SURAT NI SI PAULUS TU PARLAGUTAN ROM 9:20 - BIBEL JAMITA NA DENGGAN

²⁰ Ise ma he hamu ale jolma, umbaen na dialo hamunu Debata? Bisa ma he na ditopa mandok tu na manopana, “Biasi dehe ditopa ho au gabe songon i?”

SURAT NI SI PAULUS TU PARLAGUTAN ROM 9:20 ပူးပေါင်းရင်းမြစ်များ

2 SAMUEL 16:10

Tapi didok raja i ma tu si Abisai dohot si Joab angkangna i, “Ulang antoi hamu. Padiar hamu sajo ma ia mamurai au. Harana betak na Tuhan do na marsuru ia ise ma na patut manyapai ia sanga na hara ni aha dibaen ia songon i?”

JOB 16:3

Andigan pe he antahonmu hata na rumar on? Aha dehe na manyosoi rohamu mangalehen alus?

JOB 33:13

Biasi tuhasonmu Debata na so diterge Ia holos ni jolma?

JOB 36:23

Ise ma he tarbaen manontuhon dalan diSia, sanga manuhas Ia sibaen sala?

JOB 40:5

Mabahattu ma i na hupajojor i.”

JOB 40:8

Na giot aloonmu ma he hatigoranKu, jana patigoronmu ma dirimu di na pasalahon Au?

JOB 9:32

Sugari jolma Debata, tarbaen au do maralus tuSia. Jadi kehe ma hami mangadop tu pangadilan laho paujungkon sandok partangkangan.

JESAYA 10:15

Tapi didok Tuhan ma, “Tarbaen pato ma he manggodangkon dirina maradopkon na mamakesa? Umporlu ma he gargaji ulang pado halak na mamakesa? Nanggo da potuk-potuk mangangkat halak, tapi halak do na mangangkat potuk-potuk.”

JESAYA 29:16

Dipabalik-balik halahi do sasudena. Sarupa dehe tano liat dohot sitopa hudon? Tarbaen ma he na nitopa i mandok tu sitopa hudon i, “Nada ho na mambaen au”? Sanga tarbaen barang i ma he mandok tusia, “So diboto ho antong na nibaenmu”?

JESAYA 64:8

Tapi haru songon i pe, Ho do ale Tuhan, Amangnami, tano liat do hami, jana Ho noma manggana hami. Karejo ni tanganMu do hami sude.

JEREMIA 18:6

“O hamu bangsongKu, na so tarbaen Au ma he lakna tu hamu songon na nibaen ni sitopa hudon i tu tano liatnia i? Songon tano liat di tangan ni sitopa hudon i, songon i do hamu di tanganKu.

DANIEL 4:35

Nada adong astuan ni bangso na di portibi on. Dirajai Debata do surusuruan na di banua ginjang dohot jolma na di tano on. Sahalak pe nada adong tarbaen mangalo hagiotNia, nada adong na puluk manyapai sanga aha na nibaenNia.

MIKA 6:8

Nada! Madung dipaboa Tuhan tu hita sanga aha na denggan. Anggo na nipangido ni rohaNia sian hita, i ma anso tigor pambaenanta, tadalankon ma holong ni roha, jana mangoku di bagasan toruk ni roha di jolo ni Debatanta.

MATEUS 20:15

Na so tola do lakna hubaen roha-rohangku tu sinadonganku? Sanga na pis do matamu muda burju au tu halak na asing?’ ”

LUKAS 12:14

Dialusi Jesus ma, “Ise ma he dongan, na mambaen Au gabe panguhum sanga gabe pambagi arta tean-teanan ni hamu na dua?”

SURAT NI SI PAULUS TU PARLAGUTAN ROM 14:4

Tarbia ma he hajolmaonmu umbaen na jabat diuhumi ho naposo ni halak na asing? Sanga na tungkap naposo i sanga na jongjong, inda he urusan ni tuannia i do i? Jana denggan do ia jongjong angke marguru di Tuhan do mambaen ia jongjong.

SURAT NI SI PAULUS TU PARLAGUTAN ROM 2:1

Hara ni i, ale jolma na manguhumi, nada adong sidalianmu; muda diuhumi ho na asing, dirimu do diuhumi ho; angke taran manguhumi ho, laing dikarejohon ho do songon i.

SURAT NI SI PAULUS TU PARLAGUTAN ROM 2:3

Jana ho, ale jolma, na manguhumi halak na mambaen na songon i, tapi laing dohot do ho mangkarejohon na songon i, adong he dipikir ho tarbaen ho malua sian uhuman ni Debata?

SURAT NI SI PAULUS TU PARLAGUTAN ROM 9:21

Nada he markuaso sitopa hudon i di tano liatnia, mambaen sian nasa ragam tano i sada hudon na sangap, bope sada na bile?

SURAT NI SI PAULUS TU PARLAGUTAN ROM 9:22

Laing tarsongon i muse ma pambaen ni Debata. Por rohaNia palalu rimasNia dohot patuduhon kuasoNia. Haru pe songon i laing dipahapal Ia do sobarNia maradopkon halak siuhuman hara ni na pamilaskon rohaNia.

1 KORINTUS 1:20

Di dia dehe angka na bisuk i? Di dia dehe angka Siboto Surat i? Di dia dehe angka pangalo na sian portibi on? Nada he madung dibaen Debata habisuhon ni portibi on gabe hatoon?

1 KORINTUS 7:16

Songon sada ina hamu na porsaya tu Tuhan – bia ma he parbinotoanmunu manontuhon paboa na so tarpalua hamu halaklahimunu? Laing songon i ma angka ama na Kristen, bia ma he parbinotoanmunu manontuhon paboa na so tarpalua hamu dadaborumunu?

1 TIMOTEUS 6:5

dohot parsalisian na so marujung. Na dung puntol do pikiran ni halak na songon i jana sala. Diambang halahi tarbaen ma dapotan untung sian ugamo.

2 TIMOTEUS 2:20

Anggo di bagasan bagas godang adong do marragam panjamaan nada hum panjamaan na sian perak sanga sere na adong, tapi laing adong do na sian hayu dohot tano. Adong na nipake tu angka pangalaho na sangap, jana adong muse na nipake tu pangalaho na bile.

TITUS 2:9

Angka hatoban angkon mangoloi do tu tuanna, jana di sude pangalaho angkon pasonangon ni halahi ma roha ni tuanna. Nada tola halahi mangalo na nidok,

JAKOBUS 2:20

Ale jolma na oto, saonnari ra dehe ho mamparkatutui bahaso na mate do haporsayaan na so mardongan pambaenan?