ZAKARIA 1:2 - BIBEL JAMITA NA DENGGAN

² “Muruk situtu do Tuhan tu ompungmunu.

ZAKARIA 1:2 ပူးပေါင်းရင်းမြစ်များ

2 RAJA-RAJA 22:19

Jana hara ni i gabe manyosal ho jana dipatoruk ho dirimu di jolongKu. Disibakkon ho do pakeanmu jana tangis ho tanda ni marsakmu di na nibegemu ancaman na Hudok giot manguhumi Jerusalem dohot halak na maringanan disi, jana mambaensa gabe panatapan na jorbut, jana goar ni Jerusalem gabe goar bura noma. Tapi madung Hutangihon tangiangmi.

2 RAJA-RAJA 23:26

Hape anggo pangalaho ni Raja Manase na hum parohon muruk ni Tuhan do maradopkon Juda; jana lopus saonnari laing na so mombun dope roha ni Tuhan.

ESRA 9:13

Madung mardosa hami maradopkon Ho jana hami langgar uhumMu, jana madung diuhum Ho hami. Tapi hami boto do, ale Debatanami, nada songon borat ni na patut jagitonnami uhuman na nilehenMu, dipalua Ho muse dope hami.

MASMUR 60:1

Di bagasan hamumurukMu diponggol Ho do partahanannami, jana nada ra Ho ale Debata rap dohot hami. Tapi anggo saonnari, mulak ma Ho tu hami.

JEREMIA 32:23

Tapi di na ro halahi tu luat on lalu mangarampassa, nada marpangoloion halahi tu angka parentaMu, jana nada mangihutkon pangajaranMu parngoluon ni halahi; sude na niparentahonMu tu halahi sada pe nada adong didalankon halahi. Hara ni i, gabe diparo Ho ma sude parmaraan on tu halahi.

JEREMIA 44:6

Hara ni i duruskononKu ma rimasKu dohot hosom ni rohangKu tu angka kota ni Juda dohot tu angka dalan na di Jerusalem, surbuonKu sudena lopus gabe tiranggong jana mangornop songon na tarida saonnari on.

ANDUNG 5:7

Mardosa ompunami, saonnari nada adong be halahi; jana hami on ma angkon manaonsa, angka dosa na nibaenna.

JEHESKIEL 22:31

Hara ni i, Hupalalu ma saonnari rimasKu maradopkon halahi, jana songon api pangabisonku ma halahi patunda ni sude pangalaho ni halahi. Au Tuhan Debata madung mandok songon i.”

JEHESKIEL 8:18

Rasoan ni halahi ma jorbut ni hamumurukKu! Nada halupahononku sanga ampunanKu halahi. Haru pe mangangguhi halahi martangiang tu Au sagogo-gogona, nada ra Au manangihon!”

ZAKARIA 1:15

Tapi muruk situtu do Au maradopkon angka bangso na mandokkon dirina sonang. Angke taran muruk Au maradopkon bangsongKi ditambai halahi do parkancitanna.”

ZAKARIA 7:12

Dipapir halahi do rohana lopus songon pir ni batu intan, anso ulang dibege halahi tona i dohot hata na nitongos ni Tuhan Na Markuaso marhite sian tondiNa, dohot marhite sian panurirang na jolo i. Hara ni i ma umbahen na ro rimas ni Tuhan.

ZAKARIA 8:14

Didok Tuhan Na Markuaso i ma, “Taran muruk Au dibaen angka ompumunu, Huputuskon do disi laho manguhumi halahi posi. Nada Hupauba haputusanKi, tapi Hudalankon do i.

BAENON NI ANGKA RASUL 7:52

Adong dehe panurirang na so diparkanciti ni angka ompungmunu i? Dibunu halahi do angka suruan ni Debata na mambaen boa-boa narobi, paboa na angkon ro ma Partigor i. Jana saonnari dihianati jana dibunu hamu do Naposo Ni Debata i.