SURAT NI SI PAULUS TU PARLAGUTAN ROM 8:36 - BIBEL JAMITA NA DENGGAN

³⁶ Songon na tarsurat i, “Hara ni Ho di bagasan parmaraan do hami sasadari, nietong do hami songon biri-biri sisambolon.”

SURAT NI SI PAULUS TU PARLAGUTAN ROM 8:36 ပူးပေါင်းရင်းမြစ်များ

MASMUR 141:7

Songon batu na ditapor lalu dironcohon, songon i ma holi-holi ni halahi rerakkonon di topi ni kuburan.

MASMUR 44:11

Dipadiar Ho do hami dibante songon biri-biri, disarsarkon Ho do hami di tonga-tonga ni angka bangso.

MASMUR 44:22

Hara ni Ho sai torus do hami tarancam mate, jana dibaen songon biri-biri sisambolon.

JESAYA 53:7

Kejam do dibaen tusia, tapi sip sajo do ia manaonsa, songon anak ni biri-biri na nioban tu panyambolan, jana songon induk ni biri-biri na maoto hohom maradopkon halak na manggusting imbuluna.

JEREMIA 11:19

Songon biri-biri na so mardongan biar do au na ditogu tu panyambolan. Nada huboto hapengani au do na giot honaan ni halahi di angka sangkap na jahat i. Didok halahi, “Tole ma hita taba bona ni hayu on dompak ra dope marbatu; tabunu ma i anso dihalupahon halak goarnia.”

JEREMIA 12:3

Tapi anggo Ho ale Tuhan, ditanda Ho do. Diida Ho do sanga aha na hubaen, jana diboto Ho do sanga songon dia holong ni rohangku tu Ho. Togu ma angka parjahat i tu ruar; oban ma halahi songon biri-biri tu panyambolan. Jago ma halahi lopus dapot hatihana hona sambol halahi.

JEREMIA 51:40

ObanonKu ma halahi songon anak ni biri-biri, hambeng dohot biri-biri jantan na giot sambolon. Au Tuhan madung mandok songon i.”

JOHANNES 16:2

Paruaron ni halahi ma hamu sian angka bagas paribadatan. Olo, na ro do hatihana, sanga ise na mamunu hamu, diambang ia na dung mangoloi Debata ma ia, hara ni na dung dibunu ia hamu.

BAENON NI ANGKA RASUL 20:24

Tapi nada pola hupardulihon ngolungkon, asalkan ma hupasidung karejo na nipasahat ni Tuhan Jesus tu au jana asal ma sai burju au lopus tu ujung ni ngolungku laho manjamitahon Jamita Na Denggan i, i ma taringot tu asi ni roha ni Debata.

BAENON NI ANGKA RASUL 8:32

On ma ayat na nisisenia i, “Songon biri-biri na niiring tu panyambolan do Ia, songon anak ni biri-biri na hohom di na nigusting imbuluna, songon i ma Ia umpe sangkababa hata didok Ia.

1 KORINTUS 15:30

Jana hami pe aha ma gunana hami paadop-adop parmaraan i tongtong?

1 KORINTUS 15:31

Hamu ale angka dongan! Ganop ari do manaon parkancitan au hara ni moga ni rohangku mida ngolumunu na porsaya hamu tu Kristus Jesus Tuhanta i.

1 KORINTUS 4:9

Harana anggo mangihutkon pandapotku, dilehen Debata do di hami angka rasul inganan na tumoruk, dos songon halak na niuhum tu hamatean, angke madung gabe sitontonan hami diportibi on, dijolo ni jolma dohot angka surusuruan.

2 KORINTUS 1:9

songon na dung mate niuhuman do pangkilalaannami. Tapi anso ulang marpangunsandean tu dirinami sandiri do hami umbaen na tarjadi songon i, tapi anso tu Debata na pangolu halak na mate i ma.

2 KORINTUS 11:23

Angka naposo ni Kristus dehe halahi? Aropku songon halak na dung lalaen do au, tapi hape dao dumenggan dope au songon pangoloi ulang pado halahi sudena! Marsitutuan dope au karejo, jumotjot dope au tarhurung ulang halahi, umbahat dope parkancitan na hutaon jana jotjot do au giot mate.

2 KORINTUS 6:9

Halak na so ditanda do hami ninna, hape sude do halak mananda hami. Na dung mate do hami ning roha ni halak, hape laing mangolu do satutuna. Haru pe hona loncing hami, hape nada jabat mate.

PILIPPI 3:10

Hum on ma na nipangido ni rohangku; anso hutanda nian Kristus jana hurasoi nian kuaso na pangoluhon Ia sian hamatean i. Por do rohangku markancit dohot Ia jana gabe sarupa dohot Ia di pangalaho ni parmateNia.