ZEPANYA 1:11 - BIBEL JAMITA NA DENGGAN

¹¹ Mangandungi ma hamu jana martangisan di na tarbege sora i tu hamu, ale pangisi ni kota parlombang, angke ma pola mate sude parboniaga hona bunu!

ZEPANYA 1:11 ပူးပေါင်းရင်းမြစ်များ

JOB 27:16

Bolas jadi do maradu bahat perak ni halahi dohot pakeanna maradu martinggangi

JOB 27:17

hape gabe halak na ias roha ma nampuna perak dohot pakean i sudena.

JEREMIA 25:34

Hamu angka pamimpin, dohot angka parmahan ni bangso ni Tuhan! Pagogo hamu ma partangismunu! Margiling-giling ma hamu di abu, dibaen madung dapot hatihana bunuon hamu; sambolon ma hamu songon biri-biri na dibante.

JEREMIA 4:8

Antong hara ni i, tangis jana mangandungi ma hamu, pake hamu ma abit goni tanda ni arsakmunu. Angke nada sumurut dope sian Juda muruk ni Tuhan na marnyala-nyala.

JEHESKIEL 21:12

Mangandung ma ho, ale jolma parsantongkinan, mangarar ma ho jana pio-pio! Angke madung hobas podang i mangalo bangsongKu. Angka pamimpin ni Israel rap dohot bangso i sudena tihamon ni podang i ma lopus marmatean. Jadi tompuk ma andoramu hara ni dangolna,

HOSEA 9:6

Madung donok hamamago jana masarsar ma hamu. Jadi palagut-laguton ni halak Mesir ma hamu anso dikubur di Memphis! Tubu ma duhut dohot duri, jana tutupanna ma parbagasonmunu humani dohot angka barang perakmunu sigodang arga i.

JOEL 1:13

Hamu ale angka malim na markobasi di langgatan, pake hamu ma abit goni anso martangisan. Masuk ma tu Bagas Ni Tuhan marbornginma laho mangandung disi, angke nada adong be haul anggur dohot gandum.

JOEL 1:5

Ngot ma, o angka parmabuk jana tangis ma hamu! Tangis ma hamu ale angka parminum anggur na baru, angke madung dirampas anggur i sian pamanganmunu!

ZEPANYA 2:5

Marjaya ma hamu angka pangisi ni Topi Laut, hamu bangso Kreti! Maradopkon hamu ma hata ni Tuhan on, ale Kanaan tano ni halak Pilistin! AbiskononKu noma ho, lopus nada adong be pangisimu.

ZAKARIA 14:21

Sude hudon na adong di Jerusalem dohot na di Juda sudena hapunjungkonon ma i baen sipakeon di bagasan paribadatan tu Tuhan Na Markuaso i. Pakeon ni halak na manghaulkon haul ma i pangalompaan ni juhut sihaulkononna i. Muda dung dapot hatiha i, nada adong be parjagal di Bagas Ni Tuhan Na Markuaso i.

JOHANNES 2:16

Dung i didok Ia ma tu panggadis darapati i, “Oban hamu sude unggas i. Ulang baen hamu gabe inganan parjagalan Bagas Ni Damang!”

JAKOBUS 5:1

Hamu angka halak na mora! Tangihon hamu ma sipaingotkon. Tangis ma hamu jana mangandungi, harana manaon parkancitan ma hamu!