ZEPANYA 1:1 - BIBEL JAMITA NA DENGGAN

¹ On ma hata ni Tuhan tu si Zepanya anak ni si Kusi, i ma anak ni si Gedalya, i ma anak ni si Amarya, i ma anak ni si Hiskia, taran di tingki ni si Josia anak ni si Amon raja di Juda.

ZEPANYA 1:1 ပူးပေါင်းရင်းမြစ်များ

2 RAJA-RAJA 21:18

Marujung ma ngolu ni si Manase, jana dikuburkon di Kobun Bagas godang, i ma Kobun Usa. Anaknia si Amon ma gabe raja gontinia.

2 RAJA-RAJA 21:26

Dikubur ma si Amon di kuburan na di Kobun Usa. Anaknia si Josia ma gabe raja gontinia.

2 JUJUR TAON 33:20

Mate ma si Manase jana dikuburkon di bagas godang. Gabe raja ma si Amon anaknia manggontihon ia.

JEREMIA 1:2

Mangkuling ma Debata tu si Jeremia di taon patolu bolaskon dung mamarenta si Josia anak ni si Amon raja ni Juda.

JEREMIA 22:11

Taringot tu si Joahas, anak ni si Josia na gabe raja di Juda manggontihon amangna, didok Tuhan songon on, “Madung kehe ia sian on jana nada mulak be ia.

JEREMIA 25:3

“Mamungka sian taon patolu bolaskon dung mamarenta si Josia anak ni si Amon, raja di Juda, lopus tu sadari on, jadi madung dua pulu tolu taon honokna, hata ni Debata dipalalu tu au, jana nada unjung lupa au palaluhon hata i tu hamu, tapi nada ra hamu manangihonsa.

JEHESKIEL 1:3

ro ma Tuhan mandok tu Malim Jeheskiel, anak ni si Busi di tano ni halak Kasdim di topi ni Batang aek Kebar, jana digohi kuaso ni Tuhan ma ia.

HOSEA 1:1

On ma tona na nilehen ni Tuhan tu si Hosea anak ni si Beeri taran marudut-udut Juda diparenta angka raja, si Usia, si Jotam, si Ahas, dohot si Hiskia, jana Israel diparenta si Jerobeam anak ni si Joas.

2 TIMOTEUS 3:16

Sudena na tarsurat di Buku Na Badia i na nituturkon ni Debata i, na marguna do i laho mangajarkon na sintong, manggorahon dohot paturehon na sala bope laho mangajari jolma anso mangolu di bagasan hatigoran.

2 PETRUS 1:19

I do umbaen na mur pos rohanami di barita ni Debata na nipaboa ni angka panurirang i. Denggan sajo do sugari dohot hamu mamparate-atehon barita i, angke songon lampu na marsinondang di inganan na golap do barita i jana marsinondang ma i songon sinondang ni bintang di andostorang di bagasan rohamunu.