RUT 3:14 - BIBEL JAMITA NA DENGGAN

¹⁴ Jadi modom ma si Rut disi di lambung pat ni si Boas. Tapi sogot sajo dope ngot ma si Rut taran golap dope anso ulang adong halak midaan ia. Angke giot ni si Boas ulang adong sahalak pe na umboto bahaso na ro si Rut tu inganan i.

RUT 3:14 ပူးပေါင်းရင်းမြစ်များ

PARJAMITA 7:1

Gumonan do goar na huskus umpado miak sigodang arga; jana dumenggan do ari hamamate sian ari hatutubu.

SURAT NI SI PAULUS TU PARLAGUTAN ROM 12:17

Muda jat dibaen halak tu hamu, ulang pola baloskon hamu i dohot na jat. Baen hamu ma aha na denggan tu sude halak.

SURAT NI SI PAULUS TU PARLAGUTAN ROM 14:16

Antong angka na denggan na di hamu, ulang ma padiar hamu dilayasi halak.

1 KORINTUS 10:32

Denggan ma baen hamu ngolumunu anso ulang jabat mardosa halak na asing hara ni hamu; sanga di halak Jahudi, sanga pe di halak na so Jahudi sanga pe di parlagutan ni Debata.

2 KORINTUS 8:21

Angkon tigor do hami markarejo, nada hum di jolo ni Tuhan, tapi dohot do di jolo ni jolma.

1 TESSALONIKA 5:22

Mandao ma hamu sian sandok hajahatan.

1 PETRUS 2:12

Angkon denggan do pangalahomunu di tonga-tonga ni angka halak na so porsaya tu Kristus, jadi haru pe diincahi halahi hamu songon halak na jahat, gabe idaon ni halahi ma angka pambaenanmunu na denggan i, jana gabe pujion ni halahi ma Debata di haroro ni Debata tu portibi on.

RUT 3:15

Didok si Boas ma tu si Rut, “Palua ma salendangmi jana pahembang ma dison.” Jadi ditalduskon si Rut ma salendangnia i jana dipahembang ia. Dung i diduruskon si Boas ma tu salendang i burir-burir hira-hira dua pulu kilogram, lalu ditolong ia si Rut laho mangangkat tu abarana i. Dung i mulak ma si Rut tu kota.