SURAT NI SI PAULUS TU PARLAGUTAN ROM 9:7 - BIBEL JAMITA NA DENGGAN

⁷ Nada sude pomparan ni si Abraham, tutu dakdanak ni si Abraham. Angke didok Debata do tu si Abraham, “Hum pomparan ni si Ishak sajo do sigoaron pomparanmu.”

SURAT NI SI PAULUS TU PARLAGUTAN ROM 9:7 ပူးပေါင်းရင်းမြစ်များ

PAMUNGKAAN 21:12

Tapi didok Debata ma tu si Abraham, “Ulang pola ganggu rohamu salaho tu dakdanak i bope tu hatobanmu si Hagar i. Baen sajo ma songon na nidok ni si Sara i tu ho, harana sian si Ishak do jagitonmu pomparan na Hujanjihon i.

MATEUS 3:9

Dung i ulang didok rohamunu, tarpatigor hamu dirimunu muda didok hamu, ‘Ompungnami do si Abraham.’ Au ma mandok di hamu, sian batu i pe tarbaen Debata do pomparan di si Abraham!

LUKAS 16:30

Tapi dialusi halak na kayo i ma, ‘Nada tuk i, amang Abraham. Tapi sugari adong ma halak na mate na mulak mangolu jana ro mandapotkon halahi, baru pe anso muba halahi sian angka dosa ni halahi.’

LUKAS 3:8

Patidahon hamu ma jolo pangalahomunu paboa na dung muba hamu sian angka dosamunu i! Dung i ulang pola dok hamu di bagasan rohamunu, ‘Si Abraham do ompungnami! Angke angkon ingotonmunu do: Sian angka batu on pe tarbaen Debata do pinompar di si Abraham!’

JOHANNES 8:33

Ninna halahi ma, “Pomparan ni si Abraham do hami. Nada jungada dope hami gabe hatoban ni sanga ise pe! Aha do maksudmu umbaen didok Ho, ‘Paluaon ma hamu?’ ”

GALATIA 4:23

Dakdanak na marina hatoban i, na somal do parsorangna, i ma mangihutkon hagiot ni jolma. Tapi anggo dakdanak na marinahon na mardeka i, na sorang hara ni na nijanjihon ni Debata do i.

GALATIA 4:28

Hamu angka dongan! Hamu sandiri pe dakdanak ni Debata do, na sorang hara ni janji ni Debata; tarsongon si Ishak do hamu.

PILIPPI 3:3

Hape hita do angka na dung manjagit sunat na tutu, nada halahi. Hombar tu panogu-noguon ni Tondi Ni Debata sandiri do tasomba Debata, jana mandok tarimakasi do hita hara ni na dung mardomu i hita dohot Jesus Kristus. Nada marguru tu angka upacara na tarida hita.