SURAT NI SI PAULUS TU PARLAGUTAN ROM 9:16 - BIBEL JAMITA NA DENGGAN

¹⁶ Antong nada marguru tu hagiot ni jolma, sanga pambaenan ni jolma, tapi tu holong ni roha ni Debata do.

SURAT NI SI PAULUS TU PARLAGUTAN ROM 9:16 ပူးပေါင်းရင်းမြစ်များ

MASMUR 110:3

Di ari haroromu mardongan kuaso maju ma rayatmu sian na nionjar ni rohana mardongan habadiaan. Songon ombun manyogot-nyogot marroan angka doli-doli mandapotkon ho.

JESAYA 65:1

Rade do Au mangajari halak na so manyapai Au. Rade do Au dumpangan ni halak na so manjalahi Au. NingKu do: “Dison do Au, dison do Au” tu bangso na so mamio goarKu.

MATEUS 11:27

“Madung dipasahat Damang do tu Au, sandok na adong. Nada adong na mananda Anak i asing sian Damang. Nada adong muse na mananda Ama i asing sian Anak i, dohot tu halak na ra Jesus papatarkonsa.”

MATEUS 4:8

Dung i dioban Sibolis ma Jesus mangulahi tu sada dolok na gincat situtu. Dipatidahon Sibolis i ma tuSia sian i sude harajaan na di portibi on dohot sude hasangapanna.

LUKAS 10:21

Laing di hatiha i muse, marjop ni roha ma Jesus di bagasan Tondi Parbadia, jana mandok, “Hupuji do Ho Amang, Tuhan ni langit dohot tano, dibaen dibunihon Ho do i adop angka na pistar dohot na marroha, tapi dipapatar Ho do i tu angka halak na menek. Olo, ale Amang, songon i ma antong hagiot ni Damang sandiri.”

JOHANNES 3:8

Na mangombus do alogo sanga na tudia giotnia; tabege do nian husasakna, tapi nada taboto sanga sian dia harorona jana tu dia kehena. Songon i muse ma halak na nitubuhon ni Tondi i.”

SURAT NI SI PAULUS TU PARLAGUTAN ROM 9:11

Angke taran so sorang dope angka dakdanak i, jana nada podo dibaen halahi bagi aha na denggan sanga na jat, anso togu sangkap ni Debata mangihutkon pamilionNia, nada sian pambaenan tapi markite-hite pamioonNia do,

GALATIA 2:2

Huompoti pe kehe tu Jerusalem, hara ni na dung dipatidahon Debata do tu au paboa na angkon kehe au. Jadi di sada pangkataion na buni, jolo mangkobari do au dohot angka halak na idaon songon pamimpin na disi, hupajojor ma tu halahi Jamita Na Denggan na hujamitahon i tu angka halak na so Jahudi. Harana, nada por rohangku gabe sayang boti angka na huhalojahon na salpu i dohot na saonnari.

EPESUS 2:8

Angke hara ni asi ni roha do malua hamu markite-hite haporsayaan, nada hara ni gogomunu sandiri, tapi silehen-lehen ni Debata do i;

PILIPPI 2:13

angke Debata sandiri do na markarejo di bagasan dirimunu, na mambaen hamu gabe ra jana sanggup pasonangkon roha ni Debata.

JAKOBUS 1:18

Hara ni giot ni rohaNia sandiri, dibaen Ia do hita gabe dakdanakNia markite-hite hataNia na tigor i, anso dapotan inganan na dumenggan hita sian sasudena na nitompaNia.