RUT 1:17 - BIBEL JAMITA NA DENGGAN

¹⁷ Sanga na di dia marujung ngolu ni namboru, laing disi ma giotku mate dohot dikuburkon. Sai diuhumi Tuhan i ma au, lobi dope tehe sian i, muda adong sanga aha pe na manyirang au sian namboru, asing ni hamatean i!”

RUT 1:17 ပူးပေါင်းရင်းမြစ်များ

2 SAMUEL 15:21

Tapi dialusi si Itai ma, “Na huparsangapi, mangasahon Tuhan na mangolu i bope hara ni hosa ni raja i, sanga na tu dia pe raja i kehe, laing dohot do au, haru pe na gabe hamatean na ro baenon ni i.”

2 SAMUEL 19:13

Laing disuru raja i muse dope halahi mulak tu si Amasa songon on, “Nada he donganku ho? Mamungka saonnari rasmi ma ho huangkat gabe panglima ni tentarangku manggontihon si Joab. Sai dimatehon Debata au, muda nada hupatulus i!”

2 SAMUEL 3:35

Sadari i sai disosoi rayat i ma si Daud anso mangan saotik, tapi disumpahon ia do, “Sai dibunu Debata ma au muda mangan au painte so lusut mataniari.”

2 SAMUEL 3:9

Sai dimatehon Debata ma au, jana lumobi sian i, anggo so hudalankon janji ni Debata na tu si Daud i,

1 RAJA-RAJA 13:31

Dung i didok panurirang na matobang i ma tu angka dakdanaknia, “Ampot sai jumolo au, di bagasan kuburan on di lambungnia ma kuburkon hamu au.”

1 RAJA-RAJA 19:2

Gabe ditonahon si Isebel ma barita on tu si Elia, “Sai diuhumi angka debata ma au, dibunu pe au jadi ma, anggo so hubaen ancogot songon on ari tu ho songon na nibaenmi tu angka panurirang i.”

1 RAJA-RAJA 2:23

Dung songon i hara ni Tuhan i marsumpa ma si Salomo, “Sai dibunu Tuhan i ma au, muda so hubunu si Adonia hara ni pangidoannia i.

1 RAJA-RAJA 20:10

“Suruon ni rajanami i ma tentara bahat sajo laho mangarorak kotamon, jana taroban halahi do abu ni tapor-tapor ni kotamon dohot tangan ni halahi. Madung disumpahon ia anso diuhumi debata i, salang dimatehon pe jadi, anggo inda dipatulus ia songon i!”

2 RAJA-RAJA 6:31

Pio-pio ma raja i, “Sadari on angkon mate si Elisa i. Sai dimatehon Debata ma au anggo so humatehon si Elisa!”

MASMUR 45:10

O ale boru ni raja, bege jolo hatangku, halupahon ma bangsomu dohot ale-alemu.

BAENON NI ANGKA RASUL 11:23

Jana dung lalu si Barnabas disi, diida ia ma sanga na bia pamasumasu ni Debata di halahi, gabe jop sajo ma rohania. Dung i dipaingot ia ma halahi anso tongtong marsihohot tu Tuhan i.

BAENON NI ANGKA RASUL 20:24

Tapi nada pola hupardulihon ngolungkon, asalkan ma hupasidung karejo na nipasahat ni Tuhan Jesus tu au jana asal ma sai burju au lopus tu ujung ni ngolungku laho manjamitahon Jamita Na Denggan i, i ma taringot tu asi ni roha ni Debata.

RUT 1:16

Tapi dialusi si Rut ma, “Namboru, ulang ma da suru au mulak dohot manandingkon ho namboru! Ihutkononku do namboru. Sanga na tu dia namboru kehe, laing disi do au tinggal. Bangsomu noma bangsongku; jana Debatamu laing i muse ma Debatangku.

RUT 4:15

Dihaholongi parumaenmi do ho. Madung dilehen ia di ho lobi sian na tarlehen ni pitu halak anak halaklahi. Saonnari madung dilehen ia muse di ho sada pahompu halaklahi na giot mangalehen semangat na imbaru muse di ho laho mangolu, jana na giot markasayahon ho dung matobang ho.”

1 SAMUEL 14:44

Didok si Saul ma tusia, “Sai hona uhum ni Debata ma au anggo so mate hona uhum ho, Jonatan!”

1 SAMUEL 20:13

Muda na giot agoonna do ho, hupaboa pe tu ho anso tarbaen ho antong paluahon dirimu. Sai dibunu Tuhan ma au muda nada hupatulus i. Sai didongani Tuhan ma ho laing songon pandonganina di amanta najolo!

1 SAMUEL 25:22

Sai dibunu Debata ma au muda so hubunu sude halaklahi na adong disi painte so bincar mataniari!”

1 SAMUEL 3:17

Disapai si Eli ma, “Aha dehe na nipaboa ni Tuhan i tu ho? Caritohon ma jolo sude tu au. Anggo adong do sanga na aha na dirahasiahon ho, hona uhum ni Debata do ho.”