RUT 1:14 - BIBEL JAMITA NA DENGGAN

¹⁴ Dung i tangis ma halahi mangulahi, diumma si Orpa ma namborunia i laho manjalangsa, lalu kehe ma ia mulak. Tapi anggo si Rut nada ra marsirang sian si Naomi.

RUT 1:14 ပူးပေါင်းရင်းမြစ်များ

PAMUNGKAAN 31:28

Hape hum dipaummahon ho pe tu au nada pahompungki tanda ni parsirangan. Haotoan do na nibaenmi!

PAMUNGKAAN 31:55

Ancogotna i manyogot dope, diummai si Laban ma angka pahompunia i, dohot borunia i tanda ni parsirangan, jana dipasupasu, lalu kehe ma ia mulak tu inganannia.

2 SAMUEL 19:39

Dung i ditaripari si Daud ma dohot sude parangannia Batang aek Jordan. Dung i diumma si Daud ma si Barsilai jana dipasupasu ia. Dung i mulak ma si Barsilai tu bagasnia.

1 RAJA-RAJA 19:20

Gabe ditadingkon si Elisa ma angka lombunia i jana dilojong ia ma mangkojar si Elia. Dung dapot, didok si Elisa ma, “Paloas ma au jolo marpaboa tu simatobangku, dung i ihutkononku ma ho.” Dialusi si Elia ma, “Tole ma. Nada hupaksa ho anso dohot.”

PODA 17:17

Sai na setia do ale-ale tu donganna; jana songon na markahanggi do halahi tu sitaonon.

PODA 18:24

Adong do dongan na so setia, adong muse do na rumosu sian kahangginiba.

JESAYA 14:1

Giot asian ni Tuhan ma Israel bangsoNia i, jana manodo halahi mangulahi gabe nampunaNia. Giot baenonNia ma halahi mangulahi maringanan di tano ni halahi sandiri. Marroan ma halak na asing jana maringanan disi rap dohot halahi.

ZAKARIA 8:23

Anggo di angka ari i ro ma sampulu halak sileban tu sada halak Jahudi jana dokkonon ni halahi ma, ‘Por do rohanami maruntung laing songon ho; angke hami bege do, bahaso dipasupasu Debata hamu.’ ” Madung didok Tuhan Na Markuaso i songon i.

MATEUS 10:37

Halak na humolongan rohana mida amangna sanga inangna ulang mida Au, nada tumbuk halak sisongon i di Au. Songon i muse halak na humolongan rohana mida anakna sanga boruna ulang mida Au, nada tumbuk halak sisongon i gabe siihutkon Au.

MATEUS 16:24

Dung i didok Jesus ma tu anak siseanNia i, “Muda adong halak na giot mangihutkon Au, angkon dihalupahon ia do dirina sandiri, dung i diporsan ia ma silangna dung i pe anso diihutkon Au.

MATEUS 19:22

Dung dibege doli-doli i hata nangkinan i, kehe ma ia mardongan arsak. Angke halak na kayo do ia.

BAENON NI ANGKA RASUL 17:34

Tapi laing adong do antong sian halahi na mamihak tu si Paulus jana gabe porsaya tu Jesus. I ma angka si Dionisius anggota ni rapot Areopagus i, dohot sada dadaboru na margoar si Damaris rap dohot na asing i dope deba nari.

PANGARATAION 10:20

Habiari hamu ma Tuhan Debatamunu, jana tuSia sajo ma hamu mangoloi. Sai hot ma hamu setia tuSia jana mangasahon goarNia ma baen hamu angka janjimunu.

PANGARATAION 4:4

hape anggo halak na tongtong setia tu Tuhan Debatamunu laing mangolu do lopus saonnari.

2 TIMOTEUS 4:10

harana madung ditinggalkon si Demas au hara ni holong ni rohania tu portibi on. Madung kehe ia tu Tessalonika. Si Kreskes pe madung kehe tu Galatia jana si Titus tu Dalmatia.

IBRANI 10:39

Anggo hita nada halak na sumurut sanga na lilu hita. Tapi halak na porsaya do hita jana na dung nipalua.

RUT 1:13

patut ma he na tarbaen hamu marbagas dohot halak na asing patunda ni na angkon painte-intehon lopus magodang halahi? Nada songon i da maen, nada adong songon i! Madung muruk Tuhan tu au jana ibo do rohangku mida hamu.”

RUT 1:15

Jadi gabe didok si Naomi ma tusia, “Ligi ma Rut! Ma kehe angkangmu tu bangsonia dohot tu angka debatania. Tole ma, ihutkon ia!”

RUT 1:7

Rap kehe ma halahi laho mulak tu Juda. Tapi di tonga dalan

RUT 2:11

Dialusi si Boas ma, “Madung hubege taringot tu sude na nibaenmu maradopkon namborumu mamungka sian dung jumolo halaklahimu. Huboto na dung ditadingkonmu simatobangmu, huta hagodanganmu anso ro maringanan dison rap dohot angka halak na so nitandaanmu hian.