RUT 3:13 - BIBEL JAMITA NA DENGGAN

¹³ Di borngin on, laing tinggal ma ho dison; ancogot ma tasihiri betak na ra do ia padalan tanggung jawabna i maradopkon ho, sanga nada. Muda ra do ia antong, denggan; tapi muda nada ra ia, marjanji ma au mangasahon Debata na mangolu i bahaso na padalanonku tanggung jawab i. Antong, saonnari laing modom dison ma ho lopus manyogot.”

RUT 3:13 ပူးပေါင်းရင်းမြစ်များ

JEREMIA 12:16

Muda ra halahi manjagit ugamo ni bangsongKu sian sandok roha ni halahi jana ra manyumpahon marhite na mandok, ‘Mangasahon Tuhan na mangolu i,’ – songon na niajaran ni halahi najolo bangsongKu marsumpa mangasahon Baal jadi gabe tarmasuk ma halahi gabe bangsongKu jana gabe maduma.

JEREMIA 4:2

baru pe anso tola hamu marsumpa mangasahon goarKu. Jadi gabe pangidoon ni sandok bangso ma anso Hupasupasu halahi, jana pujion ni halahi ma Au.”

2 KORINTUS 1:23

Tapi hupio do Debata gabe saksingku disi – harana diboto Ia do isi ni rohangku dibaen na so tulus pe au kehe tu Korintus, hara ni na so ra do au paarsak rohamunu.

IBRANI 6:16

Harana anggo jolma, marsumpa do i marhite halak na gumodang sian ia. Jadi sumpa i ma hasidungan ni sude parbadaan jana pate ma i di halahi.

HAKIM-HAKIM 8:19

“Angka kahanggingku do i – angka dakdanak ni dainang,” ning si Gideon. “Songon sintong ni na mangolu Tuhan, sugari nada dibunu hamu halahi, bagi na bia pe nada pola giot bunuonku hamu.”

RUT 2:20

“Laing hita na sakahanggi do da i,” ning si Naomi. “Ia ma sada sian tonga-tonga ni kahangginta na angkon martanggung jawab salaho tu hita.” Laing didok si Naomi muse dope, “Sai dipasupasu Tuhan ma da si Boas. Tutu nian, sai na nipatulus ni Tuhan do janjiNa – tu angka halak na mangolu dope bope tu halahi angka na dung monding.”

RUT 3:12

Tutu do i nian, angkon martanggung jawab do au salaho tu ngolumu, angke kahanggimu na solkot do au. Tapi laing adong dope sada halak na asing na angkon martanggung jawab tu ngolumu. Jana kahanggi na sumolkot dope ia ulang au.

RUT 4:5

Jadi ninna si Boas, “Antong denggan ma i anggo songon i. Tapi muda ditobusi ho tano i sian si Naomi, angkon laing buatonmu muse do si Rut na mabalu na sian Moab i. Harana anggo tano i angkon hot do gabe nampuna ni pomparan ni halak na dung jumolo monding i.”

RUT 4:6

Dialusi bayo i ma, “Antong anggo songon i do, hupalua ma hakku laho manobusi tano i. Harana muda hutobusi i, laing na so pomparanku do hape nampuna i. Dumenggan ma ho manobusi i, ulang au.”