SURAT NI SI PAULUS TU PARLAGUTAN ROM 9:13 - BIBEL JAMITA NA DENGGAN

¹³ Songon na tarsurat i, “Holong do rohangKu mida si Jakob, tapi na goyak do rohangKu mida si Esau.”

SURAT NI SI PAULUS TU PARLAGUTAN ROM 9:13 ပူးပေါင်းရင်းမြစ်များ

PAMUNGKAAN 29:31

Di na niida ni Tuhan na so sadia si Lea dihaholongi songon si Rahel, dipaloas Tuhan ma si Lea mardakdanak. Tapi anggo si Rahel nada maruntungan.

PAMUNGKAAN 29:33

Denggan ma pamatang ni si Lea mangulahi jana sorang ma sada nari anaknia. Ning si Lea ma, “Laing dilehen Tuhan muse dope di au anakkon, angke tarbege do tuSia, na so nihaholongan au.” Jadi dibaen ia ma goar ni anaknia i, si Simeon.

PODA 13:24

Na so mangaloncing anakna, nada marholong ni roha tusia muda holong roha, angkon barani iba mangaloncingsa.

MATEUS 10:37

Halak na humolongan rohana mida amangna sanga inangna ulang mida Au, nada tumbuk halak sisongon i di Au. Songon i muse halak na humolongan rohana mida anakna sanga boruna ulang mida Au, nada tumbuk halak sisongon i gabe siihutkon Au.

MARKUS 12:10

Tontu ma disise hamu ayat on di Buku Na Badia i, ‘Batu na niambungkon ni pande bagas, madung gabe batu parsuhi.

LUKAS 14:26

“Muda adong halak na ro tu Au, hape holongan do rohania mida inangnia, amangnia, dadaborunia, dakdanaknia, kahangginia, angka ibotonia dohot dirinia sandiri pe tehe, nada tarbaen halak na songon i gabe siihutkon Au.

JOHANNES 12:25

Sanga ise na mangkaholongi ngoluna na di tano on, agoan ngolu na so mantak ma halahi. Tapi sanga ise na so mampardulihon ngoluna na di tano on, na mangarade tu hangoluan na so mantak ma halahi.

PANGARATAION 21:15

“Umpamana adong ma na mardadaboru dua halak, jana na dua i rap manubuhon anak halaklahi, tapi anak na parjolo sorang nada sian dadaboru hasudungan ni roha ni bayo i.