RUT 2:13 - BIBEL JAMITA NA DENGGAN

¹³ Dialusi si Rut ma, “Na denggan ma antong pambaenanmi tu au, amang. Tarapul do rohangku, dibaen lambok ni pangkuling ni amang i tu au, haru pe tumoruk au sian sada parkarejo ni amang i.”

RUT 2:13 ပူးပေါင်းရင်းမြစ်များ

PAMUNGKAAN 32:6

Di na mulak angka suruan i mangulahi mandapotkon si Jakob, didok halahi ma, “Madung hami topot si Esau angkangmi, jana saonnari di tonga dalan ma i ro tuson anso marsuo dohot ho. Dioban ia do opat ratus halak paranganna.”

PAMUNGKAAN 33:10

Ning si Jakob ma, “Ulang ale angkang! Muda hupajop rohamu, jagit ma da antong somba-sombangkon. Anggo di au, hum marnida bohimu madung songon na mida bohi ni Debata, hara ni denggan ni rohamu mida au.

PAMUNGKAAN 33:15

Ning si Esau ma, “Antong anggo songon i, hutinggalkon ma deba angka halakkon rap dohot ho.” Tapi dialusi si Jakob ma, “I pe nada pola, harana hum na giot pasonang rohamu do giotku.”

PAMUNGKAAN 33:8

Disapai si Esau ma, “Na mambaen bia dehe ho di rombongan sinangkin na huida i?” Dialusi si Jakob ma, “Laho pajop rohamu do hubaen songon i.”

PAMUNGKAAN 34:3

Tapi solom do matania mida si Dina gabe por rohania sugari disia nian si Dina jana diusahahon ia ma, anso laing por muse roha ni si Dina disia.

PAMUNGKAAN 43:14

Sai ibo ma roha ni gubernur i mida hamu dibaen Debata Na Gumogo i anso ra ia paulakkon si Benyamin dohot si Simeon tu hamu. Anggo salaho tu au, muda na angkon sai na magoan ma di angka dakdanakki, padiar ma agoan au di halahi.”

2 SAMUEL 16:4

Dung i didok raja i ma tu si Ziba, “Gabe ho ma nampuna sude sinadongan ni si Mefiboset i.” “Hupatulus ma sude parenta ni raja i,” ning ia mangalusi. “Sai lomo ma nian tongtong roha ni raja i mida au!”

PODA 15:33

Biar maradopkon Tuhan, i ma ojahan ni pangajaran. Toruk ni roha manjoloi hasangapan.

HOSEA 2:16

Jana nada be Baalnia Au goaronnia, tapi dokkononnia ma Au halaklahinia.

PILIPPI 2:3

Ulang ma marsibaen di ibana laho manyarihon dirina be sanga laho manggodangkon dirina. Tapi gumonan ma sian toruk ni rohana be, etong hamu ma donganmunu na dumenggan sian hamu sandiri.

HAKIM-HAKIM 19:3

kehe ma halaklahinia i maroban sada hatoban dohot dua halode laho mandapoti dadaborunia i anso mulak tusia. Dung lalu disi, dioban dadaborunia i ma ia tu amangnia i. Disi diida amang ni anak boru i halaklahi ni borunia i, jop ma rohania manjagitsa,

RUT 2:12

Sai dibalos Tuhan ma hadenggananmi. Jana hara ni na dung ro ho marsilaung tu Tuhan, Debata ni Israel, sai dilehen Ia ma antong parlinggoman sagokgokna di ho!”

RUT 2:14

Di hatiha giot mangan, didok si Boas ma tu si Rut, “Beta hita mangan roti. Indon ma ingkayuna.” Gabe juguk ma si Rut mangan dohot angka parkarejo i. Dilehen si Boas muse ma disia roti na nipanggang, jana mangan ma si Rut lopus butong. Dung mangan, laing adong dope na teba.

1 SAMUEL 1:18

Dialusi si Hanna ma, “Sai tumbuk ma iba nian di rohamunu amang.” Dung i kehe ma ia, lalu mangan jana nada be marsak ia.

1 SAMUEL 25:41

Jadi jongjong ma si Abigail lalu manungkap mandok, “Naposo ni si Daud do au, rade do au mamasu pat ni angka naposonia.”