ZAKARIA 3:9 - BIBEL JAMITA NA DENGGAN

⁹ Hupayakkon ma di jolo ni si Josua pitu mata di ginjang ni batu na sasada i, na giot gorgaonKu dohot surat, ninna Tuhan Na Markuaso. Jana apuskononKu ma dosa ni luat on di bagasan sadari.

ZAKARIA 3:9 ပူးပေါင်းရင်းမြစ်များ

1 RAJA-RAJA 1:20

Raja na niparsangapan, sude halak Israel saonnari sai inte do manangihon boa-boa sanga ise do na angkon manggonti raja i gabe raja.

2 JUJUR TAON 16:9

Dijagoi Tuhan do sandok portibi on jana dipatuduhon Ia do hagogooanNia tu angka jolma na setia tuSia. Di pambaenanmi dipataridahon ho do ho na bodo, patunda ni i, mamungka saonnari sai marpupu noma ho mangalami parporangan.”

MASMUR 103:12

Songon dao ni Habincaran tu Hasundutan sai ma daona diambungkon Ia dosanta.

MASMUR 118:22

Batu na dung niambungkon ni tukang bangunan i, i ma na gabe batu parsuhi.

HARURUAR 28:11

Pabaenkon ma i tu tukang sere na malo manggorgahon goar-goar ni anak ni si Jakob na dua bolas i tu batu intan i. Dung i, angkon marbingke sere do baenon batu intan i.

HARURUAR 28:21

Di batu intan na dua bolas i angkon nigorgahon do sada be goar ni anak ni si Jakob na dua bolas i, laho mangwakili angka marga ni Israel.

HARURUAR 28:36

Baen ma sada parhiasan sian sere na polin na nigorga dohot pandohan, ‘Nabadia di Tuhan’.

JESAYA 28:16

Hara ni i songon on ma didok Tuhan Debata, “BaenonKu ma ojahan na togu jana na tohong di Sion; di gincat ni batu parsuhi na arga i suratkononKu ma: ‘Haporsayaan na togu, padao ganggu ni roha.’

JEREMIA 31:34

Sahalak pe sian halahi nada porlu be mangajari donganna laho mananda Tuhan. Angke sude halahi, na menek sanga na magodang, tandaonna ma Au. HalupahononKu ma angka hasalaan ni halahi, jana Huampuni angka dosa ni halahi. Au Tuhan, madung mandok songon i.”

JEREMIA 50:20

Anggo di hatiha i, ias noma Israel dohot Juda sian dosa, angke na giot ampunanKu noma angka halak na dung Hupalua i. Au Tuhan, madung mandok songon i.”

ZAKARIA 13:1

“Di ari i marbuldak ma sada mual ni aek laho paiaskon pomparan ni si Daud dohot halak na maringanan di Jerusalem sian dosa dohot parsombaan tu gana-ganaan na dung didalankon halahi.

ZAKARIA 3:4

Jadi mangkuling ma surusuruan i tu angka pangurupi na di banua ginjang ninna ma, “Ambungkon ma pakean na dursun na nipake ni bayo on.” Jana tu si Josua didok ia ma, “Madung huambungkon sude dosami, lehenonku ma di ho pakean na imbaru.”

JOHANNES 1:29

Ancogotna i diida si Johannes ma ro Jesus mandapotkon ia. Didok si Johannes ma, “Ligi ma! Indi ma ibana Anak Ni Biri-biri Ni Debata na manyesa dosa ni portibi on!

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

BAENON NI ANGKA RASUL 4:11

Jesus i ma: ‘Batu na niambungkon ni angka tukang bagas – i ma hamu sandiri –, hepengani i do na gabe batu parsuhi.’

SURAT NI SI PAULUS TU PARLAGUTAN ROM 9:33

Songon na tarsurat i, “Ligi da, Hupayakkon do di Sion sada batu partuktuhan dohot sada batu pardandian, jana barang ise na porsaya diSia, nada dipaila be.”

2 KORINTUS 1:22

Domu tusi, madung dilehen Ia tu hita tanda paboa na Ia nampuna hita jana dilehen Ia maringanan TondiNia di bagasan rohanta na gabe jaminan ni sasudena na nipasingkopNia i di hita.

2 KORINTUS 3:3

Idaon ni halahi sandiri do i paboa na songon surat ni Kristus hamu na nisuratkon markite-hite hami. Nada dohot tinta dibaen surat i, tapi dohot Tondi Parbadia na mangolu i do; nada di ginjang ni batu tulis muse, tapi di ate-ate ni jolma do.

2 TIMOTEUS 2:19

Hape anggo ojahan na nibaen ni Debata, ojahan na togu situtu do i jana na so tarhutur. Di ginjangna i tarsurat do, “Ditanda Tuhan do angka nampunaNia,” bope “Sanga ise na mandok nampuna ni Tuhan ia, angkon mantak ma halakna i mambaen dosa”.

IBRANI 7:27

Nada songon angka Malim Godang na asing i Ia, angkon jolo manghaulkon haul hara ni angka dosana sandiri, dung i hara ni angka dosa ni bangso i. Holan sanoli sajo do Jesus manghaulkon haul, i ma di na nihaulkonNia diriNia sandiri gabe haul.

1 JOHANNES 2:2

Markite-hite Jesus Kristus do dapot hita hasesaan ni angka dosanta i. Jana nada hum dosanta na nisesaNia, tapi dohot do dosa ni sandok tano on.

HALUMBAAN 5:6

Dung i huida ma sada Anak Ni Biri-biri jongjong di tonga-tonga ni habangsa i, dihaliangi mahluk na mangolu siopat-opat i dohot sude angka pangituai i. Songon na dung hona sambol do idaon Anak Ni Biri-biri i. Pitu tandukna jana pitu dohot matana: i ma tondi na pitu na sian Debata na nisuruNa tu sude portibi on.