ZAKARIA 2:9 - BIBEL JAMITA NA DENGGAN

⁹ “Satutuna giot laluhononKu ma tanganKu tu halahi, jana halahi gabe ditaban angka halak na di toru ni kuasona hian. Jadi botoonmunu ma bahaso Tuhan Na Markuaso i do na marsuru au.”

ZAKARIA 2:9 ပူးပေါင်းရင်းမြစ်များ

JESAYA 10:32

Di kota Nob ma sadari on musu i, jana disi ma halahi mamohul tenjuna maradopkon Dolok Sion tu kota Jerusalem.

JESAYA 11:15

Pahiangon ni Tuhan ma dohot Solok Sues. BaenonNia ma mangombus alogo na milas lopus mahiang Batang aek Efrat jana gabe pitu batang aek na pejet-pejet ma disi jana sude halak tarbaen manariparisa.

JESAYA 12:6

Suruhon ma sude halak na maringanan di Sion, marsurak jana marende marjop ni roha. Na marmulia situtu do Debata Na Badia ni Israel, maringanan di tonga-tonga ni bangsoNia do Ia.”

JESAYA 13:2

Pajongjong ma mandera porang di puncu ni dolok na gundul! Marsurak ma tu angka parajurit, jana patoltol ma tanganmu tanda ni na giot mangaroro halahi mamorangi kota na gakgak i jana mangonjar angka horbanganna.

JESAYA 14:2

Bahat bangso na giot mangurupi bangso Israel anso mulak halahi tu tano na nilehen ni Tuhan tu halahi, jana gabe hatoban ma angka bangso i disi tu Israel. Tabanon ni Israel ma angka halak na dung jungada manaban halahi jana parentaonna ma na unjung mamisat halahi.

JESAYA 19:16

Dapot do hatiha ni i, gabe songon dadaboru parila jana parmombut bangso Mesir. Mabiar noma halahi muda diidasa Tuhan Na Markuaso i mangambalkon tanganNa laho manguhumi halahi.

JESAYA 26:1

Di hatiha i, endehonon ni halak ma ende on di tano Juda: “Na tohong ma da kotanta on; madung dipajongjong Tuhan, tembok dohot benteng.

JESAYA 33:1

Marjaya ma angka musunta! Manyamun do halahi jana manyegoi haru pe nian na hona samun halahi sanga disegoi. Tapi nada dapot halahi be hatiha laho mambaen songon i, halahi sandiri noma na hona samun dohot na dihianati.

JESAYA 33:21

Patidahonon ni Tuhan ma tu hita hagodanganNia. Mangolu di topi ni batang aek na bidang ma hita, na so tarbolus parau ni musunta.

JESAYA 4:5

Dung i baenon ni Tuhan ma ombun di arianna, jana timus dohot api na marsinondang di bornginna, di gincat ni kota Sion dohot di gincat ni sude angka na marlagut di kota i. Hamuliaan ni Debata ma manggupgupi dohot manjagohon sudena i.

JESAYA 48:16

Ro ma ho padonok ma tu Au jana tangihon ma, sian najolo do marsitangkas Au mandok hata; jana dompak tarjadi sudena i, disi do Au.” Saonnari au diutus Tuhan Debata jana dohot TondiNa au dipasingkop.

JESAYA 60:18

Nada adong be barita salaho tu na mangasa gogo, nada be masarsar luatmunu. Songon tembok Au mangondihon hamu, jana pujionmu ma Au songon sipaluamu.

JESAYA 60:19

Nada porlu sinondang ni mataniari di ho muda arian, borngin pe nada pola marsinondang bulan. Angke Au Tuhan, Au sandiri gabe panorangimu salolotna, sondanganKu hamu marhite sondangKu na marmulia.

JEREMIA 27:7

Mangoloi tusia do sandok bangso, tu anaknia dohot tu pahompunia lopus dapot hatihana madabu bangsonia i. Anggo di hatiha i mangoloi ma bangso Babel tu angka bangso na gogo dohot tu angka raja na godang.

JEREMIA 28:9

Tapi anggo panurirang na mangalatkon hadamean, bolas do i niokuan songon panurirang na tutu situtu disuru Tuhan, muda tangkas tarjadi angka pangalaho na nialatkonnia i.”

