ZAKARIA 1:4 - BIBEL JAMITA NA DENGGAN

⁴ Ulang ma hamu songon angka ompumunu i. Narobi dipalalu angka panurirang do tonangKu tu halahi anso ulang be nian sai mambaen na jahat halahi dohot mambaen dosa. Hape nada diterge halahi jana nada ra halahi mangoloi Au.

ZAKARIA 1:4 ပူးပေါင်းရင်းမြစ်များ

2 JUJUR TAON 30:6

Hara ni parenta ni raja i dohot angka pagawena, disuru ma angka utusan tu sude Juda dohot Israel laho maroban angka surat i, songon on ma hatana, “Hamu halak Israel! Madung malua hamu sian kuaso ni halak Asur. Saonnari sai mulak ma hamu tu Tuhan, Debata na nisomba ni si Abraham, si Ishak dohot si Jakob, anso mulak muse Ia tu hamu.

2 JUJUR TAON 30:7

Ulang ma hamu songon angka ompumunu i dohot angka halak Israel na asing na so setia tu Tuhan Debatana i. Madung diida hamu sandiri sanga songon dia dokdokna panguhumiNia tu halahi.

2 JUJUR TAON 34:21

“Kehe ma hamu marsapa tu Tuhan salaho tu au dohot salaho tu bangso i na tinggal dope di Israel dohot Juda. Tangkasi hamu ma salaho tu pangajaran na di buku on. Madung muruk Tuhan tu hita hara ni na so diihutkon angka ompunta hata ni Tuhan jana nada dipatulus halahi na didok di buku on angkon sipatuluson.”

ESRA 9:7

Mamungka sian zaman ni angka ompunami lopus saonnari, sai mardosa do hami bangsoMon tu Ho. Patunda ni i ma umbaen na talu hami, angka rajanami dohot angka malimnami dibaen angka raja na asing i. Hona bunu hami, disamun dohot dihaldung gabe taban. Madung dipalayas hami marabis-abis, songon pangalaho na masa di ari sadari on.

NEHEMIA 9:16

Hape siginjang roha do ompunami boti na jogal roha, angka parentaMu nada ra halahi mangoloisa.

NEHEMIA 9:26

Hape mangalo do bangsoMi jana nada mangoloi tu Ho, uhumMu dohot aturanMu dipasiding do, dibunu do angka panurirang na paingotkon halahi, anso mulak tu Ho Debatana, nian halahi. O Tuhan, laing marpupu ma i Ho dipalayas halahi.

NEHEMIA 9:30

Sian taon tu taon sai sobar Ho paingotkonsa; marhite panurirang, didok TondiMu tu halahi. Hapengani ditutup bangsoMi do pinggolna, lalu dipasahat Ho ma tu angka bangso sude tanona.

MASMUR 78:8

Anso ulang halahi songon ompuna, na sai mangalo jana manggaga. Sai na ganggu do haporsayaan ni sundut ni halahi nada setia tu Debata halahi.

JESAYA 31:6

“Hamu bangso Israel! Madung mardosa hamu jana mangalo hamu tuSia. Tapi saonnari, mulak ma hamu!

JEREMIA 18:11

Didok Tuhan ma tu au, “Saonnari paboa ma tu angka halak Juda dohot tu halak na mangingani Jerusalem paboa na mambaen sangkap do Au saonnari laho mangalo halahi, dohot pasidungkon uhuman tu halahi. Suruhon ma anso diantak halahi parngoluon ni halahi na mardosai i jana dipadenggan halahi pangalaho dohot parbuatan ni halahi.

JEREMIA 23:22

Sugari tutu nian adong diboto halahi na di bagasan rohangKu, tontu palaluon ni halahi do tu bangsongKu sandok hata na dung Hudokkon i. Gabe muba ma roha ni bangsongKi sian angka dosana dohot pangalahona na jahat i.

JEREMIA 25:8

Hara ni na so ra hamu manangihon hata na nidokNia, gabe didok Tuhan Na Markuaso i ma,

JEREMIA 26:5

Angkon laing parrohahononmunu muse do hata ni naposongKu, i ma angka panurirang na sai marpupu Husuru tu hamu. Hape nada ra hamu mangoloi sanga aha na didok ni halahi.

JEREMIA 3:12

Disuru Tuhan ma au kehe tu Israel lalu mandok songon on, “O ale Israel na so setia, mulak ma ho tu Au! Gok ibo ni roha do Au jana nada sapanjangna Au muruk tu ho.

JEREMIA 3:14

“O hamu bangso na so setia, mulak ma hamu tu Au! Au do nampuna hamu. BuatonKu noma hamu, sahalak sian ganop kota, dua halak sian ganop partubu, jana obanonKu hamu mangulahi tu Dolok Sion.

