ZAKARIA 13:3 - BIBEL JAMITA NA DENGGAN

³ Jana betak sai adong dope antong jolma na mandok, na palaluhon tonangKu ia, amangnia sandiri dohot inangnia mandok tusia angkon marutang hosa ia niuhuman, angke gabus do na nidoknia i. Muda laing dipupu ia do mandok panurirang ia, tihamon ni amang dohot inangnia sandiri noma ia lopus mate.

ZAKARIA 13:3 ပူးပေါင်းရင်းမြစ်များ

JEREMIA 23:25

Sasude na nidok ni angka panurirang i, madung Huboto i. Mangasahon goarKu margabus halahi mandok na nijagit ni halahi tona sian Au markite-hite nipi.

JEREMIA 23:34

Betak sai adong dope sahalak sian bangsongKu sanga panurirang bope malim na laing manaringoti salaho tu ‘boban ni Tuhan’, jadi niuhuman ma ia dohot dongan sabagasna.

JEREMIA 28:15

Hupalalu do sudena i tu si Hananya, jana hudok muse dope, “Tangihon ma ale Hananya! Nada Tuhan marsuru ho, jana madung dibaen ho bangso on porsaya tu hata na so tutu.

JEHESKIEL 13:23

Anggo saonnari marujung noma angka parnidaan gabus dohot angka alatanmunu na so tutu i. PaluaonKu ma bangsongKi sian gogo ni hajahatanmunu. Jadi gabe botoonmunu ma bahaso Au do Tuhan.”

JEHESKIEL 14:9

Muda adong sada panurirang hona tipu gabe dilehen ia alus na sala, Au Tuhan da na manipu ia. Au Tuhan giot paasingkon ia sian angka halak Israel jana agohononKu ia sian tonga-tonga ni bangsongKu Israel.

JEHESKIEL 43:7

“Ale anak ni jolma, on ma habangsangKu. Dison ma Au giot maringanan di tonga-tonga ni halak Israel jana mamarenta tu halahi salolot-lolotna. Nada be pahodaron ni halahi bope angka raja ni halahi goarKu na Badia i marhite na manyomba gana-ganaan sanga marhite na manguburkon angka raja ni halahi di inganan on.

MATEUS 10:37

Halak na humolongan rohana mida amangna sanga inangna ulang mida Au, nada tumbuk halak sisongon i di Au. Songon i muse halak na humolongan rohana mida anakna sanga boruna ulang mida Au, nada tumbuk halak sisongon i gabe siihutkon Au.

LUKAS 14:26

“Muda adong halak na ro tu Au, hape holongan do rohania mida inangnia, amangnia, dadaborunia, dakdanaknia, kahangginia, angka ibotonia dohot dirinia sandiri pe tehe, nada tarbaen halak na songon i gabe siihutkon Au.

2 KORINTUS 5:16

Jadi hara ni i, nada marguru tu parsuhatan ni jolma be hami manimbang halak. Najolo jungada do hami parsuhatkon parsuhatan ni jolma tu Kristus, tapi anggo saonnari nada be.

PANGARATAION 18:20

Tapi muda adong sada panurirang na puluk palaluhon tona mamake goarKu, hape nada na Husuru ia mambaen songon i, angkon mate do ia hara ni pangalahona i, laing songon i muse do angka panurirang na manghatahon hata ni debata na asing.

PANGARATAION 33:9

Sumurung do haburjuon ni halahi tu Ho. Sumurung sian simatobang maradu koum sisolkot. Dioloi halahi do angka parentaMi parjanjianMu pe digohi.