ZAKARIA 7:9 - BIBEL JAMITA NA DENGGAN

⁹ “Songon on ma hata ni Tuhan Na Markuaso i, ‘Karejohon ma angka tona na tigor jana maribo ni roha dohot marroha na denggan maradopkon donganmunu jolma.

ZAKARIA 7:9 ပူးပေါင်းရင်းမြစ်များ

2 SAMUEL 9:7

Didok si Daud ma, “Ulang mabiar ho. Haburjuon do na giot baenonku tu ho marningot si Jonatan, amangmi. Hupaulak ma tu ho sude tano ni ompungmu si Saul, jana mangan di bagas godang noma ho torus.”

JOB 31:20

wol na sian biri-biringku sandiri hubaen palaskonsa gabe dipuji ia ma iba sian sandok rohana.

JOB 6:14

Di sitaonon na songon on, hupasahat noma ale-ale na solkot on. Sanga na hot dope au di haburjuon sanga pe na dung humuduk sian Na Sun Kuaso.

PODA 21:3

Sumonang do roha ni Tuhan mida hatigoran dohot hatutuan ni pambaenanmu, ulang pado sasude na nihaulkonmu.

JEREMIA 22:3

“Tigor jana jujur ma pambaenanmunu! Palua ma halak na hona incop sian tangan ni halak na mangincopsa. Ulang ma manjahati sanga manyosak hamu tu halak na leban, dakdanak na so marama so marina, sanga na mabalu. Ulang ma bunu hamu halak na so marsala di inganan on, ninna Tuhan.

JEREMIA 7:23

Anggo na Huparentahon tu halahi, hum pangoloion tu Au do anso Au gabe Debata ni halahi, jana halahi gabe bangsongKu. Husuru halahi anso mangolu mangihutkon angka na Huparentahon anso martua halahi.

JEREMIA 7:5

Pauba hamu ma ngolu dohot pangalahomunu. Baen hamu ma na tigor na sada tu na asing.

JEHESKIEL 18:8

Nada jungada pasalihon ia mardongan bunga. Nada ra ia mambaen hajahatan, jana di bagasan sude parsalisian dibaen ia do haputusan na tigor.

JEHESKIEL 45:9

Didok Tuhan Debata i ma, “Tuk ma da angka dosamunu i, ale angka parkuaso ni Israel! Antak hamu ma na mambaen roha-rohamunu i dohot na mamisat rayat i. Baen hamu ma na tigor dohot na sintong. Na so jadi usironmunu be bangsongKu sian tano ni halahi. Au, Tuhan Debata do mamarentahon i tu hamu.

HOSEA 12:7

Hara ni i, ale hamu pomparan ni si Jakob, haporsayai hamu ma Debatamunu i jana mulak ma hamu tuSia. Gok holong ni roha dohot hatigoran ma ngolumunu, jana sobar ma hamu paintehon lopus tulus i dibaen Debatamunu.

HAMALIMON 19:15

Angkon tigor jana bonar do ho mandabu uhum di parkaro, ulang ampini na miskin di na so dalanna jana ulang mabiar ho mida halak na mora.

AMOS 5:24

Dumenggan do usahohon hamu anso mardalan hatigoran songon aek, jana hajujuron songon batang aek na tongtong mardalan.

MIKA 6:8

Nada! Madung dipaboa Tuhan tu hita sanga aha na denggan. Anggo na nipangido ni rohaNia sian hita, i ma anso tigor pambaenanta, tadalankon ma holong ni roha, jana mangoku di bagasan toruk ni roha di jolo ni Debatanta.

ZAKARIA 7:7

Nada he on ma hata ni Tuhan na nipalalu marhite angka panurirang na jolo, hatiha Jerusalem dohot angka kota na humaliangna diingani angka jolma di bagasan sonang, dohot tano Negeb jana dohot luat partoran laing di ingani?

ZAKARIA 7:8

Dilehen Tuhan Na Markuaso i ma tu si Zakaria tona songon on,

MATEUS 23:23

Marjaya ma hamu angka Siboto Surat dohot angka Parise! Pangalancap do hamu! Dilehen hamu do parpuluan ni pulungan ni bulung-bulung ni parmasak dohot silalat dohot jintan tu Tuhan. Hape anggo angka pangalaho na ummarga sian angka tona i, umpamana rupani: Hatigoran, asi ni roha, haburjuon, nada diterge hamu be. Angkon i do nian parjolo baenonmunu so pola mangkalupahon na asing-asing i muse.

LUKAS 11:42

Marjaya ma hamu angka halak Parise, dibaen dilehen hamu do parsampuluan sian angka suan-suanan na menek, inggu dohot ragam-ragaman ni simarata, tapi dilaosi hamu do tona dohot holong ni roha ni Debata. Angkon sikarejohonon do i, tapi ulang nitinggalkon na asing i.

JOHANNES 7:24

Ulang ma marojahan tu na tarida sajo hamu muda manguhumi halak, tapi uhum na tigor ma baen hamu.”

JOHANNES 7:51

“Anggo mangihutkon Tona i nada tola hita manguhum-uhumi halak, anggo so jolo nibege dope parkarona, jana anggo so jolo dipareso sanga aha na nibaenNia.”

PANGARATAION 22:1

Muda diida hamu lilu lombu sanga biri-biri ni dongan sabangsomunu Israel, ulang dipaula so niboto, tapi oban ma pahan-pahanan i mulak tu nampuna i.