SURAT NI SI PAULUS TU PARLAGUTAN ROM 9:4 - BIBEL JAMITA NA DENGGAN

⁴ Harana halak Israel do halahi, halahi madung dibaen gabe dakdanak, jana madung manjagit hasangapan, angka tona, ugamo dohot angka janji.

SURAT NI SI PAULUS TU PARLAGUTAN ROM 9:4 ပူးပေါင်းရင်းမြစ်များ

PAMUNGKAAN 15:18

Laing di hatiha i ma dibaen Tuhan parjanjian dohot si Abram. Ninna Tuhan ma, “Marjanji ma Au laho mangalehen tano on sudena di pomparanmu, mamungka sian batas ni Luat Mesir lopus tu Batang aek Efrat,

PAMUNGKAAN 17:10

Angkon ra do ho dohot pomparanmu sudena pasunatkon ganop anak halaklahi na adong di hamu.

PAMUNGKAAN 17:2

PahotonKu ma parjanjian dohot ho, jana lehenonKu ma bahat pomparanmu.”

PAMUNGKAAN 17:7

Paingot-ingotonKu do janjingKu na tu ho dohot tu pomparanmu marsundut-sundut jana hot do janjingKu salolot-lolotna. Au ma gabe Debatamu jana Debata ni pomparanmu.

PAMUNGKAAN 32:28

Didok bayo i, “Nada si Jakob be goarmu. Madung marsiranggut ho mangalo Debata dohot mangalo jolma jana monang do ho; antong si Israel noma goarmu.”

1 RAJA-RAJA 8:11

na silo mardongan hagodangan ni haroro ni Tuhan gabe nada tarbaen malim i be masuk mangulahi mangkarejohon karejo ni halahi.

NEHEMIA 13:29

Martangiang ma au, “Ale Debatangku, ingot ma sanga na bia dibaen halahi pahodarkon jabatan hamalimon i jana ingot ma parjanjianna dohot angka malim bope dohot angka halak Levi!”

MASMUR 147:19

Dipabolkas Ia tonaNia tu bangsoNia, hatontuan dohot angka parenta tu bangso na nipiliNia.

MASMUR 63:2

Paloas ma au manatap tu Ho di inganan na badia, bope mangaligi hagogoan dohot hamuliaonMu.

MASMUR 73:1

Satutuna burju do Debata mida na bulus roha, mida halahi na ias rohana.

MASMUR 78:61

Dipadiar Ia songon i Poti ParjanjianNia i ditaban, gombaran ni kuaso dohot hasangapanNia dirampas musuna.

MASMUR 89:3

Ningmu do, “Madung Hupudun janji dohot halak na Hupili, madung marsumpa Au tu si Daud, naposongKi:

MASMUR 89:34

Nada oseonKu parjanjianKu dohot ia, sian janjingKi, sada pe nada butaonKu mangulahi.

MASMUR 90:16

Patuduhon ma karejoMu tu hami angka naposoMu, anso diida pomparannami godang ni kuasoMu.

HARURUAR 12:25

Muda dung masuk hamu tu tano na nijanjihon ni Tuhan i tu hamu, angkon patupaonmunu do upacara on.

HARURUAR 34:27

Didok Tuhan ma tu si Musa, “Suratkon ma sudena hata on, harana baenonKu ma parjanjian dohot ho bope dohot Israel, marojahan tu hata on.”

HARURUAR 4:22

Dokkon ma tu raja i bahaso Au Tuhan, martona songon on, ‘AnakKu siangkaan do bangso Israel,

HARURUAR 40:34

Dung i mijur ma ombun manutupi Bandar Na Badia i jana digohi sinondang na marnyala sian haroro ni Tuhan ma Bandar Parmianan.

JESAYA 41:8

Tapi anggo ho ale Israel, naposo todoan ni rohangKu, pomparan ni si Abraham do ho, ale-alengKu.

