ZAKARIA 10:2 - BIBEL JAMITA NA DENGGAN

² Mangido angka panogu-noguon do halak tu angka gana-ganaan dohot angka datu, hape anggo alus na dapot ni halahi hum gabus do dohot hata na rumar sajo. Adong ma i na patorangkon nipi, hape na palilu-liluhon hamu sajo do hatorangan ni halahi, jana apo-apo na nilehen ni halahi pe nada adong artina. Patunda ni i gabe marserak ma jolma i songon biri-biri na lilu. Targogot do halahi hara ni na so adong pamimpinna.

ZAKARIA 10:2 ပူးပေါင်းရင်းမြစ်များ

MATEUS 9:36

Di na niida ni Jesus halak na bahat i, ibo ma rohaNia marnida halahi, angke lebak boti gale do halahi idaon songon biri-biri na so marparmahan.

HABAKUK 2:18

Aha ma he guna ni patung gana-ganaan? Aha ma he guna ni patung gana-ganaan sibaen gabus i? Harana porsaya do na mambaenna di parkarejoanna, hape nian angka gana-ganaan na ngungu do na nibaenna i.

HOSEA 3:4

Songon i muse ma pangalaho ni bangso Israel; lolot halahi mangolu tapi nada adong rajana, nada marpamimpin nada adong haul, nada adong gana-ganaan, jana nada adong efod dohot terafim.

JEHESKIEL 34:5

Hara ni na so marparmahan, marserak ma angka biri-biri i jana gabe sisoroon ni binatang panyoro.

JEREMIA 27:9

Ulang patangi-tangi hamu angka panurirang, sanga na ise pe tehe na mangorai hamu tunduk tu raja ni Babel, haru pe dioku halahi na dung manjagit panuturion halahi sian nipi, angka tondi na so niida, sanga marhite gogo ni hadatuon.

PAMUNGKAAN 31:19

Topet do hatiha kehe si Laban manggusting angka biri-birina, jana disi ma ditangko si Rahel dewa parsaripeon nampuna ni amangnia i.

JEHESKIEL 34:8

Mangasahon Au Na Mangolu, ninna Tuhan Debata, parrohahon hamu ma. Disoro binatang jana dipangan binatang panyoro do angka biri-biringKi hara ni na so adong parmahan ni halahi. Hamu angka parmahanKu nada kehe hamu manjalahi angka biri-biringKu. Hum dirimunu sandiri do disarihon hamu, nada diparate-atehon halahi hamu biri-biringKu.

MIKA 2:12

Didok Tuhan ma mangulahi, “Ale halak Israel na teba! Angkon palagutonKu do hamu jana pasadaonKu songon biri-biri na mulak tu barana. Songon padang na gok biri-biri, laing songon i ma tanomunu mangulahi gok dohot bahat ni jolma.

JEHESKIEL 21:29

Gabus do parnidaan na niidamunu jana buras dohot bungkak do alatan na nipajojormunu. Na jahat do hamu jana na so hasaya jana madung donok hatihana manjagit uhuman na parpudi hamu. Ponggolkonon ni podang i ma rungkungmunu.’

JEHESKIEL 21:21

Jongjong ma raja ni Babel di lambung papan tudu-tudu ni dalan i. Laho manontuhon sanga dalan dia na giot bolusonnia, sapaannia do i gana-ganaannia, hursuhonnia pana jana paresoonnia ate-ate ni binatang na baru dipelehon.

ANDUNG 2:14

Na niturihon ni angka panurirang tu ho, hum gabus do i jana buras sajo. Paoto-oto hamu do angka hata ni halahi, nada jungada dipatorang halahi dosamunu i, gabe nada dipauba hamu rohamunu. Didokkoni halahi do angka hata gabus na paliluhon hamunu.

JEREMIA 51:23

Hupake do ho laho mangabisi parmahan dohot pahan-pahananna, partani dohot lombu pangaloncana, parkuaso dohot halak na godang di tonga-tonga ni bangso.”

JEREMIA 50:17

Didok Tuhan ma, “Tudos do halak Israel dohot biri-biri sahulanan na hona kojar jana na marserak dibaen singa. Mula-mulana ro ma raja ni Asur manyerang halahi, dung i ro muse ma si Nebukadnesar manyingkili holi-holi ni halahi.

JEREMIA 37:19

Di dia dehe angka panurirang ni raja i na mandok na so ro raja ni Babel manyerang raja i dohot luat on?

JEREMIA 29:8

Au Tuhan Na Markuaso, Debata ni Israel, Hupaingot hamu anso ulang dipaoto-oto angka panurirang na maringanan di tonga-tongamunu i hamu, sanga ise pe tehe na mangoku bahaso na malo halahi mangalehen alatan taringot tu hatiha na giot ro. Ulang parrohahon hamu angka nipi ni halahi.

JEREMIA 28:15

Hupalalu do sudena i tu si Hananya, jana hudok muse dope, “Tangihon ma ale Hananya! Nada Tuhan marsuru ho, jana madung dibaen ho bangso on porsaya tu hata na so tutu.

