SURAT NI SI PAULUS TU PARLAGUTAN ROM 9:8 - BIBEL JAMITA NA DENGGAN

⁸ Jadi sian i, anggo pomparan ni si Abraham na gabe dakdanak ni Debata, hum pomparannia na sorang hara ni janji ni Debata sajo do; jadi nada sude pomparannia i.

SURAT NI SI PAULUS TU PARLAGUTAN ROM 9:8 ပူးပေါင်းရင်းမြစ်များ

PAMUNGKAAN 31:15

Halak na asing noma hami dietong rohania. Na dung digadisnia do hami jana hepeng na nijagitnia disi, madung diabiskon ia.

MASMUR 22:30

Oloan ni angka sundut na mangihut tu Tuhan, marsundut-sundut Ia baritahononna.

MASMUR 87:6

Dietong Tuhan do angka bangso di hatiha manyuratkon, “On ma na disorangkon disi.”

MATEUS 3:9

Dung i ulang didok rohamunu, tarpatigor hamu dirimunu muda didok hamu, ‘Ompungnami do si Abraham.’ Au ma mandok di hamu, sian batu i pe tarbaen Debata do pomparan di si Abraham!

JOHANNES 1:13

i ma angka na so tubu sian mudar, sanga sian roha sibuk, sanga sian hagiot ni halaklahi, tapi na ditubuhon ni Debata.

SURAT NI SI PAULUS TU PARLAGUTAN ROM 8:14

Sanga ise na nitogu-togu ni Tondi Ni Debata, i do dakdanak ni Debata.

SURAT NI SI PAULUS TU PARLAGUTAN ROM 8:16

Rap manyaksihon do Tondi Ni Debata dohot tondinta laho patangkaskon na tutu hita dakdanak ni Debata.

SURAT NI SI PAULUS TU PARLAGUTAN ROM 8:19

Hara ni lungunna, sasudena na nitompa i painte-intehon do sanga andigan hatihana patidahonon ni Debata hasangapan ni angka dakdanakNia i.

PANGARATAION 14:1

“Bangso ni Tuhan Debatamunu do hamu. Jadi muda marsiluluton hamu salaho tu halak na monding, ulang ma jomahi hamu kulitmunu, sanga dicukur hamu ulumunu sian jolo songon na nibaen ni angka bangso na asing.

IBRANI 11:11

Hara ni na porsaya, gabe maruli pomparan si Abraham dohot si Sara, haru pe na dung matobangtu si Abraham boti si Sara pe na so maruntungan. Pos do roha ni si Abraham laing na gohan ni Debata do janjiNia.