SURAT NI SI PAULUS TU PARLAGUTAN ROM 8:27 - BIBEL JAMITA NA DENGGAN

²⁷ Debata na mandodo angka roha mamboto hagiot ni Tondi i; dibaen diondihon Ia do angka halak na badia mangihutkon hagiot ni rohaNia.

SURAT NI SI PAULUS TU PARLAGUTAN ROM 8:27 ပူးပေါင်းရင်းမြစ်များ

1 JUJUR TAON 28:9

Jadi tu si Salomo, didok si Daud ma, “Amang, Debata na nisomba ni amangmu ma oku gabe Debatamu. Angkon oloanmu do Ia sian sonang dohot ias ni rohamu. Harana diboto Ia do sude pikiran dohot pos ni rohanta. Muda dijalahi ho Ia, gabe padumpang ma dohot Ia, tapi muda ditadingkon ho, tulakkononNia noma ho salolot-lolotna.

1 JUJUR TAON 29:17

Huboto do, na niujimu roha ni ganop halak jana dihalomohon rohamu do halak parroha na ias. Sian sada ni rohangku, di bagasan jop ni roha huhaulkon ma sudena on tu Ho. Madung tangkas huida sanga songon dia bangsoMu na marlagut dison marjop ni roha marsioban haulna be tu Ho.

MASMUR 139:1

Ale Tuhan, disihiri Ho do au, jana ditanda Ho au.

MASMUR 38:9

Tuhan, diboto Ho do sandok lungun ni rohangku, nada buni di Ho holos ni rohangku.

MASMUR 44:21

pasti diboto Ho do i, angke didodo Ho do sibunian ni roha.

MASMUR 7:9

Antak ma hajahatan na sumalin, jana patogu roha ni halak na denggan. Angke Ho do Debata na tigor, didodo Ho do roha dohot pikiran ni jolma.

PODA 17:3

Sere dohot perak diuji di bagasan api, tapi anggo roha ni jolma Tuhan do manguji.

JEREMIA 11:20

Dung i martangiang ma au, “Ale Tuhan Na Markuaso, Ho do panguhum na tigor; Ho do na manguji pikiran dohot roha ni jolma. Tu Ho do Hupasahat parkarongkon; sugari nian tarbaen au ma manyaksihon balos ni angka parange ni jolma on.”

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”

JEREMIA 20:12

Tapi ale Tuhan Na Markuaso, tigor do pangujiMu di sude jolma; diboto Ho do roha dohot pikiranna. Hara ni i paloas ma jolo au marnida Ho mamalos hajahatan ni musu angke tu Ho do hupasahat parkarongku.

MATEUS 6:8

Ulang songon i hamu. Diboto Amangmunu do na porlu di hamu, dompak so mangido dope hamu.

LUKAS 16:15

Tapi didok Jesus ma tu halahi, “Hamu ma angka na mandok di jolo ni halak, sai na tigor hamu. Tapi diboto Debata do isi ni rohamunu. Angke sanga aha na nietong ni roha ni jolma na gincat, i ma na toruk di panatapan ni Debata.

JOHANNES 14:13

Jana sanga aha pe na nipangidomunu di bagasan goarKu, baenonKu ma i di hamu, anso nipasangap Ama i markite-hite Anak i.

JOHANNES 21:17

Patolu-nolihon laing disapai Jesus dope tusia, “O Simon anak ni si Jona. Holong do rohamu mida Au?” ning Ia. Gabe marsak ma si Petrus hara ni na nisapaan ni Jesus i ia jabat tolu noli di na nidok ni Jesus, “Holong dehe rohamu mida Au?” Tapi laing dialusi si Petrus ma, “O Tuhan diboto Ho do Tuhan sasudena. Diboto Ho do Tuhan na holong rohangku mida Ho!” Dung i didok Jesus ma tusia, “Antong parmahani ma angka biri-biringKi.

BAENON NI ANGKA RASUL 1:24

Dung i ditangiangkon halahi ma i. Ninna halahi ma, “O Tuhan, Ho do na umboto sude roha ni jolma. Madung ditinggalkon si Judas tohonan harasulonnia. Madung mate ia. Hara ni i patuduhon ma tu hami, sanga ise do sian na dua on na nitodoMu gabe hasahatan ni karejo i manggonti si Judas.”

BAENON NI ANGKA RASUL 15:8

Jana dipatandahon Debata siida roha ni jolma i do na dung nijagitNia halahi; i ma na nipatuduhonNia di na nilehenNia Tondi Parbadia tu halahi laing songon na dung nilehenNia i tu hita muse.

SURAT NI SI PAULUS TU PARLAGUTAN ROM 8:34

Ise dope na tarbaen manguhumi hita? Kristus Jesus do mangondihon hita! Ia ma na dung mate, lobi sian i dope, Ia ma na dung dipangolu mangulahi sian hamatean jana di siamun ni Debata do Ia maringanan.

SURAT NI SI PAULUS TU PARLAGUTAN ROM 8:6

Muda bako ni jolma do manggohi rohaniba, hamatean ma ujungna. Tapi muda Tondi Ni Debata do manggohi rohaniba, mandapot hangoluan ma iba jana hasonangan sian Tondi Ni Debata.

EPESUS 2:18

Markite-hite Kristus tarbaen ma hita sudena solkot tu Ama i – sanga na halak Jahudi sanga pe angka na so Jahudi.

1 TESSALONIKA 2:4

Nada! Nada na giot pasonang-sonang roha ni jolma hami manghatai. Na giot pasonang roha ni Debata do hami muda manghatai. Debata do na dung manguji rohanami jana na dung mangangkat hami laho manjamitahon Jamita Na Denggan i.

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.

JAKOBUS 5:16

Hara ni i, marsioku dosana ma hamu jana marsitangiangan anso dipamalum hamu. Na margogo situtu do tangiang ni halak na mangihutkon hagiot ni Debata.

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.