RUT 1:15 - BIBEL JAMITA NA DENGGAN

¹⁵ Jadi gabe didok si Naomi ma tusia, “Ligi ma Rut! Ma kehe angkangmu tu bangsonia dohot tu angka debatania. Tole ma, ihutkon ia!”

RUT 1:15 ပူးပေါင်းရင်းမြစ်များ

2 RAJA-RAJA 2:2

jadi di tonga dalan didok si Elia ma tu si Elisa, “Dison ma ho; disuru Tuhan do anggo au kehe tu Betel!” Tapi dialusi si Elisa ma, “Mangasahon Tuhan na mangolu i dohot mangasahon hosamu Amang, nada giot tadingkononku ho Amang.” Jadi gabe rap ma halahi manoruskon pardalanan tu Betel.

MASMUR 125:5

Tapi muda diuhum Ho halak na jahat, uhumi muse ma sanga ise na manyimbil sian dalanMu. Sai horas torkis ma bangsoMi!

MASMUR 36:3

Gok sipaoto-oto, jahat angka hatana, anggo na denggan dohot habisuhon nada dibaensa.

ZEPANYA 1:6

AbiskononKu ma halahi na so ro tu Au sanga na so mangido panogu-noguon tu Au dohot na dung marbalik manadingkon Au jana na so ra be mangihutkon Au.”

BILANGAN 10:30

“Tarimakasi ma da,” ning si Hobab mangalusi, “tapi anggo au giot mulak tu huta hagodanganku do.”

LUKAS 24:28

Ujungna lalu ma halahi marayak huta sitopoton ni halahi i. Dipaula-ula Jesus ma songon na giot torus na mardalan i,

IBRANI 10:38

Jana halakKu na tigor roha i, mangolu do hara ni haporsayaanna, tapi muda adong sian halahi na sumurut, nada jop be rohangKu mida i.”

JOSUA 24:15

Sugari sura nada ra hamu mangoloi tu Tuhan, laing sadari on ma baen hamu haputusanna, sanga na tu ise do giotmunu mangoloi: Tu angka debata na nisomba ni ompumunu najolo di Mesopotamia, sanga tu angka debata ni halak Amori na niingananmunu tanona saonnari do. Tapi anggo hami – au dohot dongan sabagasku – hum Tuhan do oloannami.”

JOSUA 24:19

Dung i didok si Josua ma, “Tapi Debata Na Badia do Tuhan; nada ra Ia adong imbangNia. Jadi betak nada sanggup hamu tu pudi on mangoloi Tuhan. Angke muda ditadingkon hamu sanoli on Tuhan, jana kehe hamu mangoloi tu angka debata na asing, nada ampunanNia dosamunu. Balikna do, aloonNia ma hamu jana uhumanNa. PangabisonNa ma hamu, haru pe najolo burju Ia tu hamu.”

1 JOHANNES 2:19

Angka halak na dung manadingkon hita do anggo angka musu ni Kristus i, tapi nada halak na masuk tu hita hian halahi. Sugari halak na masuk tu hita hian halahi, tontu angkon tongtong do halahi rap dohot hita. Tapi morot do halahi sian hita anso torang tarida na so masuk tu hita hian sahalak pe sian halahi.

HAKIM-HAKIM 11:24

Jana saonnari na giot buatonmu ma he i mangulahi? Anggo tano na nilehen ni Kamos debatamunu i, tola ma i hot hamu nampunasa. Tapi anggo na nilehen ni Tuhan Debatanami di hami, partahankononnami do i.

RUT 1:14

Dung i tangis ma halahi mangulahi, diumma si Orpa ma namborunia i laho manjalangsa, lalu kehe ma ia mulak. Tapi anggo si Rut nada ra marsirang sian si Naomi.

RUT 1:16

Tapi dialusi si Rut ma, “Namboru, ulang ma da suru au mulak dohot manandingkon ho namboru! Ihutkononku do namboru. Sanga na tu dia namboru kehe, laing disi do au tinggal. Bangsomu noma bangsongku; jana Debatamu laing i muse ma Debatangku.