bulan i songon mudar dompak so dapot Ari Ni Tuhan i, i ma Ari na godang jana na marmulia i.

PILIPPI 4:5

Angkon idaon ni halak ma nian pangalahomunu sian roha na denggan. Madung donok Tuhan i.

1 TESSALONIKA 4:16

Saulahon di na mijur Tuhan Jesus sandiri sian banua ginjang, pio-pio ma kapala ni surusuruan i marsora na gogo jana dipalu ma sarune ni Debata songon boa-boana. Jadi angka halak na dung porsaya tu Kristus dompak di ngoluna be, pangoluon ma halahi parjolo.

IBRANI 12:26

Mangaronggur do ditano on soraNia hatiha i. Tapi saonnari madung marjanji Ia, “Mangaronggur dope baenonKu sanoli nari, nada hum tano on, tapi dohot do langit.”

JAKOBUS 5:9

Ulang mungut-ungut hamu jana marsipasalaan anso ulang diuhumi Debata hamu. Ingot! Ro ma panguhum i.

2 PETRUS 2:3

Hara ni na ahut tu dirina, caritohonon ni angka guru pargabus i ma tu hamu angka carito na nibaen ni halahi sandiri anso dapotan untung halahi sian hamu. Tapi anggo panguhuman laho manguhum halahi madung tibu dipasingkop jana hamagoan na dung ditontuhon pe tu halahi madung paintehon tu halahi.