SURAT NI SI PAULUS TU PARLAGUTAN ROM 9:29 - BIBEL JAMITA NA DENGGAN

²⁹ Didok si Jesaya muse dope songon on, “Sugari sura inda ditadingkon Debata Na Markuaso i angka pomparan di hita, angkon songon Sodom dohot Gomora hita.”

SURAT NI SI PAULUS TU PARLAGUTAN ROM 9:29 ပူးပေါင်းရင်းမြစ်များ

JESAYA 1:10

Tangihon ma hata ni Tuhan ale angka pamimpin na songon pamimpin ni Sodom! Tangihon ma tona ni Debatanta ale rayat na songon rayat ni Gomora!

JESAYA 1:9

Sugari sura nada dipalua Tuhan Na Markuaso i piga-piga halak, anggo Jerusalem i madung mago sude, sarupa tu Sodom dohot Gomora.

JESAYA 13:19

Sian sasude harajaan, Babel ma na jumeges, jana na gabe hagodangan ni roha ni halak na manginganisa. Tapi Debata, giot mambalikkonsa, songon na dung dibaen maradopkon Sodom dohot Gomora.

JESAYA 6:13

Salang sugari adong saparsampulu halak nari sian bangso na tading di luat i, i pe angkon dimatehon. Angkon songon hayu baringin na di taba halahi, hum tungkona noma tinggal. Sian tungko i ma muse ruar tunas, na badia.”

JEREMIA 49:18

Songon Sodom dohot Gomora na dironcohon rap dohot angka huta na humaliangna i, laing songon i muse ma Edom, sahalak pe nada adong be maringanan disi. Au Tuhan, madung Hudok songon i.

JEREMIA 50:40

Tarjadi muse ma tu Babel sanga aha na tarjadi tu Sodom dohot Gomora di na Huroncohon kota i rap dohot angka pagaran na adong humaliangna. Sahalak pe nada adong be na tading disi. Au Tuhan, madung mandok songon i.

ANDUNG 3:22

Hot do manongtong holong dohot asi ni roha ni Tuhan,

ANDUNG 4:6

Hona uhum bangsongku, umborat sian tu halak Sodom na salpu di bagasan sangkidop mata manigor maropuk dibaen tangan ni Debata.

AMOS 4:11

“Madung Husegoi angka hutamunu, songon Sodom dohot Gomora na disegoi ni Debata. Na tinggal mangolu sian hamu i ma na tudos tu surpu na niela sian api. Haru songon i pe, laing nada mulak hamu tu Au.

ZEPANYA 2:6

Luat Topi Laut angkon gabe inganan ni angka parmahan dohot bara ni biri-biri.

PANGARATAION 29:23

Gabe padang na gariang ma angka ladangmunu ditutupi barerang dohot sira. Nada tarsuani be tanona i, jana duhut pe nada ra be tubu disi. Tudos noma tanomunu i tu kota Sodom dohot Gomora, Adma dohot Zeboim na nironcohon ni Tuhan di na gurgur rimasNia.

JAKOBUS 5:4

Nada digarar hamu upa ni angka halak na markarejo di ladangmunu. Saonnari bege hamu ma hoi-hoi ni halahi! Angka halak na palagutkon suha ni ladangmunu, marsurak do halahi mangido tolong jana lalu do angguk ni halahi i tu simanangi ni Debata, Tuhan Na Markuaso i.

2 PETRUS 2:6

Laing songon i muse do pangalaho ni Luat Sodom dohot Gomora. Hona uhum do luat i dibaen Debata jana ditutung dohot api anso gabe tiruan tu angka na giot masa maradopkon angka jolma na so ra mangkaporsayai Debata.

JUDAS 1:7

Laing ingot hamu ma kota Sodom dohot Gomora dohot angka kota na humaliang i, na niinganan ni halak angka na mambaen pangalaho songon na nibaen ni angka surusuruan i. Angka pangalaho na rorang dohot na mangoloi hagiot ni sibukna do dipambaeni halahi, gabe hona uhum ma halahi dohot api na so ra mintop, baen sipaingot tu halak sudena.