RUT 1:2 - BIBEL JAMITA NA DENGGAN

² Goar ni bayo i si Elimelek, goar ni dadaborunia si Naomi, jana goar ni anaknia na dua i si Mahlon dohot si Kilion do; halak Efrata do halahi sian Betlehem na di Juda. Dung lalu halahi di Luat Moab, tinggal ma halahi disi.

RUT 1:2 ပူးပေါင်းရင်းမြစ်များ

PAMUNGKAAN 35:19

Dung marujung ngolu ni si Rahel, dikuburkon ma ia di lambung dalan laho tu Efrata, i ma na margoar Betlehem saonnari.

MIKA 5:2

Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.

HAKIM-HAKIM 17:7

Laing di hatiha i adong ma sada halak doli-doli sian Marga Levi jana marasal sian kota Betlehem na di tano Juda.

HAKIM-HAKIM 3:30

Di ari i, talu ma Moab maradopkon Israel. Jadi sonang ma luat i salapan pulu taon honokna.

RUT 1:3

Hape taran disi dope halahi, mate ma si Elimelek, jana tading ma si Naomi rap dohot anaknia na dua i.

RUT 1:5

mate muse ma da anak ni si Naomi na dua i, i ma si Mahlon dohot si Kilion. Jadi, tinggal mamunjung noma si Naomi.

RUT 2:1

Adong do sada halak sisolkot ni si Naomi sian pihak ni halaklahinia si Elimelek. Halak na kayo do bayo i jana na tarpandang. Si Boas goarna.

RUT 4:9

Jadi didok si Boas ma tu angka hatobangon dohot tu sude halak na deba nari na adong disi, “Sadari on hamu ma sudena na gabe saksi bahaso na dung hutobusi sian si Naomi sude sinadongan ni si Elimelek dohot angka dakdanaknia, i ma si Kilion dohot si Mahlon.

1 SAMUEL 1:1

Adong ma sada bayo na margoar si Elkana, sian Marga Efraim. Maringanan di kota Rama na di pardolohan Efraim do ia. Si Elkana on i ma anak ni si Jeroham jana pahompu ni si Elihu. Masuk tu horong Tohu jana masuk tu Marga Zup.

1 SAMUEL 17:12

Anggo si Daud, anak ni si Isai halak Efrata sian Betlehem na di Juda do. Adong do salapan anak ni si Isai jana dompak di zaman ni si Saul mamarenta, anggo si Isai madung matobang situtu.

1 SAMUEL 17:21

Patongtang ma tentara ni Pilistin dohot tentara ni Israel jana hobas be laho marporang.