JEREMIA 35:15

Torus do marpupu Husuru naposongKu, sude angka panurirang tu hamu, jana madung dipaingot halahi hamu laho padenggankon pangalahomunu jana anso mantak hamu mambaen jahat. Dipaingot halahi do hamu anso ulang mamele tu angka debata jana anso ulang mangoloi tu halahi, anso tarbaen hamu torus maringanan di luat na dung Hulehen on tu hamu dohot tu ompumunu. Hape nada ra hamu mamparrohahon jana nada ra hamu manangihon.

JEREMIA 4:1

Didok Tuhan, “O halak Israel, muda ra hamu mulak mangulahi, antong mulak ma hamu. Jolo parambungkon hamu ma angka gana-ganaan na Huhagigihon i, jana setia ma hamu tu Au,

JEREMIA 44:16

“Nada ra hami manangihon sanga aha na nidokmu tu hami mangasahon goar ni Tuhan.

JEHESKIEL 14:6

Laing paboa muse ma tu halak Israel bahaso Au Tuhan Debata mandok tu halahi, ‘Pauba ma rohamunu sian angka dosamunu jana tadingkon hamu ma angka gana-ganaanmunu sihagigian i.’

JEHESKIEL 20:18

Tapi sabalikna, Hupaingot ma angka bagian na umposo sian halahi, Hudok songon on, ‘Ulang ma ihutkon hamu angka aturan na nibaen ni angka ompu na umpompar hamu. Ulang tiru hamu hasomalan ni halahi jana ulang ramun baen hamu dirimunu marhite na dohot marsomba angka debata ni halahi.

JEHESKIEL 33:11

Dokkon ma tu halahi, mangasahon Au na mangolu, Tuhan Debata nada jop rohangKu muda mate halak parjahat i; tapi sugari mulak ma nian ia manadingkon angka dosana anso tongtong ia mangolu. Ale bangso Israel, antak hamu ma mambaen na jahat! Biasi angkon sai mate hamu?”

JEHESKIEL 33:4

Muda adong sahalak na umbege sora ni sarune i, tapi nada ra ia dipasingot, jadi ro podang i, hona bunu ma ia, gabe mate ma ia hara ni salania sandiri.

DANIEL 9:6

Nada hami tangihon angka panurirang, angka naposoMi na mandok hata mangasahon goarMu tu angka rajanami, tu angka na markuaso, tu angka ompunami maradu tu sude bangsonami.

HOSEA 14:1

Angkon uhumon do Samaria hara ni na mangalo tu Au. Marmatean ma rayatna i di bagasan parporangan; hona giling angka dakdanakna na baru sorang, jana angka dadaboru na denggan pamatangna hona bola butuhana i.”

AMOS 5:24

Dumenggan do usahohon hamu anso mardalan hatigoran songon aek, jana hajujuron songon batang aek na tongtong mardalan.

MIKA 2:6

Marjamitai angka jolma tu au, mandok, “Ulang be marjamita ho tu hami. Ulang jamitahon sudena i tu hami. Nada ra Debata pailahon hami.

ZAKARIA 1:3

Hara ni i dokkon ma tu halahi, ‘Songon on ma hata ni Tuhan Na Markuaso: Mulak ma tu Au, ninna Tuhan Na Markuaso, jana Au pe gabe mulak ma tu hamu ninna Tuhan Na Markuaso.’

ZAKARIA 7:7

Nada he on ma hata ni Tuhan na nipalalu marhite angka panurirang na jolo, hatiha Jerusalem dohot angka kota na humaliangna diingani angka jolma di bagasan sonang, dohot tano Negeb jana dohot luat partoran laing di ingani?

BAENON NI ANGKA RASUL 26:20

Tangkas do hupatorang sanga na tu ise pe anso marsipauba rohana be sian angka dosana jana marsipasahat dirina be ma tu Debata jana angkon tarida ma di ngolu ni halahi be paboa na dung muba rohana sian dosa ni halahi be. Di Damaskus ma parjolo hupatorang songon i, dung i baru di Jerusalem dohot di sude Luat Judea dohot di tonga-tonga ni angka bangso na asing.

BAENON NI ANGKA RASUL 3:19

Hara ni i, pauba hamunu ma rohamunu sian angka dosamunu jana mulak ma hamu tu Debata, anso disesa Ia sude angka dosamunu i.

1 PETRUS 1:18

Angkon botoonmunu do sanga aha na dung digarari laho paluahon hamu sian ngolu na so marguna i na nipateankon ni angka ompungmunu tu hamu. Nada barang na ra sego songon perak sanga sere dibaen panggararna,