RUT 3:1 - BIBEL JAMITA NA DENGGAN

¹ Dung adong sadia lolot, didok si Naomi ma tu si Rut, “Angkon usahahononku do anso laing marbagas ho mangulahi, anso tarbaen ho muse adong rumahtanggamu sandiri.

RUT 3:1 ပူးပေါင်းရင်းမြစ်များ

PAMUNGKAAN 40:14

Tapi pangidoanku, ingot au muda dung denggan ngolumu sanoli on. Ibo rohamu mida au, jana palalu ma antong pardangolankon tu raja i, jana laing pangidohon ma da anso dipalua ia au sian hurungan on.

MASMUR 128:2

Panganonmu noma suha ni karejomu makmur jana sonang ngolumu.

1 KORINTUS 7:36

Muda dihilala roha ni sada halak nada dibaen ia na sapatutna tu tunanganna, muda so tartahan ia be hagiotnia jana porlu ma dihilala ia marbagas ia dohot si bujing-bujingnia i, dibaen ia ma na nihilalania denggan. Nada mardosa ia muda marbagas halahi.

PANGARATAION 4:40

Oloi hamu ma sandok aturan na hulehen tu hamu sadari on, jadi gabe horas ma hamu dohot pomparanmunu. Sai torus ma hamu mangolu di tano na nilehen ni Tuhan na gabe hamu puna salolot-lolotna.”

1 TIMOTEUS 5:14

Hara ni i ma dibaen na dumenggan hudok marbagas mangulahi angka na mabalu na poso dope. Denggan ma i mardakdanak halahi dohot na mangurus rumahtanggana anso ulang adong tarbaen angka musunta i dalan pajatjat-jatjatkon goarta.

1 TIMOTEUS 5:8

Muda halak na so paturehon koum sisolkotna, lumobi donganna samudar, na mamorso haporsayaanna do halak na songon i; jumatjat dope i sian halak na so porsaya.

RUT 1:9

Jana sai lomo ma roha ni Tuhan anso laing dapotan rongkapna be hamu jana marripe mangulahi.” Dung didok si Naomi songon i, diummai ia ma halahi songon na manjalangi. Tapi mamungka ma tangis si Orpa dohot si Rut,

RUT 2:23

Jadi kehe ma si Rut markarejo di ladang ni si Boas. Dipanjomputi ia ma disi burir-burir dohot gandum lopus sidung mambuat suhana. Jana tongtong do si Rut sainganan dohot namborunia i.

RUT 3:2

Inda he rap markarejo dohot angka dadaboru i ho di ladang ni si Boas? Jadi sisolkotta do anggo si Boas. Antong, tangihon ma! Andospotang on na giot kehe do ia markarejo mamaspas burir-burir.