ZAKARIA 7:3 - BIBEL JAMITA NA DENGGAN

³ Laing disuru do halahi marsapa tu angka malim dohot panurirang, songon on, “Angkon tangis dope he hami jana puaso ganop di bulan palimahon songon na dung hami dalankon martaon-taon honokna?”

ZAKARIA 7:3 ပူးပေါင်းရင်းမြစ်များ

ESRA 3:10

Di na mamungka mamayakkon pondasi ni Bagas Ni Tuhan i angka parkarejo bangunan i, marpakean juba ma angka malim jana jongjong ma halahi di inganan na ditontuhon maniop sarune. Laing disi muse ma jongjong halak Levi na sian horong Asap maniop angka doal na menek-menek. Dipuji-puji halahi ma Tuhan hombar tu aturan na dung ditotopkon mamungka sian hatiha ni Raja Daud.

PARJAMITA 3:4

Adong do hatihana tangis dohot hatihana martata; hatihana mangandungi dohot hatihana manortor.

HOSEA 4:6

Hamu angka malim nada parduli hamu di Au, gabe songon i muse ma bangsongKu nada parduli be tu Au, lopus marjaya halahi. Ditulak hamu do angka pangajaranKu. Jadi Au pe tulahonKu noma hamu, jana nada Huokui angka dakdanakmunu gabe malim di Au.

JOEL 2:17

Angka malim na manghobasi di Bagas Ni Tuhan, di antara ni langgatan dohot emper parjolo an, tangis jana mangandungi di jolo ni langgatan jana didok ma, “Haholongi ma ale Tuhan, bangsoMon ulang padiar bangsoMon marlayas jana diparkanciti, jana gabe siincahan ni angka bangso na asing. Biasi sai didokkon halak di tonga-tonga ni angka bangso, ‘Di dia do Debata ni halahi?’ ”

HAGAI 2:11

“Songon on do hata ni Tuhan Na Markuaso: Sapai ma tu angka malim taringot tu pangajaran.

ZAKARIA 7:4

Dung i ro ma parenta ni Tuhan Na Markuaso i tu au songon on,

ZAKARIA 7:5

“Palalu ma tu sude halak na maringanan di luat on dohot tu angka malim songon on: Dompak marpuaso hamu jana mangandungi di bulan palimahon dohot papituhon salolot na pitu pulu taon on, adong ma he sian situtu ni rohamunu marpuaso di Au?

ZAKARIA 8:19

“Gabe ari pesta na gok jop ni roha dohot hasonangan ma di halak Juda puaso na didalankon di bulan paopatkon, palimahon, papituhon dohot pasampuluhon. Haholongi hamu ma hatigoran dohot dame!”

MALEAKI 2:7

Harana pamangan ni angka malim manjagohon parbinotoan jana dijalahi halak do pangajaran sian pamanganna, harana i do suruan ni Tuhan Na Markuaso.

MATEUS 9:15

Dialusi Jesus ma, “Bia do ninna rohamunu? Adong ma he ninna rohamunu tamu na marsak hatiha pesta mangupa na marbagas, salolot rap dohot halahi bayo pangoli i? Tapi muda dung dapot hatihana dibuat bayo pangoli i sian halahi, baru pe anso puaso halahi.

1 KORINTUS 7:5

Ulang ma marsipadaoan halak na saripe, muda so sian tumbuk ni tahi sanga sadia lolotna, anso bisa hamu rap martangiang. Dung i mardomu ma hamu mangulahi, anso unang diuji Sibolis hamu, harana nada tahan hamu marpuaso.

PANGARATAION 33:10

Diajari halahi do bangsoMu mangoloi UhumMu; dibaen halahi do haul di langgatanMu.