RUT 4:15 - BIBEL JAMITA NA DENGGAN

¹⁵ Dihaholongi parumaenmi do ho. Madung dilehen ia di ho lobi sian na tarlehen ni pitu halak anak halaklahi. Saonnari madung dilehen ia muse di ho sada pahompu halaklahi na giot mangalehen semangat na imbaru muse di ho laho mangolu, jana na giot markasayahon ho dung matobang ho.”

RUT 4:15 ပူးပေါင်းရင်းမြစ်များ

PAMUNGKAAN 45:11

Muda di Gosen amang maringanan, tarbaen au ma pature-turehon ho amang. Adong dope lima taon nari haleon potir on, jana jagohononku ma anso ulang mate so mangan damang, dohot keluargamu bope sude pahan-pahanan ni amang.’ ”

PAMUNGKAAN 47:12

Jana dipasingkop si Josep ma haporluan ni balanjo di amangnia, di angka kahangginia dohot di sude koum sisolkotnia lopus tu na umposo pe.

MASMUR 55:22

Pasahat ma holos ni rohamu tu Tuhan, jadi pargogoanNia ma ho, angke nada unjung Ia padiarkon halak na tigor ditaluhon.

PODA 18:24

Adong do dongan na so setia, adong muse do na rumosu sian kahangginiba.

JESAYA 46:4

Au Debatamunu, giot mangondihon hamu; lopus matobang jana ubanon obukmunu. Au na manompa hamu, sai na sarihononKu do hamu, sai na paluaonKu jana urupanKu hamu.

RUT 4:16

Dibuat si Naomi ma dakdanak i lalu dipature-ture ia sian gok ni holong ni rohania songon dakdanaknia sandiri.

1 SAMUEL 1:8

Jana sai marpupu ma disapai si Elkana halaklahinia, “Biasi dehe sai tangis ho Hanna? Biasi nada ra ho mangan jana sai marsak ho? Nada he ummarga do au di ho ulang pado sampulu anak halaklahi?”

1 SAMUEL 2:5

Halak na butongan hian najolo i hara ni sipanganon na marlobi. Saonnari gabe pangomo-omo hum anso dapotan sipanganon sajo. Halak na tangkuraparon najolo, saonnari marsonang-sonang, tuk panganonna. Dadaboru na so maruntungan, saonnari marhamogaan, manubuhon pitu dakdanak! Hape anggo ina sibahat anak, ditadingkon, dipadiar marsak.