ZAKARIA 9:3 - BIBEL JAMITA NA DENGGAN

³ Dibangun Tirus do angka benteng di dirina sandiri jana ditimbunsa sere dohot perak bahat sajo lopus gabe songon bustak di alaman.

ZAKARIA 9:3 ပူးပေါင်းရင်းမြစ်များ

2 SAMUEL 24:7

Dung i kehe ma halahi tu Selatan, tu Tirus kota na marbenteng i. Torus ma halahi kehe tu sude kota ni halak Hewi dohot halak Kanaan, jana ujungna tu Berseba, na di bagian Selatan ni Juda.

1 RAJA-RAJA 10:21

Sude panjamaan panginuman ni si Salomo, na nibaen sian sere do sude. Jana sandok parkokas na di Bale Tombak Libanon pe, na nibaen sian sere na polin do sude. Nada adong barang na sian perak, harana di hatiha ni si Salomo nada mararga anggo perak.

1 RAJA-RAJA 10:27

Jadi hatiha si Salomo mamarenta, anggo perak di Jerusalem barang na somal do i tudos tu batu jana sampinur Libanon marlobi-lobi do i, songon gala-gala.

JOB 22:24

Ambungkon ma da seremu na polinna i; danggurkon ma i tu tandolan ni batang aek na so maraek i.

JOB 27:16

Bolas jadi do maradu bahat perak ni halahi dohot pakeanna maradu martinggangi

JOB 3:15

Tarpodom ma au songon anak ni raja, na manggohi bagasna dohot parate na marsimata.

JESAYA 23:11

Madung dipatoltol Tuhan tanganna di ginjang ni laut jana ditunggalingkon angka harajaan. Diparenta Ia do Kanaan anso dironcohon angka benteng ni Penisia.

JESAYA 23:8

Nada he angka saudagarna i do anak ni raja tubu ni na mora na umbahat dipasangap di tano on? Ise dehe na mambaen haputusan laho mandabuhon Tirus kota na umbahat kuasona i?

JEHESKIEL 26:12

Rampason ni angka musumi ma sandok sinadonganmu dohot jagalanmu. Parrumpakkonon ni halahi ma angka tembokmu jana sego-segoonna angka bagasmu na jeges i. Pambuatan ni halahi ma angka batuna i, angka papanna dohot tanona jana ambungkonon ni halahi tu laut.

JEHESKIEL 27:27

Sude barang boniaga muatanmi, sandok parlaut songon i anak buami, sude tukang hayu dohot saudagarmi, ganop tentara na di kapal i, halahi sudena mago bonom, di hatihamu harom.

JEHESKIEL 27:33

Taran diadangi ho angka laut mardongan muatan na gok, digohi ho do haporluan ni angka bangso; angka raja pe dibaen ho do makayo hara ni bahat ni barang-barangmu.

JEHESKIEL 27:34

Saonnari na dung bonom do ho, magopu di tandolan ni laut ho. Sude paranganmu maradu dohot muatanmu mago rap dohot ho di tonga-tonga laut.

JEHESKIEL 28:1

Didok Tuhan ma tu au:

AMOS 1:9

Didok Tuhan, “Marpupu do mardosa halak Tirus, hara ni i angkon hona uhum halahi Hubaen. Dioban halahi do himpal sada bangso tu habuangan, jana dipasahat halahi tu Edom; dilanggar halahi do parjanjian parale-aleon.

JOSUA 19:29

Sian i mangeldok ma batas i tu Rama lopus tu kota Tirus, i ma sada kota na marbenteng; dung i mangeldok ma mangulahi garis batas i tu Hosa lalu marujung ma di Laut Tonga. Masuk tu bagasan batas i ma Mahalab, Aksib,