JEREMIA 23:17

Tu angka halak na so ra manangihon hata na Hudok sai didokkon halahi do, ‘Malua do hamu.’ Jana tu ganop halak sijogal roha, didok halahi do, ‘Nada pola marmara ho.’ ”

JEREMIA 14:22

Adong ma he lakna na bisa parohon udan sian tonga-tonga ni debata gana-ganaan ni angka bangso i? Sanga tarbaen langit i ma lakna paporkon udan? Hum Ho do ale Tuhan, Debata na hami haporsayai, na bisa mambaen sasudena i!

JEREMIA 14:13

Dung i hudok ma, “O Tuhan Debata, diboto Ho do na dung didok angka panurirang tu rayat i bahaso na so adong giot ro porang sanga haleon, angke antong madung dijanjihon Ho, anggo di luat on sai na dumpang do hasonangan.”

JEREMIA 10:8

Sude halahi oto jana bodo angke sombaonna hum hayu sajo do, nada tarajarkonsa na marguna.

JEREMIA 8:11

Marlayas ni roha do halahi hatiha mangubati bugang ni boru ni bangsongKu, ning halahi, ‘Hasonangan, hasonangan!’ Tapi nada adong hasonangan.

JEREMIA 6:14

Diubati halahi do bugang ni bangsongKu, tapi layas do halahi marnidasa, jana ninna do: ‘Hasonangan, hasonangan!’ Tapi nada adong hasonangan.

JESAYA 46:5

Tu ise ma giot patudosonmunu Au? Adong ma he na tarbaen imbangKu?

JESAYA 44:9

Na so labo do sude halak sibaen patung sisombaon jana angka barang na nihajopkon ni roha ni halahi i pe nada mararga. Na mapitung jana na bodo do angka na marsomba tu patung i, jadi hara ni i angkon marlayas do halahi baenon.

JOB 21:34

Jadi, anggo apo-apomi rumar do i jana sandok alusmi pe gabus do i!”

JOB 13:4

Dibaen ditutupi ho do otomu dohot gabus, nada adong imbarna songon angka datu pargabus.

1 RAJA-RAJA 22:17

Dialusi si Mika ma, “Huida do tentara ni halak Israel marserak di dolok-dolok. Songon biri-biri na so marparmahan do halahi. Jadi hara ni i gabe didok Tuhan do salaho tu halahi, ‘Nada adong pamimpin ni angka jolma on; padiar ma mulak halahi di bagasan hatorkisan.’ ”

HAKIM-HAKIM 18:14

Didok mata-mata silima halak na salpu i ma tu angka donganna i, “Diboto hamu dehe na adong di sada sian bagas on patung na marlampis perak? Adong muse dope angka patung na asing dohot Efod. Pikiri hamu ma jolo sanga na aha do sibaenonta.”

BILANGAN 27:17

Sada halak na tarbaen gabe panglima muda masa porang. Ulang ma padiar bangsomon songon habanan ni biri-biri na so marparmahan.”

MARKUS 6:34

Jadi dung mijur Jesus sian parau i, diida Ia ma, hape ma disi halak na bahat i. Ibo ma rohaNia mida halahi angke songon biri-biri na so diparmahani do halahi diida Ia. Ia pe antong mamungka ma mangajari halahi. Bahat do na niajarkonNia tu halahi.

JEREMIA 23:32

Au Tuhan, giot aloonKu do angka panurirang i na palaluhon angka nipina na gok gabus. Dipalilu halahi do bangsongKu marhite gabus dohot buras ni halahi. Nada Au marsuru angka panurirang i. Nada marguna halahi saotik pe anggo di bangsongKu. Au Tuhan, madung mandok songon i.”

ZAKARIA 11:17

Hona bura ma parmahan na so hasaya i. Ditadingkon ia do punguan ni biri-birinia. Paujungon ni porang ma kuasonia. Gabe gale ma tanganna i jana mapitung ma matana siamun i.”

PANGARATAION 13:2

na martujuan anso marsomba hamu sanga mangoloi tu angka debata na so nisombamunu humani hatiha na salpu, haru pe tutu-situtu tarjadi na nijanjihonnia i,

JESAYA 41:29

Hamu sude nada adong gunana, nada margogo mambaen sanga aha. Patung sajo do hamu na nituang ni tangan ni jolma, gale jana nada margogo.”

JESAYA 44:25

Hupaoto-oto angka pangaramal, Husursari ramalan ni panjujur nasib. Husungkar angka na nidok ni na malo marhata, Hupatanda na sala habisuhanna.

JEREMIA 27:10

Na paoto-otohon hamu do i lopus dioban hamu dao sian tanomunu. UsironKu ma hamu sian tanomunu jana mago ma hamu.

JEREMIA 27:14

Ulang dipatangi-tangi raja i angka panurirang na mangorai raja i tunduk tu raja ni Babel, angke na paoto-otohon raja i do halahi.