JESAYA 46:3

Ale pomparan ni si Jakob, tangihon ma Au, hamu sude na malua sian tonga-tonga ni bangsongKu. Mamungka sian bortian, Hutuhuk hamu; mamungka sorang, Huhunti hamu.

JESAYA 5:2

Dipangkur ia tanona i, jana diambungkon ia angka batuna. Disuan ia anggur pilian, dipajongjong ia palas-palas inganan ni panjagona. Dihali ia sada lubang, pamoroan ni anggurna, lalu dipaintesa malamun parbatuna, hape na ancom do dapotsa.

JESAYA 60:19

Nada porlu sinondang ni mataniari di ho muda arian, borngin pe nada pola marsinondang bulan. Angke Au Tuhan, Au sandiri gabe panorangimu salolotna, sondanganKu hamu marhite sondangKu na marmulia.

JEREMIA 31:20

O Israel, ho do anak hasianKu, anak haholongan, tampuk ni pusu-pusungKu. Ganop Huondam ho sai lungun do rohangKu marningot ho. Gok ibo ni roha do giot baenonKu tu ho.

JEREMIA 31:33

On ma parjanjian na imbaru na giot baenonKu dohot halahi: BaenonKu ma angka aturanKu tu bagasan roha ni halahi, jana suratkononKu di ate-ate ni halahi. Au ma gabe Debata ni halahi, jana halahi gabe bangsongKu.

JEREMIA 31:9

Mardongan ilu-ilu mardalan halahi, Huapoi jana Huiring-iring halahi. Huoban halahi mamolus sian inganan na bahat aek, mamolus dalan na hornop na so tartuktuk patna be. Anggo di Israel songon ama do Au; Efraim ma anak panggoaran di Au.”

JEHESKIEL 1:28

jana marrupa-rupa songon halibutongan. I ma da hatiuran na marhillong na patuduhon haroro ni Tuhan.

HOSEA 11:1

Didok Tuhan ma, “Huhaholongi do Israel mamungka sian hamenehannia, Hupio anakKi ruar sian Mesir.

BILANGAN 7:89

Hatiha masuk si Musa tu Bandar Na Badia giot mangkatai dohot Ia, dibege ia ma Tuhan i mangkuling tusia sian ginjang ni tutup ni Poti Parjanjian i di antara ni kerub na dua i.

MATEUS 21:33

“Tangihon hamu ma jolo umpama na sada nari on,” ninna Jesus. “Adong ma sahalak partano na bidang nampuna kobun anggur, dihandang ia ma sude humaliang kobun i, dihuar ia ma lubang inganan pamoroan ni anggur, dibaen ia muse ma tuhu-tuhu inganan ni na manjago. Dung i dipabolahon ia ma kobun anggurnia i tu angka pamola, kehe ma ia mardalanan tu luat na asing.

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

JOHANNES 1:47

Diida Jesus do si Natanael ro mandapotkon Ia gabe dihatai Jesus ma taringot tuSia. Ninna Jesus ma, “On ma halak Israel na tutu, na so adong lancap disia!”

BAENON NI ANGKA RASUL 2:39

Angke tu hamu do ale angka dongan, dohot tu pomparanmunu, songon i muse tu angka halak na maringanan di na dao do na nijanjihon ni Debata i – i ma sudena halak na nipiohon ni Debata Tuhanta i anso ro tuSia.”

SURAT NI SI PAULUS TU PARLAGUTAN ROM 3:2

Tontu bahat do i. Parjolo, harana halahi do hasahatan ni angka hata ni Debata.

SURAT NI SI PAULUS TU PARLAGUTAN ROM 8:15

Harana anggo Tondi na nijagitmunu i ale angka dongan, nada dibaen i hamu gabe hatoban, anso gabe mangulahi mabiar hamu. Sabalikna do, gabe angka dakdanak ni Debata do hamu dibaen. Jana hara ni pangonjar ni kuaso ni Tondi i, pio-pio ma hita tu Debata mandok, “Abba, ale Amang!”

SURAT NI SI PAULUS TU PARLAGUTAN ROM 9:6

Tapi anggo hata ni Debata nada sundat. Angke nada sasude na topak sian Israel, tutu halak Israel.

