TITUS 2:3 - BIBEL JAMITA NA DENGGAN

³ Songon i muse angka dadaboru na matobang laing apoi halahi anso ias parange ni halahi songon na patut di angka halak na badia. Nada tola pajatjaton ni halahi goar ni halak, jana nada tola diparhatoban anggur. Angkon pangalaho na denggan do ajarkonon ni halahi,

TITUS 2:3 ပူးပေါင်းရင်းမြစ်များ

SURAT NI SI PAULUS TU PARLAGUTAN ROM 1:29

Hum na jat noma sude na manggohi roha ni halahi: Hageduhan, ahut tu diri, gutgut dohot dongki; hum na giot mamunu manggohi roha ni halahi, marbadai, paoto-otohon dohot na jingar. Pahata-hata halak,

SURAT NI SI PAULUS TU PARLAGUTAN ROM 16:2

Jagit hamu ma ia di bagasan Tuhan i, songon na tama di angka halak na badia, anso ditolongi hamu ia di sude karejonia muda porlu, harana bahat do diurupi ia angka dongan bope au sandiri.

EPESUS 5:3

Bangso ni Debata do hamu! Jadi anggo angka na rorang dohot angka parange na so tupa bope na ahut tu diri, nada tama be adong di tonga-tongamunu – hum tarbortik pe indangkon adong.

1 TIMOTEUS 3:11

Dadaboru ni halahi pe angkon halak na denggan roha do, ulang ma halak na ringgas mangkata-hatai hahurangan ni halak na asing. Angkon taroromsa do dirina jana haposan di sude pangalaho.

1 TIMOTEUS 3:8

Sanga ise halak na mangurupi di parlagutan angkon laing halak na burju jana na tigor ma, nada tola parmabuk sanga halak na sai marroha hepeng.

1 TIMOTEUS 5:23

Ulang be hum aek sajo inum; laing inum ma saotik anggur padenggankon butuhamu, harana ma jotjot ho na marnyae-nyae i.

TITUS 1:7

Harana na mangurus karejo ni Debata do sada halak sintua jadi nada tola halak na targora. Nada tola ginjang rohana sanga na parmuruk, sanga na parmabuk, sanga na kasar, sanga na sai mangarohahon hepeng.

TITUS 2:4

anso diajari halahi angka ina na umposo mangkaholongi halaklahina dohot angka dakdanakna,

IBRANI 5:12

Satutuna nian, madung hatihana gabe guru hamu, hape angkon laing porlu dope hamu marsiajar tu halak na asing taringot tu ojahan ni angka pangajaran ni Debata. Laing na so tarpangan hamu dope panganon na pir; angkon laing minum susu sajo dope hamu.

HALUMBAAN 2:20

Tapi anggo taringot tu pangalaho na sada on, nada jop rohangKu mida hamu: Dilehen hamu do rohamunu tu si Isebel dadaboru na mangoku dirina i suruan ni Debata. Madung miduk sian angka naposongKu na niajarannia dohot na nipaoto-otonia anso markamainan dohot mangankon sipanganon na nihaulkon tu gana-ganaan.