RUT 1:20 - BIBEL JAMITA NA DENGGAN

²⁰ “Ulang goari au si Naomi,” ning si Naomi, “si Mara ma au goari hamu, angke madung dipadiar Debata Na Markuaso i do au mangolu gok hapaeton.

RUT 1:20 ပူးပေါင်းရင်းမြစ်များ

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

PAMUNGKAAN 43:14

Sai ibo ma roha ni gubernur i mida hamu dibaen Debata Na Gumogo i anso ra ia paulakkon si Benyamin dohot si Simeon tu hamu. Anggo salaho tu au, muda na angkon sai na magoan ma di angka dakdanakki, padiar ma agoan au di halahi.”

JOB 11:7

Bia ma he pandodomu di bako ni Debata? Tardodo ho ma he gogo ni kuasoNa?

JOB 19:6

Na he diboto hamu, na niparhancitan ni Debata iba, jana ditangkup Ia iba di tirangkap na nibaenNia.

JOB 5:17

Na dohar ma da ho muda Debata manggorahon ho, ulang mandele muda Ia pasala ho.

JOB 6:4

Hona tombus ni anak ni pana do pamatangku dibaen Pargogo Na Sumurung i. Manyarira rasunna i tu sude pamatang i. Na sun jebu ni Debata tarlobi sogen sihabiaran, jana manjombai iba songon dia ma parro ni musu marparangan.

JOB 9:18

Umpe jabat humosa iba hum sangombas. Mur marrongoman dibaenSa tu iba hapaetan.

MASMUR 73:14

Haru bia pe laing na ganop manyogot do au hona uhuman salolot arian laing na hona siksa do iba dibaen.

MASMUR 88:15

Sian na menek do au marhancit jana dirohai hamatean, abis gogo do au manaonkon uhumanMu.

HARURUAR 15:23

Jadi bolkas ma halahi tu sada inganan na margoar Mara, adong do aek disi tapi na lobi paet, jabat nada tarinum. Hara ni i do digoari ma inganan i Mara, astuanna: paet.

HARURUAR 6:3

Ro do Au mandapotkon si Abraham, si Ishak dohot si Jakob, i ma Debata na gok kuaso, tapi nada Hupataridahon diringKu tu halahi marhite goar ‘Tuhan’ i ma goarKu na badia i.

JESAYA 38:13

Marsurak do au mangido tolong lalu tu manyogot; songon singa mangarogop holi-holi; songon i ma Tuhan mangaropukkon au, mamungka sian arian lalu tu borngin dipadiar Ho do au.

IBRANI 12:11

Tutu nian dompak hona ajar hita, nada sonang rohanta manjagit pangajaran i, hum na pahancit roha sajo do i nihilala. Hape dung salpu i, dilehen do di halahi parbatu ni hatigoran, na mangalehen hasonangan.

HALUMBAAN 1:8

“Au do na parjolo dohot na parpudi,” ninna Tuhan Debata, na adong, na dung adong, jana na giot ro, Parkuaso Na Sumurung i.

HALUMBAAN 21:22

Nada huida Bagas Na Badia di bagasan kota i, angke Tuhan Debata Parkuaso Na Sumurung i sandiri do Bagas Na Badia, songon i muse Anak Ni Biri-biri i.