RUT 2:20 - BIBEL JAMITA NA DENGGAN

²⁰ “Laing hita na sakahanggi do da i,” ning si Naomi. “Ia ma sada sian tonga-tonga ni kahangginta na angkon martanggung jawab salaho tu hita.” Laing didok si Naomi muse dope, “Sai dipasupasu Tuhan ma da si Boas. Tutu nian, sai na nipatulus ni Tuhan do janjiNa – tu angka halak na mangolu dope bope tu halahi angka na dung monding.”

RUT 2:20 ပူးပေါင်းရင်းမြစ်များ

2 SAMUEL 2:5

disuru ia ma tusi maroban tona na mandok, “Sai dipasupasu Tuhan ma hamu, dibaen dipatuduhon hamu do na burju hamu tu rajamunu i marhite na mananom bangkena.

2 SAMUEL 9:1

Sanoli marsapa ma si Daud, “Adong dope ulaning jolma na mangolu sian bagas ni si Saul? Sugari adong dope, por do rohangku nian mambaen na denggan tu halahi hara ni si Jonatan.”

JOB 19:25

Huboto do anggo di banua ginjang, adong disi pangondianku; di ujungna ro Ia manolong au.

PODA 17:17

Sai na setia do ale-ale tu donganna; jana songon na markahanggi do halahi tu sitaonon.

HAMALIMON 25:25

Muda gabe miskin sada halak Israel, gabe tarpaksa angkon gadisonnia tanonia, angkon tobusan ni sisolkotnia na sumolkot do tano i.

PILIPPI 4:10

Marjop ni roha situtu do au di bagasan Tuhan i, dibaen margogo hamu mangulahi manyarihon au. Disarihon hamu do au nian, tapi nada adong hatihamu di hatiha na jolo i.

RUT 2:21

Dung i didok si Rut ma muse, “Laing didok bayo i dope anso laing torus au manjomputi burir-burir rap dohot angka parkarejonia i lopus abis suha ni ladangnia i dibuat.”

RUT 3:12

Tutu do i nian, angkon martanggung jawab do au salaho tu ngolumu, angke kahanggimu na solkot do au. Tapi laing adong dope sada halak na asing na angkon martanggung jawab tu ngolumu. Jana kahanggi na sumolkot dope ia ulang au.

RUT 4:14

Didok angka dadaboru ma tu si Naomi, “Di Tuhan ma da puji-pujian: Madung dilehen Ia di ho pahompu di ari sadari on laho markasayahon ho. Sai tarbonggal ma goar ni si Uncok i di Israel!

RUT 4:4

Jana didok rohangku angkon botoonmu do salaho tusi. Muda nada, torus torang ma dokkon, angke hum hita na dua sajo do nampuna hak taringot tusi; ho do na sumolkot, baru au.” Dialusi bayo i ma, “Olo, na giot tobusanku ma i.”

RUT 4:6

Dialusi bayo i ma, “Antong anggo songon i do, hupalua ma hakku laho manobusi tano i. Harana muda hutobusi i, laing na so pomparanku do hape nampuna i. Dumenggan ma ho manobusi i, ulang au.”