ZAKARIA 4:2 - BIBEL JAMITA NA DENGGAN

² “Aha dehe na niidamu?” ning ia manyapai. “Sada pat ni parlampuan sere do,” ningku mangalusi. “Di ujungna i di ginjang adong mangkuk inganan ni miak. Di pat ni parlampuan i, humaliang mangkuk inganan ni miak i adong pitu lampu, jana ganop lampu adong pitu be parsumbuanna.

ZAKARIA 4:2 ပူးပေါင်းရင်းမြစ်များ

1 JUJUR TAON 28:15

laho mambaen lampu dohot pat ni parlampuan,

2 JUJUR TAON 13:11

Ganop manyogot dohot potang sai ditutung halahi do dupa jana dihaulkon halahi do haul situtungon di Tuhan, jana dipasingkop halahi do roti di ginjang ni meja. Ganop borngin dipagara halahi do angka lampu di pat ni parlampuan sere. Tongtong do sai hami oloi angka parenta ni Tuhan. Hape anggo hamu, madung manadingkon Ia.

2 JUJUR TAON 4:7

Laing dibaen ia muse do sampulu pat ni parlampuan sian sere mangihutkon potongan ni na dung disangkapi humani, dohot sampulu meja. Sudena pat ni lampu i dohot meja i di ruangan tonga ni Bagas Ni Tuhan i do i dibaen; lima ma i di siambirang, jana lima ma i di siamunna. Laing dibaen dope saratus mangkuk sere.

PARJAMITA 12:6

Martaldusan ma rante perak; madabu ma lampu sere jana matapor; magotap ma tali ni timba jana masego; matapor ma gunci jana masarsar.

JEREMIA 24:3

Dung i didok Tuhan ma tu au, “Ale Jeremia, aha do diida ho?” “Batu ni ara do Tuhan,” ningku mangalusi. “Na jeges-jeges i, biama na lobi jeges, jana na busuk-busuk i bia ma na santak busuk gabe nada be tarpangan.”

AMOS 7:8

Disapai Ia ma tu au, “Aha do diida ho, Amos?” Hualusi ma, “Tali sipat do, Tuhan.” Dung i didok Tuhan ma, “Hupake do tali sipat on laho patuduhon na tudos do bangsongKu dohot tembok na so tigor. Nada pauba-ubaonKu be sangkapKu laho manguhum halahi.

ZAKARIA 5:2

Mangkuling ma ia tu au, “Aha dehe na niidamu? Hualusi ma: Sada balunan ni pustaha na habang di awang-awang i. Sambilan meter ginjangna jana opat satonga meter bidangna.”

HALUMBAAN 1:12

Manaili ma au adop pudi laho mangaligi sanga ise na mandok hata i tu au. Manigor huida ma pitu parlampuan na nibaen sian sere.

HALUMBAAN 1:20

On ma arti ni rahasia ni bintang na pitu na niidamu di tangan siamunKon dohot astuan ni parlampuan na pitu na nibaen sian sere i. Bintang na pitu i, i ma angka surusuruan ni parlagutan na pitu i, jana parlampuan na pitu i, i ma parlagutan na pitu i.”

HALUMBAAN 4:5

Mangaronggur ma habangsa i jana marsinondang songon sinondang ni hilap na marnyala-nyala. Jana adong muse do pitu lampu na gara di jolo ni habangsa i; i ma Tondi Parbadia na pitu i.