SURAT NI SI PAULUS TU PARLAGUTAN ROM 9:18 - BIBEL JAMITA NA DENGGAN
18 Jadi, maribo ni roha do Ia tu sada-sada halak, muda por rohaNia mambaen songon i. Jana dipapir Ia do roha ni sada-sada halak, muda giot baenonNia songon i.
Didok Debata ma tu si Musa, “Kehe ma ho mangadop tu raja i. Madung Hubaen jogal rohania dohot roha ni angka menterinia i, anso tarbaen Au patidahon angka tanda hahomangan di tonga-tonga ni halahi,
Dipatupa si Musa dohot si Harun do sude tanda hahomangan i di jolo ni raja i tapi dipatangkang Debata do roha ni raja i, nada dipaloas ia tinggalkonon ni halak Israel luatnia i.
PatangkangonKu ma roha ni halak Mesir i, anso dikojar halahi halak Israel, anso diida raja Mesir dohot angka paranganna, kareta dohot parkaretana i hagodanganKu na manaluhon halahi.
Jogal do baenonKu rohania anso gabe diayak-ayak ia hamu. Hamonanganmunu maradopkon raja ni Mesir dohot tentarania i ma mambaen halak pagodangkon Au. Gabe botoon ni halak Mesir i ma, Au do Tuhan.” Dipatulus halak Israel do songon na nidok ni Tuhan tu halahi.
Didok Debata ma tu si Musa, “Madung Hulehen di ho kuaso mambaen angka tanda hahomangan. Jadi dung mulak ho tu Mesir sanoli on, angkon baenonmu do sude tanda hahomangan i di jolo ni raja Mesir i. Tapi mur patangkangonKu do rohana, gabe nada loasonnia kehe bangso i.
Disapai raja i ma sanga aha na masa, gabe dibaritahon halak ma disia na so adong sada pe sian pahan-pahanan ni halak Israel na mate. Tapi laing jogal do roha ni raja i jana nada diloas ia bangso i kehe.
Biasi dipadiar Ho lilu hami? Biasi dipajogal Ho rohanami gabe nada ra mangoloi? Mulak ma Ho ale Tuhan, hara ni angka naposoMu, hara ni bangsoMu sian narobi nampunaMu.
“Hupapitung do mata ni halahi, jana Hupagolap pikiran ni halahi; lopus nada marnida mata ni halahi, jana nada marbuka pikiran ni halahi. Anso ulang mulak halahi tu Au, gabe Hupamalum halahi muse.”
Hara ni i ale angka dongan, ulang ma didok rohamunu na dung pistar hamu, giotku nian botoonmunu ma hasimoon on. Madung songgop hatangkangon tu bangso Israel, lopus gok masuk bilangan ni angka bangso na asing.
Hape nada ra Raja Sihon patolahon hita mamolus tanonia i. Madung dipapir Tuhan Debatamunu i rohania jana papuluk-pulukkon, anso tartaluhon hita ia jana tabuat luatnia i. Laing hita do mangingani luat i lopus saonnari.
Dipajogal Tuhan do roha ni halahi laho marporang mangalo angka halak Israel, anso hona pusa halahi jana dibunu sude nada adong ampunanna. Songon i do parenta ni Tuhan tu si Musa.