RUT 2:15 - BIBEL JAMITA NA DENGGAN

¹⁵ Dung i diulahi si Rut ma mangulahi manjomputi burir-burir. Dung kehe ia, didok si Boas ma tu angka parkarejo i, “Muda manjomputi ia di angka inganan na dung ditambati angka burir-burir i, padiar hamu sajo ma; ulang larang hamu ia.

RUT 2:15 ပူးပေါင်းရင်းမြစ်များ

HAMALIMON 19:9

Muda manyabi hamu ulang sabi hamu angka gandum na tubu di topi-topi ni ladang i, jana ulang ulahi hamu manyabi turiangna.

HAMALIMON 23:22

Muda manyabi hamu, ulang sabi hamu gandum na tubu di topi ni ladang i jana nada tola mulak hamu papungu turiangna. Tinggalkon ma i baen di halak na dangol dohot di halak na leban. Tuhan do Debatamu.

JAKOBUS 1:5

Muda adong sanga ise sian hamu na hurang marroha, dipangido ia ma habisuhon sian Debata, gabe lehenon ni Debata ma disia habisuhon. Angke tu ganop halak do Debata mangalehen jana mardongan ibo ni roha.

RUT 2:14

Di hatiha giot mangan, didok si Boas ma tu si Rut, “Beta hita mangan roti. Indon ma ingkayuna.” Gabe juguk ma si Rut mangan dohot angka parkarejo i. Dilehen si Boas muse ma disia roti na nipanggang, jana mangan ma si Rut lopus butong. Dung mangan, laing adong dope na teba.

RUT 2:16

Denggan do sangajo hamu manguldus sasaotik sian na dung nitambatan i, jana dabuhon hamu baen disia anso adong jomputannia.”