SURAT NI SI PAULUS TU PARLAGUTAN ROM 8:3 - BIBEL JAMITA NA DENGGAN

³ Sanga aha na so tarpatupa Tona i, hara ni bako ni hajolmaonta na gale, madung dibaen Debata. Madung ditaluhon Debata do kuaso ni dosa na di bagasan bako ni jolma i, i ma markite-hite na marsuru AnakNia sandiri, na ro di bagasan pangalaho na sarupa dohot jolma pardosa, laho manyesa dosa.

SURAT NI SI PAULUS TU PARLAGUTAN ROM 8:3 ပူးပေါင်းရင်းမြစ်များ

BILANGAN 21:9

Dibaen si Musa ma ulok sian tumbaga jana dibaen ia tu ujung ni sada tiang. Ganop halak na nipagut ni ulok i, gabe malum muda diligi ia tu ulok tumbaga i.

BILANGAN 28:22

Lehen hamu muse ma sada hambeng jantan gabe haul hasesaan ni dosa. Marhite pangalaho na songon i ma hamu patuluskon karejo hasesaan ni dosa ni na bahat i.

MARKUS 15:27

Diparsilangkon halahi muse do rap dohot Jesus dua halak panyamun. Sada di siamunNia, na sada nari di siambirangNia. [

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JOHANNES 9:24

Dung i dipiohon halahi ma mangulahi na sorang mapitung i hian, jana didok halahi ma tusia, “Oku ma di jolo ni Debata paboa ma dohot tigor, angke hami boto pardosa do Bayo i.”

BAENON NI ANGKA RASUL 13:39

jana nipatigor do ganup halak na porsaya diSia. Nada tarpalua hamu markite-hite tona ni si Musa.

SURAT NI SI PAULUS TU PARLAGUTAN ROM 3:20

Harana umpe sahalak na tigor di adopanNia hara ni na mangkarejohon Tona, dibaen markite-hite Tona i do ditanda jolma dosa.

SURAT NI SI PAULUS TU PARLAGUTAN ROM 6:6

Dibaen madung taboto, madung diparsilangkon hajolmaonta na honok i, anso mago gogo ni dosa na disi jana ulang diparhatoban dosa i be hita.

SURAT NI SI PAULUS TU PARLAGUTAN ROM 7:18

Huboto do nian, na so adong sanga aha pe na denggan di bagasan diringku; i ma di bagasan bako na adong di au songon jolma na somal. Adong do nian hagiot ni roha di au, tapi nada mambaen na denggan.

SURAT NI SI PAULUS TU PARLAGUTAN ROM 8:32

Ia na so mangolani anakNia sandiri, tapi dipasahat Ia do anakNa i hara ni hita sude; nada he lehenonNia muse tu hita sasudena na asing i rap dohot AnakNa i?

SURAT NI SI PAULUS TU PARLAGUTAN ROM 9:3

hara ni angka kahanggingku dongan sabangsongku. Harana, rade do au sandiri diburai Debata jana sirang sian Kristus hara ni halahi.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”

GALATIA 3:21

Muda songon i, na maralo dehe Tona i tu janji ni Debata? Nada! Harana sugari sura tarbaen Tona i mangalehen hangoluan tu jolma, antong tarbaen do mangulahi mardenggan jolma dohot Debata hara ni Tona i.

PILIPPI 2:7

Tapi ditadingkon Ia do sudena i gabe sarupa tu sada hatoban. Gabe songon jolma Ia, jana ngoluNia pe idaon laing songon jolma do.

IBRANI 10:12

Tapi anggo Ia, dung dihaulkon Ia haul na sada i, hara ni dosa, juguk ma Ia salolot-lolotna di siamun ni Debata.

IBRANI 10:14

Jadi sian haul na sada i, gabe sanggam ma dibaen Kristus sudena halak na nipaias sian dosana salolot-lolotna.

IBRANI 2:14

Angke anggo angka halak na nidokNia i dakdanakNia, i ma angka mudar dohot sibuk, gabe sarupa ma Jesus sandiri dohot halahi jana mangolu songon pangalaho ni jolma sarupa dohot halahi. Songon i pe pambaenNia, anso ditaluhon Ia do Sibolis i na maniop kuaso ni hamatean i.

IBRANI 2:17

Jadi astuanna, angkon sarupa do Ia dohot halahi di sude pangalaho. Jadi dung songon i tarbaen Ia ma diriNia gabe Malim Godang ni halahi, na burju jana na maribo ni roha di na nioloanNia Debata laho manyesa angka dosa ni halahi.

IBRANI 4:15

Angke anggo Malim Godang i nada malim na so dohot mangkilala angka hagaleanta. Ma pola hona uji Ia di sude ragam ni pangalaho, laing songon hita; hum i tutu, nada mardosa Ia!

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.