TITUS 1:3 - BIBEL JAMITA NA DENGGAN

³ Topet di hatihana, dipataridahon Debata do ngolu i di bagasan barita i jana hupaboa do i hara ni parenta ni Debatanta Sipalua i.

TITUS 1:3 ပူးပေါင်းရင်းမြစ်များ

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

JESAYA 45:15

Debata na paluahon Israel bangsoNia i, i ma Debata na pasimohon diri.

JESAYA 45:21

Paboa jana patuduhon ma sidalianmu, olo, padiar ma halahi rap martahi, Ise dehe na paboahon sian na robi, jana mambaritahonsa? Nada he Au, Tuhan? Nada adong na asing, nada adong Debata asing sian Au! Debata na tigor jana Sipalua, nada adong asing sian Au!”

DANIEL 11:27

Dung i rap juguk ma raja na dua i sameja jana rap mangan, tapi marroha na jahat do halahi na dua, jana marsigabusan ma halahi. Tapi sundat do sangkap ni halahi i dibaen nada dapot dope hatihana.

DANIEL 8:23

Marayak marujung angka harajaan i, jana muda dung gok hajahatan ni angka na jahat, gabe ro ma sada raja sijogal roha, jana na malo paoto-otohon.

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

HABAKUK 2:3

Suratkon ma i, angke nada saonnari dope hatihana. Tapi manigor ro ma hatihana i, jana musti tarjadi sanga aha na Hudokkon i tu ho. Haru pe laing honok dope idaon, tapi painte sajo ma! Pasti do ro hatiha ni i jana nada dipalambat-lambat.

MARKUS 1:15

Ning Ia ma, “Ma dapot hatihana, pungkaon ni Debata ma padalankon pangarajaionNia. Pauba hamu ma rohamunu sian angka dosamunu. Haporsayai hamu ma Jamita Na Denggan na sian Debata!”

MARKUS 13:10

Angke anggo Jamita Na Denggan i na sian Debata angkon jolo dijamitahon do tu sude bangso.

MARKUS 16:15

Dung i didokkon Jesus ma tu halahi, “Kehe ma hamu tu sude portibi on. Baritahon hamu ma Jamita Na Denggan na sian Debata i tu sudena jolma.

LUKAS 1:47

marmoga-moga rohangku hara ni Debata Sipatorkiskonku.

BAENON NI ANGKA RASUL 10:36

Hamu ale angka dongan, tontu madung diboto hamu isi ni jamita na nipabolkas ni Debata tu halak Israel. Jamita Na Denggan do barita i na paboahon dame markite-hite Jesus Kristus, i ma Tuhan ni sude jolma.

BAENON NI ANGKA RASUL 17:26

Sian sada jolma dibaen Ia ma sude bangso jana disuru Ia halahi mangingani tano on sudena. Laing marguru diSia do sian mulana laho manontuhon sanga andigan hatihana jana olat ni dia batasna halahi tola mangolu.

SURAT NI SI PAULUS TU PARLAGUTAN ROM 15:19

na nidonganan ni angka tanda hahomangan na sian gogo ni Tondi Parbadia do sudena i. Madung sudena hubaritahon Jamita Na Denggan sian Kristus i tu angka jolma, mamungka sian Jerusalem lopus tu Ilirikum.

SURAT NI SI PAULUS TU PARLAGUTAN ROM 16:25

Debata do na tarbaen patogu rohamunu mangihutkon Jamita Na Denggan na hujamitahon i, i ma taringot tu Tuhan Jesus Kristus, jana mangihutkon hasimoon na dung dipapatar, dung jolo ditabunihon sian na robi.

SURAT NI SI PAULUS TU PARLAGUTAN ROM 16:26

Madung dipatidahon do saonnari hasimoon i markite-hite surat ni angka panurirang i, mangihutkon parenta ni Debata na salolot ni lolotna, jana dipabotohon i di sude bangso, anso porsaya halahi sude jana mangoloi tu Debata.

