SURAT NI SI PAULUS TU PARLAGUTAN ROM 9:32 - BIBEL JAMITA NA DENGGAN

³² Biasi nada? Dibaen nada hara ni haporsayaan halahi mangkarejohonna, tapi hara ni pambaenan do. Tartuktuk do halahi di batu partuktuhan.

SURAT NI SI PAULUS TU PARLAGUTAN ROM 9:32 ပူးပေါင်းရင်းမြစ်များ

JESAYA 8:14

Dibaen na sun badia do Au, gabe batu partuktuhan ma Au di rayat ni Juda, Israel dohot Jerusalem. Songon tirangkap do Au na giot manangkup halahi.

JESAYA 8:15

Bahat do halak na giot tartuktuk dohot na mabugang. Julung tu bagasan tirangkap noma halahi.”

MATEUS 13:57

Gabe nada ra halahi manjagit Jesus. Gabe didok Jesus ma tu halahi, “Jadi anggo panurirang, sanga di dia pe dipasangap halak do i. Tapi nada sangap ia anggo di huta hagodangan dohot di bagasnia sandiri.”

LUKAS 2:34

Dipasupasu si Simeon ma halahi jana didok ia tu si Maria inang ni Dakdanak i, “Na dung ditodo Debata do Dakdanak on laho mangarorak dohot pajongjongkon bahat halak Israel. Baen sada tanda na parohon partangkangan,

LUKAS 7:23

Jana martua ma halak na so marganggu ni roha marnida Au!”

SURAT NI SI PAULUS TU PARLAGUTAN ROM 10:3

Dibaen hara ni na so ditanda halahi do hatigoran ni Debata jana hara ni na nipajongjong halahi hatigoran di dirina sandiri, jadi nada unduk halahi di hatigoran ni Debata.

SURAT NI SI PAULUS TU PARLAGUTAN ROM 11:11

Jadi marsapa ma au: Na tartuktuk dehe halahi jana angkon tinggang? Nada! Tapi markite-hite pangalaosion ni halahi, dapotan haluaan ma angka bangso na asing, anso gabe mangiburu halak Israel.

SURAT NI SI PAULUS TU PARLAGUTAN ROM 4:16

Hara ni i, janji i marondolan tu haporsayaan, anso mangihutkon asi ni roha, gabe marpanginonai ma janji i tu sude pomparan ni si Abraham, nada hum di halak na mangolu sian Tona i, tapi dohot do di halak na mangolu sian haporsayaan ni si Abraham. Ompu ni hita sude do ia,

1 KORINTUS 1:23

Hape anggo hita hum taringot tu Kristus na mate di parsilang i do tajamitahon. Hancit do roha ni halak Jahudi dibaen barita i. Jana angka bangso na asing na so Jahudi, dietong halahi do haotoan jamita i.

1 PETRUS 2:6

Harana tarsurat do di Buku Na Badia i songon on, “Madung Hupili sada batu na arga, na Hupayakkon di Sion gabe batu parsuhi; jana sanga ise na porsaya tuSia nada pailaon.”

1 PETRUS 2:8

Tartuktuk pe halahi, hara ni na so dioloi halahi do hata ni Debata. Songon i ma panontuhon ni Debata taringot tu halahi.