SURAT NI SI PAULUS TU PARLAGUTAN ROM 8:23 - BIBEL JAMITA NA DENGGAN

²³ Tapi nada hum i sajo, dohot do hita manjagit patumonaan ni Tondi i, humolos muse do hita di bagasan rohanta huhut painte-intehon hadakdanahan i, i ma haluaan ni pamatangta.

SURAT NI SI PAULUS TU PARLAGUTAN ROM 8:23 ပူးပေါင်းရင်းမြစ်များ

2 JUJUR TAON 31:5

Dibaen ma boa-boa ni parenta i, jadi dioban halak Israel ma tu angka malim i silehen-lehen na sian suha ni tano ni halahi na parjolo: Jaung, anggur, miak zetun, aer ni loba dohot suha na asing-asing. Di halak Levi dioban halahi ma saparsampulu bagian sian sinadongan ni halahi.

LUKAS 20:36

Songon surusuruan noma pangalaho ni halahi jana nada ra be mate. Gabe dakdanak ni Debata ma halahi, angke madung dipangolu halahi mangulahi, sian hamatean.

LUKAS 21:28

Jadi muda dung mamungka tarjadi na songon i, jongjong ma ho jana padorgak hamu ma ulumunu, angke santongkin nari paluaon ma hamu.”

SURAT NI SI PAULUS TU PARLAGUTAN ROM 5:11

Tapi nada hum i sajo. Marmoga-moga muse ma hita di bagasan Debata, markite-hite Tuhanta Jesus Kristus, harana markite-hite Ia madung hita jagit saonnari pardamean i.

SURAT NI SI PAULUS TU PARLAGUTAN ROM 5:3

Tapi nada hum i sajo, di bagasan pardangolan pe laing marmoga-moga ma hita, angke madung taboto gabe mur sobar do halak dibaen pardangolan,

SURAT NI SI PAULUS TU PARLAGUTAN ROM 5:5

Nada pailaon be hita hara ni arop ni roha na songon on, harana madung digohi Debata rohanta i dohot holong ni rohaNia. Markite-hite Tondi Parbadia do dibaen Debata songon i, i ma Tondi na nilehenNia tu hita.

SURAT NI SI PAULUS TU PARLAGUTAN ROM 7:24

Jolma na lebak do au. Ise ma he na giot palua au sian pamatang hamatean on?

SURAT NI SI PAULUS TU PARLAGUTAN ROM 8:19

Hara ni lungunna, sasudena na nitompa i painte-intehon do sanga andigan hatihana patidahonon ni Debata hasangapan ni angka dakdanakNia i.

1 KORINTUS 1:7

gabe nada adong be na hurang pasupasu di hamu, di na nipainte-intemunu Tuhanta Jesus Kristus ro jana idaon ni halak sudena.

2 KORINTUS 1:22

Domu tusi, madung dilehen Ia tu hita tanda paboa na Ia nampuna hita jana dilehen Ia maringanan TondiNia di bagasan rohanta na gabe jaminan ni sasudena na nipasingkopNia i di hita.

2 KORINTUS 7:5

Di na lalu pe hami tu Makedonia, laing so marnamantak do hasusaan sian hami. Dihaliangi hasusaan do hami; parsalisian sian pihak na asing dohot biar ni roha sian hami sandiri.

GALATIA 5:5

Hara ni Tondi dohot haporsayaanta, arop do rohanta di hatigoran i.

EPESUS 1:14

Tondi i ma na gabe jaminan paboa na jagitonta ma sanga aha na nijanjihon ni Debata tu halakNia. Jana on ma na papos rohanta paboa na angkon paluaon ni Debata ma angka halakNia. Sipujion do Debata hara ni hagodanganNia i!

EPESUS 4:30

Ulang ma pahancit hamu roha ni Tondi Parbadia ni Debata. Madung dimeteraihon Tondi i hamu tu ari haluaan i.

EPESUS 5:9

Angke sian na torang i do haroroan ni sasude ragam ni parange na denggan jana na bonar di panatapan ni Debata.

2 TIMOTEUS 4:8

Jana saonnari upa ni hamonangan i noma sipainteonku. Di Ari Parpudi, pasahaton ni Tuhan Panguhum na tigor i ma upa i tu au, angke di bagasan pardomuan na denggan do au mangolu dohot Debata. Jana nada hum au sajo na giot manjagit upa i, tapi dohot do sudena halak na sai malungun paintehon haroro ni Tuhan i.

TITUS 2:13

Saonnari na painte-intehon Ari na niarop ni rohanta i do hita. Anggo di Ari i, idaon ni portibi on ma hasangapan ni Jesus Kristus, i ma Debata Na Gumodang i jana Jesus Kristus Sipalua hita.

IBRANI 9:28

Laing songon i do Kristus i, hum sanoli sajo do Ia nihaulkon songon haul laho manyesa dosa ni bahat halak. Ro dope Ia nian paduanolihon tapi nada mamorsan dosa be; na giot paluahon angka jolma na paintehon haroroNia noma.

1 PETRUS 1:7

Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.

1 JOHANNES 3:2

Hamu angka dongan na nihaholongan! Saonnari dakdanak ni Debata do hita, tapi sanga na bia hita muse, nada dipatidahon dope i tu hita. Tapi laing toboto do, muda ro Kristus, gabe songon Ia ma hita, angke idaonta ma Ia di pangalahoNia na satutuna.