2 KORINTUS 11:22

Adong he halak Ibrani halahi? Au pe halak Ibrani do. Adong he halak Israel halahi? Au pe halak Israel do. Adong he pomparan ni si Abraham halahi? Au pe songon i do!

GALATIA 3:16

Dibaen Debata do angka janjiNia i tu si Abraham dohot tu angka pomparannia. Nada adong tarsurat di Buku Na Badia i na mandok, “dohot tu angka pomparan ni si Abraham,” astuanna bahat bilangan ni halakna. Anggo na tarsurat disi, songon on do, “dohot tu pomparanmu”, artina hum sahalak sajo do, i ma Kristus.

EPESUS 2:12

Nada mardomu hamu dohot Kristus hatiha i, halak na asing do hamu na so tarmasuk halak Israel. Nada masuk hamu tu na manjagit janji na nibaen ni Debata dohot bangsoNia i. Nada adong sanga aha arop ni rohamunu na mangolu i di tano on jana nada marsomba tu Debata na sintong hamu.

PANGARATAION 14:1

“Bangso ni Tuhan Debatamunu do hamu. Jadi muda marsiluluton hamu salaho tu halak na monding, ulang ma jomahi hamu kulitmunu, sanga dicukur hamu ulumunu sian jolo songon na nibaen ni angka bangso na asing.

PANGARATAION 29:1

On ma hata ni parjanjian na niparentahon ni Tuhan baenon ni si Musa dohot bangso Israel taran di tano Moab halahi. Songon tamba ni parjanjian na nibaen ni Tuhan dohot halahi na di Dolok Sinai do parjanjian on.

PANGARATAION 29:14

Nada hum tu hamu sajo dibaen Tuhan parjanjian dohot angka na patut sikarejohononmunu on.

PANGARATAION 31:16

Didok Tuhan ma tu si Musa, “Nada pola sadia lolot nari marujung ma ngolumu. Dung salpu hamamatemu, nada setia be bangso Israel tu Au jana gagaan ni halahi ma parjanjian na Hubaen i dohot halahi. Tadingkonon ni halahi ma Au laho mamele tu angka debata na asing na nisomba ni angka na maringanan di tano na so sadia lolot nari be masuhanmunu.

PANGARATAION 4:13

Disi do dipabotohon Ia tu hamu sanga aha sipatupaonmunu laho manggohi parjanjian na nibaenNia dohot hamu. Parenta na sampulu na nisuratkonNia tu batu na dua hoping i angkon oloanmunu do.

PANGARATAION 7:6

Baen hamu ma sudena i, dibaen bangso na badia di Tuhan Debatamu do hamu. Sian sasude bangso na di sisik ni tano on, hamu do na nipiliNia na gabe bangso hapunjunganNia.

IBRANI 9:1

Adong do aturan ni ibadat sian ihot-ihot ni janji na parjolo i jana adong muse do inganan paribadatan na nibaen ni jolma.

IBRANI 9:10

Harana anggo angka upacara na songon i na marpardomuan tu sipanganon sajo do i dohot siinumon bope angka ragam-ragam ni upacara na mambaen ias. Hum angka Tona na tarida do na mardalan i lopus tu hatihana sanga andigan baenon ni Debata haimbaruan.

IBRANI 9:3

Dibagasanna i muse, i ma na di balik ni tire na paduahon, adong ma sada bilik na nigoaran Bilik Na Sun Badia.

IBRANI 9:5

Di ginjang ni poti i adong ma dua kerub na manggambarkon na disi do Debata. Mangerbang ma habong ni kerub i di ginjang inganan pamispisan ni mudar, tanda ni hasesaan ni dosa i. Tapi nada tarpatorang sudena i pasada-sada saonnari.

IBRANI 9:6

Songon i ma dibaen pangaturna sude. Ganop ari angkon masuk ma angka malim i tu bagasan bilik na parjolo i laho mandalankon karejo ni halahi.