ZAKARIA 2:2 - BIBEL JAMITA NA DENGGAN

² “Giot tu dia dehe i?” ningku manyapai. “Laho manyuhat Jerusalem do,” ning ia mangalusi, “Giot botoonku sanga na sadia ginjang ni kota i dohot bidangna.”

ZAKARIA 2:2 ပူးပေါင်းရင်းမြစ်များ

JEREMIA 31:39

Sian i ma batasna tu Tor Gareb, mangelgok ma i tu Goa.

JEHESKIEL 40:3

Dioban Ia ma au tusi jana huida ma sada bayo na marsinondang songon tumbaga na jongjong di lambung ni pintu ni horbangan i. Ditiop ia di tangannia tali pangukur sian abit linen dohot hayu parsuhat.

JEHESKIEL 45:6

Di lambung ni tano na badia i, angkon laing diirahon dope tano ginjangna dua bolas satonga kilometer jana bidangna dua satonga kilometer, baen inganan ni sada parkotaan siinganan ni sanga ise sian bangso Israel.

ZAKARIA 1:16

Hara ni i songon on do hata ni Tuhan, “Madung marpangulahi rohangKu tu Jerusalem; angkon paulion muse BagasKu di tonga ni kota i, ninna Tuhan Na Markuaso, jana tarikon ma hotang pangukur humaliang Jerusalem.”

ZAKARIA 5:10

Husapai ma tu surusuruan i, “Tu dia do obanon ni halahi karanjang i?”

JOHANNES 16:5

Tapi anggo saonnari, kehe noma Au mandapotkon na marsuru Au; hape haru songon i, umpe sahalak sian hamu na manyapai, ‘Giot tu dia de Ho kehe?’

HALUMBAAN 11:1

Dung i dilehen ma di au sada bulu suhat-suhat tarsongon tungkot, jadi diparentahon ma, “Kehe ma ho mangukur Bagas Na Badia ni Debata dohot meja inganan parkaulan i. Etong ma sanga sadia bahat halak na maribadat di bagasan.