JEREMIA 8:19

Tangihon! Marsaringar sude luat on parngiar ni bangsongku na tangis manyapai, “Na so di Sion be ulaning Tuhan i? Di dia do ulaning Rajana i saonnari?” Dialusi Tuhan, Raja ni halahi, “Biasi marsomba ho tu angka debata na so adong sanga aha gunana? Biasi dipahancit ho rohangKu marhite na marsomba angka gana-ganaan?”

JEHESKIEL 39:10

Jadi nada pola be mambuat soban halahi di ladang sanga martaba hayu di harangan, dibaen tuk do bahat ni angka sinjata i pakeon baen soban. Pambuatan jana rampasan ni halahi ma arta ni angka halak na dung mambuati dohot mangarampas arta ni halahi. Au Tuhan Debata madung mandok songon i.”

JOEL 2:27

Jadi botoonmunu ma ale Israel, na di tonga-tongamunu do Au, jana Au do Tuhan Debatamunu. Nada adong Debata na asing be, olat ni Au sandiri. Nada pailaon be bangsongKi salolot-lolotna!”

HABAKUK 2:17

Ditabai ho do angka hayu na di harangan Libanon, jana saonnari ho noma na giot sitabaon. Dibunu ho do angka binatang jana saonnari angka binatang i noma sihabiaranmu. Sudena on tarjadi hara ni pamunuon dohot hakejamon na dung nibaenmu maradopkon angka luat, kota dohot angka pangisina.

HABAKUK 2:8

Ma bahat disamun ho angka bangso, tapi samunon ni angka bangso na so dapotmu ma ho, hara ni pamunuon na nipadalanmi dohot hara ni hakejamonmu maradopkon angka luat, angka kota dohot halak na manginganisa.

ZEPANYA 2:9

Songon sintongna mangolu Au ninna Tuhan Na Markuaso, Debata ni Israel: Angkon songon Sodom do Moab sogot, jana songon Gomora angka anak ni Amon, gabe hatubuan ni latong, jana panombangan ni sira, jana mamolngit salolot ni lolotna. Na tading sian bangsongKi mangarampasi halahi sogot, jana mambuat tano ni halahi.”

ZEPANYA 3:15

Angke madung mantak Tuhan manguhumi hamu; ma pola dipaorot Ia sude musumunu. Tuhan raja ni Israel maringanan di tonga-tongamunu; nada mabiar be ho maradopkon hasusaan.

ZAKARIA 2:11

Marroan ma di hatiha i bahat angka bangso tu Tuhan anso gabe bangsoNia. Maringanan ma Ia di tonga-tongamunu, jana gabe botoonmunu ma na dung disuru Tuhan au tu hamu.

ZAKARIA 2:8

Harana songon on do hata ni Tuhan Na Markuaso, na dung marsuru au di bagasan hamuliaonNa, taringot tu angka bangso na dung manaban hamu na jolo. Angke sanga ise na manjama hamu, na manjama anak ni matana sandiri do ia disi.

ZAKARIA 4:9

Ninna ma, “Madung dipayakkon si Zerubabel ojahan ni BagasKu, jana pasidungonnia ma sude bangunan i. Muda tulus tarjadi i, botoon ni bangsongKu ma, bahaso Au do na marsuru ho ale Zakaria tu halahi.

ZAKARIA 6:15

Marroan be ma angka halak sian na dao jana urupanna ma pajongjong Bagas Ni Tuhan. Muda dung sidung dibangun Bagas Ni Tuhan, botoonmunu ma bahaso Tuhan Na Markuaso i do na marsuru au mandapotkon hamu. Tulus ma sudena i muda tutu situtu dioloi halahi angka parenta na sian Au Tuhan Debata ni halahi.”

ZAKARIA 9:15

Ondihonon ni Tuhan Na Markuaso i ma halahi, jana pangabison huhut dege-degeon ni halahi ma angka alona. Giot inumon ni halahi ma mudar songon na minum anggur. Lopus gok songon bokor panyiram songon parsuhi ni langgatan.

JOHANNES 13:19

Jolo Hupaboa hian do i tu hamu saonnari dompak so tarjadi dope, jadi muda dung tarjadi anso porsaya hamu Au do na nidok ni surat i.

JOHANNES 16:4

Tapi madung Hupaboa hian i saonnari tu hamu anso diingot hamu i saulahon muda dung dibaen halahi tu hamu na songon i, madung Hupaboa hian do i tu hamu.” “Anggo sian mulana nada pola Hupaboa hian i tu hamu, angke rap dope Au dohot hamu.