SURAT NI SI PAULUS TU PARLAGUTAN ROM 9:2 - BIBEL JAMITA NA DENGGAN

² Marsak sajo do au jana magopu ate-atengku

SURAT NI SI PAULUS TU PARLAGUTAN ROM 9:2 ပူးပေါင်းရင်းမြစ်များ

MASMUR 119:136

Mabaor ilungku songon batang aek, hara ni TonaMu na so dipatulus.

JESAYA 66:10

Ale hamu na manghaholongi Jerusalem, beta ma marjop ni roha, marmoga-moga ma hara ni i! Hamu na marsak hara ni ia, saonnari tola ma marjop ni roha.

JEREMIA 13:17

Muda nada ringkot rohamu manangihonsa, tangis ma au di sihabunian. Di bagasan pangkilalaan na hancit ginjang ni rohamu hutangisi. Marabur ma ilu ni matangku hara ni na hona taban bangso ni Tuhan gabe halak buangan.

JEREMIA 9:1

Sugari sumur na gok ma nian ulungku, jana pancur na torus mardalan ma matangku! Tarbaen au ma tangis arian dohot borngin, mangandungi angka jolma sabangsongku na nibunu ni musu.

ANDUNG 1:12

“O hamu angka halak na mamolus di dalan, ligi pe da jana parrohahon. Adong dehe godang ni parkancitan songon na hutaon saonnari, hara ni muruk ni Tuhan i?

ANDUNG 3:51

Magopu rohangku paida-ida angka dadaboru di kotanami.

JEHESKIEL 9:4

Didok Tuhan ma tusia: “Mardalan ma ho sian tonga-tonga ni kota Jerusalem, jana suratkon ma hurup T di ganop bohi ni halak na marsak dohot na susa hara ni sude parbuatan sihagigian na dibaen di kota on.”

SURAT NI SI PAULUS TU PARLAGUTAN ROM 10:1

Ale angka dongan, anggo pangidoan ni rohangku dohot tangiangku tu Debata anso dipalua halahi nian.

SURAT NI SI PAULUS TU PARLAGUTAN ROM 9:1

Tutu do na hudok di bagasan Kristus, nada margabus au, disaksihon taroktokki do songon i markite-hite Tondi Parbadia.

SURAT NI SI PAULUS TU PARLAGUTAN ROM 9:3

hara ni angka kahanggingku dongan sabangsongku. Harana, rade do au sandiri diburai Debata jana sirang sian Kristus hara ni halahi.

PILIPPI 3:18

Madung jotjot nian hupaboa tu hamu, jana huulahi muse saonnari mardongan ilu; bahat do halak na mangolu songon musu maradopkon hayu parsilang ni Kristus i.

HALUMBAAN 11:3

SuruhononKu ma dua halak sangsingKu anso manyurirangi jana marpakean arsak ni roha, salolot saribu dua ratus onompulu ari.”

1 SAMUEL 15:35

Lopus tu ujung ni ngolunia nada jungada be diida si Samuel raja i. Tapi marsak do si Samuel hara ni na manyosal i Tuhan mambaen si Saul gabe raja.