SURAT NI SI PAULUS TU PARLAGUTAN ROM 5:6

Dibaen di hatiha hagaleonta, madung mate Kristus humopkop hita angka na durako, di hatiha na dung ditontuhon ni Debata.

1 KORINTUS 9:17

Sugari ma rupani hara ni giot-giotku sandiri sajo na mandalankon karejo i, tontu tola ma au mararop ni roha manjagit upa. Tapi nada hagiotku manjamitahon Jamita Na Denggan i. Debata do marsuru au mandalankon i.

GALATIA 4:4

Tapi dung dapot hatiha hadenggananna, disuru Debata ma AnakNia i tu portibi on. Na sorang sian sada dadaboru do AnakNa i jana na mangolu di toru ni Tona i.

EPESUS 1:10

Isi ni sangkap i, on do: Anso sada sudena na nitompa i, na adong di banua ginjang sanga na di portibi on dohot Kristus na gabe uluna. Jana salosehonon ni Debata ma i muda dung dumpang hatihana.

EPESUS 2:17

Jadi madung ro Ia manjamitahon hasonangan markite-hite, Jamita Na Denggan i di hamu angka na dao, dohot di angka na donok.

PILIPPI 1:13

Gabe sude ma angka pangawal ni bagas godang dohot angka halak na asing na dison umbotoan, tarhurung pe au hara ni na gabe sahalak naposo do au di Kristus i.

KOLOSSE 1:23

Hara ni i angkon ojak jana togu do hamu di bagasan haporsayaan i, jana nada ra be hamu nipaorot sian arop ni roha ni Jamita Na Denggan na dung binegemunu. Madung dijamitahon jamita i tu sude na nitompa di tano on, jana na dung gabe naposo ni i do au si Paulus.

KOLOSSE 1:6

Mur rarat do barita na sian Debata tu portibi on sudena, jana madung dipasupasu ngolu ni jolma hara ni barita i, songon na masa tu ngolumunu. Sian mula-mulana dibege hamu taringot tu asi ni roha ni Debata jana tutu do diauhon hamu, ngolumunu pe madung dipasupasu.

1 TESSALONIKA 2:4

Nada! Nada na giot pasonang-sonang roha ni jolma hami manghatai. Na giot pasonang roha ni Debata do hami muda manghatai. Debata do na dung manguji rohanami jana na dung mangangkat hami laho manjamitahon Jamita Na Denggan i.

1 TIMOTEUS 1:1

Sian si Paulus, rasul ni Kristus Jesus, markite-hite tona ni Debata Sipalua hita dohot Kristus Jesus arop ni rohanta i.

1 TIMOTEUS 1:11

Anggo pangajaran i, i ma na tarsurat di Jamita Na Denggan i na dung dipasahat tu au di bagasan pos ni roha, i ma Jamita Na Denggan na sian Debata na sangap i.

1 TIMOTEUS 2:3

Denggan do tangiang na songon i, angke jop do roha ni Debata Sipalua hita, di na songon i.

1 TIMOTEUS 4:10

Hara ni i ma dibaen na manggogo hita jana marsitutu na karejo i, hara ni sude arop ni rohanta tu Debata na mangolu i; Ia do Sipalua ni jolma sasudena, lumobi ma i angka halak na porsaya.

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.

TITUS 2:10

sanga manangko. Angkon patuduhonon ni halahi do na tongtong halahi denggan jana burju; anso dipuji halak pangajaran taringot tu Debatanta Sipalua i hara ni pambaenan ni halahi.

TITUS 2:13

Saonnari na painte-intehon Ari na niarop ni rohanta i do hita. Anggo di Ari i, idaon ni portibi on ma hasangapan ni Jesus Kristus, i ma Debata Na Gumodang i jana Jesus Kristus Sipalua hita.

HALUMBAAN 14:16

Manigor ro ma na juguk di ginjang ni ombun i maroban sasabiNa tu tano i, gabe dipungka ma sabion di tano i.