SURAT NI SI PAULUS TU PARLAGUTAN ROM 9:22 - BIBEL JAMITA NA DENGGAN

²² Laing tarsongon i muse ma pambaen ni Debata. Por rohaNia palalu rimasNia dohot patuduhon kuasoNia. Haru pe songon i laing dipahapal Ia do sobarNia maradopkon halak siuhuman hara ni na pamilaskon rohaNia.

SURAT NI SI PAULUS TU PARLAGUTAN ROM 9:22 ပူးပေါင်းရင်းမြစ်များ

PAMUNGKAAN 15:16

Dung opat sundut pe anso mulak mangulahi pomparanmu tuson, angke nada paorotonKu dope halak Amori painte so santak jahat ni halahi anso tumbuk uhumon.”

MASMUR 90:11

Ise unjung manghilalahon hasogenon ni rimasMu? Ise umboto akibat ni murukMu?

HARURUAR 9:16

Tapi Hupadiar dope mangolu hamu laho patidahon kuasongKu tu hamu, anso tarbonggal goarKu tu sude portibi on.

PODA 16:4

Dibaen Tuhan do sude hombar tu tujuanna; jana hamagoan do ujung ni parjahat.

ANDUNG 3:22

Hot do manongtong holong dohot asi ni roha ni Tuhan,

BILANGAN 14:11

Didok Tuhan ma tu si Musa, “Sadia honok nari aloon ni bangso on Au? Sadia honok nari tangkang halahi nada ra porsaya di Au, haru pe na dung bahat Hubaen hahomangan di tonga-tonga ni halahi?

BILANGAN 14:18

‘Au do Tuhan, nada momo Au muruk. PatidahononKu do holong ni rohangKu dohot habonaranKu martamba-tamba. SesaonKu do dosa ni halak na mangalo Au. Haru pe songon i balosonKu do hasalaan ni simatobangna tu anak dohot pahompuna, lopus tu sundut patoluhon dohot paopatkon.’

SURAT NI SI PAULUS TU PARLAGUTAN ROM 1:18

Dipapatar Debata do sian banua ginjang rimas ni rohaNia maradopkon sude dosa dohot hajahatan ni jolma, angke diambati hageduhon i do jolma laho mananda ajaran na tutu taringot tu Debata.

SURAT NI SI PAULUS TU PARLAGUTAN ROM 9:17

Angke Buku Na Badia i mandok tu raja ni Mesir, “Hubaen pe ho gabe raja, na adong do sada maksudKu, i ma laho patuduhon kuasongKu markite-hite ho jana mambaen tarbonggal goarKu di portibi on sudena.”

SURAT NI SI PAULUS TU PARLAGUTAN ROM 9:20

Ise ma he hamu ale jolma, umbaen na dialo hamunu Debata? Bisa ma he na ditopa mandok tu na manopana, “Biasi dehe ditopa ho au gabe songon i?”

SURAT NI SI PAULUS TU PARLAGUTAN ROM 9:21

Nada he markuaso sitopa hudon i di tano liatnia, mambaen sian nasa ragam tano i sada hudon na sangap, bope sada na bile?

1 TESSALONIKA 2:16

Dilarang halahi muse dope hami manjamitahon barita haluaan i tu angka bangso na asing. Jadi di na songon i, laing dipupu halak Jahudi do patamba-tamba dosana gabe mur martimbun lalu tu langit. Jana ujungna saonnari dondonan ni rimas ni Debata ma halahi!

1 TESSALONIKA 5:9

Dipili Debata pe hita nada anso hona rimas ni rohaNia, tapi anso dapot hita do haluaan markite-hite Tuhanta Jesus Kristus.

2 TIMOTEUS 2:20

Anggo di bagasan bagas godang adong do marragam panjamaan nada hum panjamaan na sian perak sanga sere na adong, tapi laing adong do na sian hayu dohot tano. Adong na nipake tu angka pangalaho na sangap, jana adong muse na nipake tu pangalaho na bile.

1 PETRUS 2:8

Tartuktuk pe halahi, hara ni na so dioloi halahi do hata ni Debata. Songon i ma panontuhon ni Debata taringot tu halahi.

1 PETRUS 3:20

i ma tondi ni angka halak na so mangoloi tu Debata hatiha i salolot paulihon paraunia i si Noak. Hape hum halak na di parau i sajo do – salapan halak do sudena – na malua sian aek na oto i.

2 PETRUS 2:3

Hara ni na ahut tu dirina, caritohonon ni angka guru pargabus i ma tu hamu angka carito na nibaen ni halahi sandiri anso dapotan untung halahi sian hamu. Tapi anggo panguhuman laho manguhum halahi madung tibu dipasingkop jana hamagoan na dung ditontuhon pe tu halahi madung paintehon tu halahi.

2 PETRUS 2:9

Jadi anggo taringot tu angka halak na mangihutkon hagiot ni Tuhan, diboto Tuhan do sanga na bia dalanna baenonNia laho paluahon halahi sian angka ujian na masa tu halahi. Jana taringot tu angka jolma na jahat pe, diboto Tuhan do manabunihon halahi anso hona siksa di Ari Paruhuman,

2 PETRUS 3:15

Etong hamu ma hasobaron ni Tuhanta i na mangalehen dalan tu hita anso dohot hita malua. Taringot tusi pe, nada he madung dibaen si Paulus surat tu hamu? Mardongan habisuhon na nilehen ni Debata do dibaen ia surat i.

JUDAS 1:4

Angke madung adong masuk tu tonga-tonganta sian angka halak na so porsaya so sian pamotoanta. Dipabalik-balik halahi do jamita taringot tu asi ni roha ni Tuhanta i, anso tarbaen halahi patuluskon angka parange ni halahi na so ture. Jana na so ra do halahi mangoku paboa Jesus Kristus do Parkuaso dohot Tuhanta na sasada i. Mamungka sian nahinan madung dipaboa hian di Buku Na Badia i uhuman na tu halahi.