SURAT NI SI PAULUS TU PARLAGUTAN ROM 8:31 - BIBEL JAMITA NA DENGGAN

³¹ Aha ma he tardok hita taringot tu sudena i? Muda Debata donganta, ise ma he tarbaen mangalo hita?

SURAT NI SI PAULUS TU PARLAGUTAN ROM 8:31 ပူးပေါင်းရင်းမြစ်များ

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

1 RAJA-RAJA 8:57

Sai Tuhan Debata ma donganta songon na dung didongani Ia ompunta, sai ulang ma ditinggalkon Ia hita.

2 RAJA-RAJA 6:16

“Ulang pola mabiar ho,” ning si Elisa. “Umbahat dope na manjago hita ulang pado halahi.”

1 JUJUR TAON 19:15

Disi diida halak Amon marlojongi tentara Siria i, halahi pe gabe marlojongi ma sian si Abisai jana mundur ma halahi tu bagasan kota i. Dung i mulak ma si Joab tu Jerusalem.

MASMUR 118:6

Nada mabiar au, angke didongani Tuhan do au, nada margogo anggo jolma maradopkon au.

MASMUR 46:11

Didongani Tuhan Na Markuaso i do hita, Debata ni si Jakob do mangondihon hita.

MASMUR 46:7

Didongani Tuhan Na Markuaso i do hita, diondihon Debata ni si Jakob do hita.

MASMUR 56:11

Mararop roha tu Debata do au, nada mabiar au, nada tarkahua jolma au.

MASMUR 56:4

Hupuji do Ho ale Debata, hara ni na nijanjihonMi; tu Ho do au marpos ni roha, gabe nada au mabiar; nada tarbaen jolma sanga na aha tu au.

MASMUR 56:9

Di ari na pio-pio au tu Ho, ale Debata, sumurut ma musungku hona ayak, angke pos do rohangku tu au do Ho marpihak.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JESAYA 54:17

Tapi anggo sinjata na dipaadop tu ho, nada margogo i mamugangi ho. Jana tu sude tuduan, hata ro do di ho hata alusan. Huampini angka naposongKi anso sai monang.” Songon i ma pandok ni Tuhan.

JESAYA 8:10

Baen ma sangkap, tapi nada marguna sudena i. Roha-rohamu ma mandokkon hata! Nada adong guna ni i sudena, angke Debata do na mandongani hami.

JEREMIA 1:19

Porangon ni halahi ma ho, tapi nada tartaluhonsa, angke dongananKu do ho laho mangondihon ho, songon i ma hata ni Tuhan.”

JEREMIA 20:11

Tapi Ho do ale Tuhan donganku; na sun gogo do Ho boti barani. Muli madabu jana abis gogo do halahi angka na manyompiti ngolungku. Maila ma halahi sapanjangna sundat ma sude sangkapna. Paingot-ingoton ma samatua habileon ni halahi sudena.

JEREMIA 42:11

Ulang be mabiar hamu tu raja ni Babel i. Di tonga-tongamunu do Au laho paluahon hamu sian kuaso ni tangannia.

BILANGAN 14:9

Ulang alo hamu Tuhan i, jana ulang mabiar hamu mida halak na maringanan disi. Momo do aloonta halahi, nada he Tuhan i do donganta, jana taluhononNia do angka debata na manjago halahi. Hara ni i ulang ma mabiar.”

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

SURAT NI SI PAULUS TU PARLAGUTAN ROM 3:5

Tapi muda mur tarida na tigor Debata hara ni na tabaen na so tigor, aha ma na tardok hita? Na geduk ma he lakna Debata muda diparo Ia rimasNia? (Mangihutkon hata ni jolma do na hudok i.)

SURAT NI SI PAULUS TU PARLAGUTAN ROM 4:1

Antong, aha ma tardok hita taringot tu ompunta si Abraham? Aha ma he na dumpang di hajolmaonnia lakna?

PANGARATAION 33:29

O Israel, na godang ma antong tuamu, nada adong bangso na dipalua songon bangsomu. Tuhan i sandiri do parince dohot podangmu, mambela dohot mangalehen hamonanganmu. Marroan ma musumu mangido ibo ni roha, dege-degeonmu ma halahi sudena di dolok-dolok ni halahi.”

JOSUA 10:42

Di bagasan sada parporangan sajo, madung talu sude raja-raja i dohot luat na nigomgoman ni halahi dibaen si Josua, angke Tuhan Debata ni Israel do marporang di Israel.

1 JOHANNES 4:4

Tapi ale dakdanakku, anggo hamu dakdanak ni Debata do. Madung ditaluhon hamu angka panurirang pargabus i, angke gumogoan dope Tondi na adong di hamu sian tondi na adong di angka jolma na ro sian portibi on.

1 SAMUEL 14:6

Jadi didok si Jonatan ma tu doli-doli i, “Beta tu benteng ni Pilistin kapir i. Betak na tolongan ni Tuhan do hita. Angke tarlehen Tuhan do hamonangan, marhite bahat halak bope marhite na saotik halak.”