RUT 4:13 - BIBEL JAMITA NA DENGGAN

¹³ Jadi gabe dibuat si Boas ma si Rut gabe ripenia. Dipasupasu Tuhan ma ia gabe denggan pamatangnia jana sorang ma sada anaknia halaklahi.

RUT 4:13 ပူးပေါင်းရင်းမြစ်များ

PAMUNGKAAN 20:17

Gabe so maruntungan sude dadaboru na di bagas godang ni si Abimelek i dibaen Debata hara ni na masa tu si Sara, ripe ni si Abraham i. Jadi ditangiangkon si Abraham ma si Abimelek tu Debata, jana dipamalum Debata ma si Abimelek, dongan saripe dohot angka hatobanna dadaboru, gabe mulak ma margogo halahi laho mardakdanak.

PAMUNGKAAN 25:21

Dibaen nada maruntungan si Ribka, martangiang ma si Ishak tu Tuhan salaho tu dongan saripenia i. Jana dipatalus Tuhan do tangiang ni si Ishak i, jana denggan ma pamatang ni si Ribka.

PAMUNGKAAN 29:31

Di na niida ni Tuhan na so sadia si Lea dihaholongi songon si Rahel, dipaloas Tuhan ma si Lea mardakdanak. Tapi anggo si Rahel nada maruntungan.

PAMUNGKAAN 30:2

Gabe muruk ma si Jakob tu si Rahel, ning ia ma, “Nanggo au da Debata. Ia do na mambaen na so maruntungan ho.”

PAMUNGKAAN 33:5

Dung manaili si Esau humaliang, diida ia ma angka dadaboru dohot angka dakdanak i, jadi disapai ia ma, “Angka ise dehe donganmon?” “Angka dakdanakku do i da tuanku,” ning si Jakob mangalusi. “Madung dipataridahon Debata tu iba holong ni rohaNa jana dilehen angka dakdanak i tu au.”

MASMUR 113:9

Tu ina na so maruntungan dilehen Ia dakdanak, dibaen Ia do i gabe ina na martua. Puji ma Tuhan!

MASMUR 127:3

Anggo satutuna, arta pusako ni Tuhan do dakdanak halaklahi, silehen-lehen ni Debata do halahi.

RUT 3:11

Hara ni i, ulang ho gamang, Rut. Hupatulus pe na nipangidomi; angke madung sude halak na sahuta on mamboto bahaso ho sada anak boru na burju do.

RUT 4:12

Sai gabe songon keluarga ni si Peres anak ni si Juda dohot si Tamar i ma nian angka dakdanak na giot silehenon ni Tuhan di ho sian boru na poso on.”

1 SAMUEL 1:27

Na mangido dakdanak on do au tu Tuhan, jana madung ditangihon Ia pangidoanki.

1 SAMUEL 2:5

Halak na butongan hian najolo i hara ni sipanganon na marlobi. Saonnari gabe pangomo-omo hum anso dapotan sipanganon sajo. Halak na tangkuraparon najolo, saonnari marsonang-sonang, tuk panganonna. Dadaboru na so maruntungan, saonnari marhamogaan, manubuhon pitu dakdanak! Hape anggo ina sibahat anak, ditadingkon, dipadiar marsak.