RUT 2:10 - BIBEL JAMITA NA DENGGAN

¹⁰ Umbege i, manungkap ma si Rut di jolo ni si Boas jana didok ia ma, “Halak sileban do au, amang, hape biasi pola songon i denggan ni roha ni amang tu au jana diparrohahon amang au?”

RUT 2:10 ပူးပေါင်းရင်းမြစ်များ

PAMUNGKAAN 18:2

Di na nipadorgaknia ulunia, diida ia ma adong tolu halak jongjong di jolonia. Disi diida si Abraham halahi, marlojong ma ia laho mangalo-alo halahi.

2 SAMUEL 19:28

Na patut do nian mate hona uhum baenon ni raja i sude koum sisolkot ni damang, tapi anggo au madung diisinkon raja i dohot mangan di bagas godang. Anggo saonnari nada puluk be au mangido bagi aha sian raja i.”

2 SAMUEL 7:18

Dung i masuk ma si Daud tu bagasan Bandar Parmianan Ni Tuhan. Juguk ma ia martangiang, “Ale Tuhan Na Gumincat, nada patut au dohot dongan sabagasku manjagit sude pasupasu na niduruskonMu.

2 SAMUEL 9:8

Manungkap si Mefiboset mangulahi mandok, “Aha ma nian argangku, suman songon anjing na mate do au, rajanami! Biasi pola songon i denggan ni raja i tu au?”

HAMALIMON 19:34

Baen ma tu halahi songon na nibaenmu tu bangsomu sandiri jana haholongi halahi songon pangkaholongimu di dirimu sandiri. Ingot, hamu pe jungada do gabe halak na leban di Mesir. Au do Tuhan Debatamu.

MATEUS 25:35

Angke taran malean Au, dilehen hamu do Au mangan. Dompak manguas Au, dilehen hamu do Au minum. Di na tarpunjung Au, dijagit hamu do Au di bagasmunu.

LUKAS 1:43

Ise dehe au on umbaen na ro ina ni Tuhanku mandapotkon au?

LUKAS 1:48

Angke diingot Ia do au, naposoNa na bile on! Mamungka saonnari sude ma halak mandokkon au na martua,

SURAT NI SI PAULUS TU PARLAGUTAN ROM 12:10

Tangkas ma hamu antong marsihaholongan sama hamu songon halak na martinadohon, jana marsijolo-joloan ma hamu marsipasangapan.

RUT 2:11

Dialusi si Boas ma, “Madung hubege taringot tu sude na nibaenmu maradopkon namborumu mamungka sian dung jumolo halaklahimu. Huboto na dung ditadingkonmu simatobangmu, huta hagodanganmu anso ro maringanan dison rap dohot angka halak na so nitandaanmu hian.

RUT 2:13

Dialusi si Rut ma, “Na denggan ma antong pambaenanmi tu au, amang. Tarapul do rohangku, dibaen lambok ni pangkuling ni amang i tu au, haru pe tumoruk au sian sada parkarejo ni amang i.”

RUT 2:19

Jadi didok si Naomi ma tusia, “Di dia dehe dapot ho sudena on? Di ladang nise ho markarejo sadari on? Sai dipasupasu Debata ma da halak na marroha na denggan i tu ho!” Gabe dipaboa si Rut ma tu si Naomi bahaso ladang inganannia mamuai burir-burir i nampuna ni sada bayo na margoar si Boas.

RUT 2:2

Sanoli didok si Rut ma tu si Naomi, “Kehe au jolo namboru tu ladang laho mamuai burir-burir na nipardabuhon ni angka parkarejo i. Pos do rohangku sai adong do i halak na paloaskon au mambaen songon i.” “Denggan, maen!” ning si Naomi mangalusi, “kehe ma da ho.”

RUT 2:9

ihutkon ma halahi jana ulang ho kehe dao-dao. Madung hudok tu angka halaklahi parkarejo i bahaso na so tola halahi mangganggu ho. Muda manguas ho, kehe sajo ma ho minum tu angka inganan parminuman na niparade ni angka parkarejo i.”

1 SAMUEL 25:23

Dung diida si Abigail si Daud, manigor mijur ma ia sian halodenia i lalu manungkap